Hebreus 6:10 - Kaxinawá Bíblia (BR)

¹⁰ Ha inũ, Jesus ikũwaĩbu betsabu merabewai hatuwẽ nuikĩ abukĩ mã Deus abukĩ Deusũ haska abuai akĩ mã benimawamiswẽ taeshũ hawa kanema matũ pepari hakimama matu duawakĩ matu hawa danãma iriashanikiki, haska natiã mã ariakubainaibuwenã.

Kashinawa : Diosun Jesúswen taexun yuba bena yiniki

¹⁰ Ja inun, Jesús ikunwainbu betsabu medabewai jatuwen nuikin bechipaikin man Dios bechipaikin Diosun jaska bechipaiai akin man benimawamiswen taexun jawa kanema matun pepadi jakimama matu duawakin matu jawa dananma idiaxanikiki, jaska natian man adiakubainaibuwenan.

Hebreus 6:10 Referencias Cruzadas

Salmos 20:3

Duawakĩ mĩ inãkuĩ tibi mĩ inãkubaĩmis inũ inabũ sheni menukĩ mĩ benimawamis shinaĩ hau matuwẽ benimakũkainũwẽ.

Êxodo 1:20

haskakẽ bake kaĩmanika aĩbuaibu Deusũ hatu merabewaya hanua Israelĩ enabu pai kushipai ana itxapahairakubainaibũ

Provérbios 14:31

Tsuãra nuitapaibu bika tenemakĩ itxakawakinã, hatũ damiwani Deus danaĩ haki sinatamamisbuki. Hakia tsuara nuitapaibuwẽ nuikĩ hatũ damiwani Deus duawakĩ benimawakubaĩmisbuki.

Provérbios 19:17

Nuitapaibu merabewakĩ hau hawẽ dayanũ mã hatu pei inãyumisrã, Senhor Deus mã inãyua keskaki. Nuitapai pewaima keska wakĩ Senhor Deusũ manakukĩ ana inãshanikiki.

Jeremias 31:16

hanushũ Senhor Deusũ ana yuikĩ: “Raquelĩ enabu aĩbuaibuũ, ana hamẽ kashayamakãwẽ, matũ beũ hene hamẽ txakawairã. Matuki sinataibũ hatũ mai pakea anua matũ bakebu ana txĩtũshanaiwẽ taeshũ hatuwẽ nuihairai inũ mã hatuwẽ isĩ tenehairabiakũkainairã, txipu matũ manakuti mã hayakũkaĩshanaii. Haska ea ẽ Senhor Deusũ ẽ hãtxawẽ ẽ matu mestẽwaiĩ.

Mateus 10:42

Ha inũ, eki txiti iki beshmasbiabũ hatu ũpash matsipa yukabu ea txibãmisbuwẽ taeshũ hatuwẽ nuikĩ ũpash hatu amakubaĩmisbu ikũ hawẽ kupiti pepa bishãkanikiki— nuku aniki.

Mateus 20:7

habũri yuikĩ: “Tsuã nuku hawa yunuama nũ ikaii”, akabu bai ibuã hatu yunukĩ: “Maturi ẽ bai anu kashũ ẽ bimi ea tsekashũtãkãwẽ, ma bari hikiaya ẽ matu paka pewairã”, hatu wa buabũ

Mateus 25:17

ha unãnepa beshmas 2.000 inãbaĩxinari habiaskari dayashũkĩ ana 2.000 hawẽ shanẽ ibu bishũkubaĩkĩ itxawashunaya

Marcos 9:41

Ha inũ, mã ea ikũwaĩbuwẽ taeshũ hamapai tibiwẽ matu duawakĩ ũpash amai keskawẽ matuwẽ dabanã ikĩ matu inaĩburã, ikũ Deusũ hatu duawashanikiki, pepawẽ manakukinã— iwanã,

João 13:20

Txanima tsuara ẽ kenaya ẽ yunua ka habũ hatũ hãtxa nĩkakĩ ikũwãkĩ hatu duawakĩ eari habiaskari wakĩ hatũ ea yununiri habiaskari washãkanikiki— nuku wai

Hechos 10:31

ea yuikĩ: “Cornélioõ, mĩ Deusbe hãtxakĩ dayuimis inũ haska dasibi nuitapaibu mĩ merabewamis Deusũ uĩkĩ xinãkubaĩmisshũ ma miwẽ benimaikiki. Haskawẽ taeshũ mia yuinũ nĩkawe.

Hechos 10:4

hakiri besushũ uĩ datehairakĩ yukakĩ: —Shanẽ ibuũ, hawamẽ?— aka hanushũ nai tsumã yuikĩ: —Deus kẽwãkĩ mĩ dayuimis inũ haska dasibi nuitapai hawa hayabuma mĩ hatu merabewamis Deusũ nĩkatã ma miwẽ benimaikiki. Haskawẽ taeshũ mia yuinũ nĩkawe.

Hechos 11:29

Haskaibũ Judéia anushũ ikũwaĩ nuitapaibu hatu merabewanũ, ishũ, yuinametã hatu pei itxawashũkĩ pei itxapayabũ itxapa inãkĩ eskarabes hayabũ eskarabes inãkĩ hatu itxawashũtã hanua

Romanos 12:13

Ha inũ, matubetã ikũwaĩ betsabu mabu yupaibu hawara mã haya pashkashũkĩ hatu merabewakubaĩkãwẽ. Ha inũ, ikũwaĩ betsabu haniara matuki bai beabu matũ hiwe anu ishũ pimatã hatu ushãkubaĩshãkãwẽ.

2 Coríntios 9:1

Mã Corinto mae ewapa Acaia mai pakea anuabũ ua bari betsatiã nuitapaibu Jerusalém anuabu matũ inãkuĩa mã habũ inãkatsis ikai nĩkatã dasibi Macedônia mai pakea anu manishũ ikũwaĩbu mã akai kakai nĩkatã mirimabũ habunari bumakatsi iriaibuwẽ taeshũ matukiri kẽwãkĩ nuitapaibu mã merabewati xinãnikẽ ẽ ana haskakiri txanikĩ matu keneshunamaki.

Gálatas 5:13

Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Gálatas 6:10

Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

Colosenses 3:17

Hawara tibi mã akai inũ mã yuiairã, nukũ Shanẽ Ibũ haska abui keska hawẽ kuxipawẽ akubaĩkãwẽ, nukũ Epa Deus: “Peki”, akinã, mã Cristonabunã.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Timóteo 6:18

Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Hebreus 10:32

Hanu mã Jesus ikũwãkĩ taewaitiã mã ini xinãkãwẽ. Habũ ikũwãkatsi ikabumã matu bika tenemabiabu mestẽtã mã binukubaĩyamaki.

Hebreus 13:16

Ha inũ, Deus xinã txãkãwanũ, iwanã, ana matũ hamapaiwẽ nuiama pepakĩ ikũwaĩ betsabuwẽ nuikĩ hatu merabewai hawara mã haya itxapa kasmai eskarabes pashkashũ yauxiama hatu inãkĩ heneyamakubaĩkãwẽ, haska wakĩ Deus xinã txãkãwãkinã.

1 João 1:9

Hakia hau nukũ txakabu nuku buashunũ hawara mekĩ nũ hatu mexu waxinaki dateama Deus inũ tsuabura nũ txakabuwaxina hau nĩkanũbũ shabakabi nũ hatuki txaniaya Deus pepa nukuwẽ nuikĩ nukũ txakabu buatã ana xinãma nuku hakimawatiruki.