Hebreus 13:14 - Kaxinawá Bíblia (BR)

¹⁴ Haska inũ, na mai anu nũ hiweyuarã, mae putatimai has ibua hawẽ nui nũ hanus ipatirubumaki. Hakia Deusũ maewã pepa ha yubani tashnimashanai haskawẽ nũ hiweshanai xinã bestikĩ nũ manakayuaii.

Kashinawa : Diosun Jesúswen taexun yuba bena yiniki

¹⁴ Jaska inun, na mai anu nun jiweyuadan, mae putatimai jas ibua jawen nui nun janus ipatidubumaki. Jakia Diosun maewan pepa ja yubani taxnimaxanai jaskawen nun jiwexanai shinan bestikin nun manakayuaii.

Hebreus 13:14 Referencias Cruzadas

Miquéias 2:10

Na maerã, hanu huĩrukũti kayabimawẽ taea benitã burikãwẽ. Nenu atimapahairawẽ taeshũ txakabuwakĩ yamawakĩ keyushãkanikiki.

1 Coríntios 7:29

Ẽ betsabu inũ ẽ puibuũ, ma bari keyui kemaya aĩyãkĩ matũ aĩkiri besti xinãma nukũ Shanẽ Iburi xinãkubaĩkãwẽ.

Efésios 2:19

Haska inũ, uatiã Deuskiri unãma hariri mã xinãma ibiani natiã haska Deusũ nuku yubani ikũwaĩ nũ hayabu matuburi mã Deusbe haibunametirubuki, haska judeubũ Jesus ikũwaĩ keskai mã ma Deusũ enaburiki.

Filipenses 3:20

Hakia nuku ikirã, nũ haskamaki. Nukũ mae kayabi nai anuki. Haska nũ manakaiburã, nukũ mekenika nukũ Shanẽ Ibu Jesus Cristo ana hushanai nũ manakakubainaii.

Hebreus 10:34

Jesusunabu betsabu hatuki sinatakĩ bitxiti hiwe merã hatu bitxiabu nuitapaibuki mã batãtanaya matũ mabu inũ matũ hiwe matu biãbũ hawa yuiama benimakĩ matũ hamapai hatu heneshũkĩ Deus kẽwãkĩ hawẽ mae pepa nai anu hawa txapuisma hanu hiwei ikibi iki mã kashanai haska mã xinãkubaĩyamaki.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Hebreus 12:27

Hakiri yuikĩ: “Ana bestiwakĩ ẽ ashanaii”, inirã, ha mai damiwani anua hamapai tibi maewakeaketã hanushũ hawara Deusũ abuai maewama hau betsama ipakeshanũbũ dasibi damiwani Deusũ ana patxa sakumaya hawara Deusũ mekekatsi ikama hamebi yamai keyushanairã, nũ tapĩtirubuki.

Hebreus 2:5

Bawaitiã na mai anu Deusũ damiwani anu yurabu hiwebaũshanaibu anushũ hau Deusũ nai tsumabũ yunuyamashanũbũ Deusũ hanu hatu yunuama iniki, na haskakiri nũ hãtxairã.

Hebreus 4:9

Haskawẽ taea hawẽ huĩrukũti pepa naiuri nũ Deus ikũwaĩbu meribi nũ hawenabu hikishanaibu hayayuakiaki.

Hebreus 9:11

Hakia Cristo na mai anu ma iwãniki. Eskatiã harã, nukũ Shanẽ Ibu Deusbe nuku hãtxashunika binuhaira haska Deusũ yuba bena nuku inãniwẽ nuku mekekubainikiki. Hanu Cristo hikinirã, na mai anushũ hunibũ hiwe wani keska anu hikiama hakia haskarara ma hari Deusũ pewashuni anu hikitã haria nuku Deusbe hãtxashuni hawa apaunibu keska wama hatu binua pehaira kaneisma nuku ishũkũkainikiki.

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.