Hebreus 8:5 - Kaxinawá Bíblia (BR)

⁵ Ha inũ, haska Mati Sinai anushũ Deusũ nai anua tari inũ bitxi hiwe dami Moisés uĩmaxina Moisés hatu amanũ ikaya hanushũ Deusũ Moisés ana yuikĩ: “Uĩrawe. Haska mati anushũ ẽ mia uĩmaxina keska ha itsa hatu amashãwẽ”, aniwẽ taeshũ Deusũ Moisés uĩmani ha kayabima ha itsa uĩmani keska ha Israelbu hawenabu Deusbe hãtxashunikabũ txibãkĩ akubaĩmisbuki.

Kashinawa : Diosun Jesúswen taexun yuba bena yiniki

⁵ Ja inun, jaska Mati Sinai anuxun Diosun nai anua tadi inun bichi jiwe dami Moisés uinmashina Moisin jatu amanun ikaya januxun Diosun Moisés ana yuikin: “Uindawe. Jaska mati anuxun en mia uinmashina keska ja itsa jatu amaxanwen”, aniwen taexun Diosun Moisés uinmani ja kayabima ja itsa uinmani keska ja Israelbu jawenabu Diosbe janchaxunikabun chibankin akubainmisbuki.

Hebreus 8:5 Referencias Cruzadas

Mateus 2:12

haska watã bua usha namaibũ Deusũ nai tsumã hatu yuikĩ: “Shanẽ ibu Herodes anu ana txĩtũbaĩyamakãwẽ”, hatu wa hawaira bestẽtã bai betsawẽ inũ bunibukiaki.

Hechos 7:44

Hakia hanu tsua hiweabuma anu nukũ shenipabu buaketãkinã, Deusũ hawẽ hatu yubakĩ xinãmati tari inũ bitxi hiwe hatu amaima hayanibuki, haska Moisés Deusũ uĩmakĩ yunuima keska hatu amaimarã.

Colosenses 2:17

Na beya betsa betsapa tibiwẽ hawẽ Cristokiri xinãmati besti ikubainibuki. Hakia Cristo ma hunikẽ ha beya ana kuxipa hayama hamẽki.

Hebreus 10:1

Hanua Deusũ hatu yubani Moisés hatu yusĩpauni hawẽ yubati bena haska hawẽ besu tashnimashanai hawẽ bemakia unãmati besti iniki, haskaira mawaira kuxipa ha kayabimarã. Haskakẽ Deusũ hãtxa Moisés yusĩniwenã, tsuabura dasibi pepatirumawẽ taea bari tibi habias daya txashuwã bene inũ ina awa bene tesẽshũ kuakĩ keyushũpakebiakĩ Deusbe nukunabu hãtxashunika shanẽ ibu binuatũ nukunabũ hatũ xinã hatu betsa wamakĩ dasibi hatu pewakĩ keyushũtirubuma ikubiranibuki.

Hebreus 11:7

Ha inũ, nukũ shenipabu Noẽ Deus ikũwãyã Deusũ bebũkiri haska washanai iriama uĩyamabia huni pepakĩ Deusũ yunuti txibãkĩ hawẽ hawenabu pashawakatsi nunuti ewapa wanikiaki. Haska Deus ikũwaĩwẽ taeshũ Deusũ mekekĩ hawẽ pewẽ manakukĩ pashawanikiaki. Habias hãtxa ikũwãkĩ txibaĩwẽ pashakĩ yurabu mai hirabi anuabu Noẽ hatu kupinikiaki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Hebreus 13:10

Ha inũ, nukũ txakabu buanũ ika Jesus ma nuku mawashuni nukubu nũ hayabiakẽ tsuabũra judeubũ shenipabũ beya henekatsi ikama yuinaka menukĩ hatũ txakabu buanũ ikaiburã, hamẽ akanikiki. Nukũ merabenãtũ kuxipa hayatirubumariki.

Hebreus 9:9

Ha inũ, hanu Deuski nukuti tari hiwe anushũ hawẽ daewati beshũ inãbu hatu kuashũkĩ keyubiakẽ tsuã xinã pewakĩ keyuama ipaunibuki. Haska wakinã, hawẽ nũ unãtirubu apaunibuki.

Apocalipse 15:5

haskaibu naiuri ẽ uĩayã Deusũ hiwe nai anu bepẽmanakainaya Deus yubakatã Moisés hiwe wamani