Hebreus 6:18 - Kaxinawá Bíblia (BR)

¹⁸ Haska Deus yubakamis yubanametã maewai txani txakaismawẽ taea hawẽ nukuwẽ nuishanai nũ haki irushanũbũ ha ikũwãkĩ manakanãkãwẽ, nuku ashũshanikikirã, hawẽ taea yubakaniwenã.

Kashinawa : Diosun Jesúswen taexun yuba bena yiniki

¹⁸ Jaska Dios yubakamis yubanametan maewai chani chakaismawen taea jawen nukuwen nuixanai nun jaki iduxanunbun ja ikunwankin manakanankanwen, nuku axunxanikikidan, jawen taea yubakaniwenan.

Hebreus 6:18 Referencias Cruzadas

Salmos 110:4

Senhor Deus mikiri hãtxai yubakaniwẽ taearã, Senhor Deusunã, hawa shinã betsa wama ipakeshanikiki, eska hãtxaniwẽ taearã: “Miarã, minabu ebe hãtxashunika niti ikama mĩ ipakeshanaii, Melquisedeque ipauni keskairã.”

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Provérbios 3:18

Tsuãra unanepa hãtxa tapĩtã txibaĩ hawẽ hiwetirubuki, pe mekei benimakũkainirã.

Provérbios 4:13

Ẽ yusĩti hãtxa danãma mestẽwãtã hakimakĩ heneama txibaĩ mĩ pe hiwekũkaĩshanaii.

Isaías 64:7

Tsuã mia shinaĩ mibe hãtxai ana tsua hayabumaki. Hau mĩ hatu merabewanũ hawẽ bika tenekĩ mĩ kushipa benakĩ mia yukabumaki. Nukũ txakabuwẽ taea nuku henei nukuki petxitã ana nuku merabewai hãtxama mĩ huneaki.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Mateus 3:7

hanua Joãonẽ hau ea naximanũ ika saduceubu inũ fariseubu bebirã bebiranaibu hatu yuikĩ: “Maturã mã paranãbuki, dunũ hatu pimis keskaburã. Mã haska keska matuki Deus sinatakĩ matu kupihairashanaiwẽ taea matũ xinã betsa wakãwẽ. Haskatã matũ txakabu mã ma beshtekea shabakabi mã ea uĩmaya ẽ matu naximashanaii.

Lucas 2:25

habiatiãri huni betsa pepahaira Deus kẽwãkĩ kaneisma hawẽ kena Simeão Jerusalém anu hiweshũ Deusũ Israelbu dasibi ana merabewakĩ hatu pekakĩ akawashanai yubani Simeão manakakubaĩxina hawẽ Yushĩ Pepa haya hatũ merabewakĩ unãmaya

Romanos 15:5

Haskakẽ Deus matuwẽ nuikĩ matu merabewaya haska matu hiwemakatsis ikai hawẽ nui pepa hau matu uĩmakubainũwẽ, haska Jesus Cristo hiweni keska matu txibãmakinã.

Romanos 3:4

“Haska mã xinãtirubumahairaki”, akĩ ẽ hatu yuimiskiri matu yuinũ nĩkakãwẽ. Dasibi yurabu hawara yui yubakatã txani txakabiamisbũ Deusũ hawẽ hãtxa kayabi matu yubaniwẽ taeshũ Deus txani txakakĩ betsa waismariki. Haskawẽ taeshũ Deusũ hãtxa yuishunika Davĩ Deus dayuikĩ: “Deusuũ, tsuãra mĩ pepawẽ hãtxa kaneama mikiri yuimisrã, mĩ hawa kaneisma unãshãkanikiki. Miki ha ibiamisbu mĩ hatu binu keyushanaii, hanu yurabũ mia unãti waitianã”, itã keneniki.

Romanos 5:5

Haska nũ manakatiru Deus nukuwẽ nuimis nuku unãmakĩ hawẽ Yushĩ Pepa nuku inã hawẽ taeshũ Deus ikũwãkĩ txibãkubaĩkĩ haska nuku yubani manai hamẽ nũ manakamaki. Haska xarabuwẽ taeshũ hamapai bika nũ teneairã, hawẽ taeshũ Deus nũ kẽwãkubainaii.

Filipenses 2:1

Cristõ hawẽ kuxipa matu inãkinã, hawẽ xinã txãkãkaĩti matu inãniki. Mã nui haya matũ betsabu ha xinãwẽ matu yunua mã hatu daewatiruki. Tsuara mã Cristoki dasiarã, habias Yushĩ mã haya ikũwaĩ betsabuwẽ hatuya nui mã kashakũkaĩtirubuki.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

Colosenses 1:5

Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

1 Timóteo 1:1

Ea ẽ Paulorã, Deus nukũ mekenika inũ Jesus Cristo hawẽ yubakaniwẽ nũ hiweshanai nũ manaitũ Jesus Cristõ kuxipaya ea washũ ea yununibuki.

1 Timóteo 6:12

Haska mĩ hiwea ikibi ika bibiatã mĩ benutiruma Deusũ mia inãkatsi mia kenakĩ katuniwẽ taeshũ haska mĩ ikũwaĩ mĩ ma itxabu anua shabakabi txanini hatu unãmakubaĩwẽ, Jesus Cristo txibaĩ txĩtuãma dasibi Deusũ mia yunumis dateama xinãkĩ akubaĩkinã.

2 Timóteo 2:13

Hamẽ nukubu nũ xinã betsa betsapa wai txĩtũbiamiskẽ hatunã, hawa xinã betsa betsapa waisma ikũkaĩnũbarikiki, haskatã hamebi ibubis txani txakatirumarã.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Hebreus 11:7

Ha inũ, nukũ shenipabu Noẽ Deus ikũwãyã Deusũ bebũkiri haska washanai iriama uĩyamabia huni pepakĩ Deusũ yunuti txibãkĩ hawẽ hawenabu pashawakatsi nunuti ewapa wanikiaki. Haska Deus ikũwaĩwẽ taeshũ Deusũ mekekĩ hawẽ pewẽ manakukĩ pashawanikiaki. Habias hãtxa ikũwãkĩ txibaĩwẽ pashakĩ yurabu mai hirabi anuabu Noẽ hatu kupinikiaki.

Hebreus 3:11

haskawẽ taea hatukiri yubai: ‘Ẽ hatuki sinataiwẽ taea hanu mai pakea pepa ẽ hatu yubabiani anu hau hikiyamashanũbũwẽ’ ”, ika Deus yubakaniki.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 6:17

Deus haska yubakani meneshanai hawẽ yubakatirã, hawa maewama tsuabũra txanima ikũwãkĩ shabakabi bishanaibu hatu inãkatsi Deus hawẽ bakewẽ txanima ashanai hakiri yubakaniki, mestẽwainã.

Hebreus 7:19

Deusũ Moisés yunua hawẽ hãtxa keneni txibãbiai hatũ nuku pepawatirumakẽ hawẽ shãtukũ betsa yunukĩ nuku hawẽ yuba bena pehaira wakĩ ha txibaĩ haki dasitã Deusũ enabu kayabibu nũ hiweshanũbũ nuku ashuniki.

Hebreus 7:21

Hamẽ nukũ Shanẽ Ibu katukinã, hawẽ yuba kanetima waniki. Hakiri tana yubakaikiri Davi hakiri hãtxakĩ kenekĩ: “Deusũ hawẽ bake katukĩ hakiri yuikĩ: ‘Miarã, ebe minabu hãtxashunika mĩ ipakeshanaii, niti ikamarã’, akĩ yubakĩ Deusũ ma yui hãtxashu ana hawẽ xinã betsa wama ishanikiki”, akĩ nuku keneshuniki.

1 João 1:10

Hakia tsuãra yuikĩ: “Ẽ hawa txakabuwaismaki”, ikĩ Deus txani txakai dabanẽ yurabũ hawẽ hãtxa nĩka pewariama haska dasibibu nũ txakabu hayabuwẽ taea nũ haska yuitirubumaki.

1 João 5:10

Tsuãra Deusũ bake ikũwaĩnã, hamebi hawẽ huĩti merã ha kaka haya yuimakĩ shabakabi wamaikiki. Hakia tsuãra Deus ikũwãmatunã: “Deusrã, txaniki”, ikĩ hatu xinãmamiski, ha txanitxakakinã, Deus ibubis hawẽ bakekiri txanini ikũwãmarã.

1 Samuel 15:29

Txanima Deusũ hawẽ kushipawẽ Israelĩ enabu hatu duawakubaĩmis txanitxakaisma inũ hawẽ shinã betsa waismaki, huni betsa betsapabũ hatũ shinã betsa wamisbu keskamarã— aka