Hebreus 10:39 - Kaxinawá Bíblia (BR)

³⁹ Haskakẽ betsabũ Jesus txibaĩ txĩtuaĩbu habu Deusũ kupiaya ea inũ mã ebetã Jesus ikũwaĩ txĩtuãma nũ txibãkubaĩmisburã, hawẽ pashai Deusbe nũ hiwekũkaĩshanaii.

Kashinawa : Diosun Jesúswen taexun yuba bena yiniki

³⁹ Jaskaken betsabun Jesús chibain chintuainbu jabu Diosun kupiaya ea inun man ebetan Jesús ikunwain chintuanma nun chibankubainmisbudan, jawen paxai Diosbe nun jiwekunkainxanaii.

Hebreus 10:39 Referencias Cruzadas

Provérbios 1:32

Hawara pepa betsa betsapa tapĩkatsi isbumawẽ taea habũ hawa unãma mawashãkanikiki. Hawa yusiã pepawẽ nuisbumawẽ taea unaĩsmapa mawai yamashãkanikiki.

Provérbios 14:14

Haska unaĩsmapabu hawẽ hiwea pemabiakẽ hiwekũkaini benimakubaimisbuki. Hakia huni pepabũ haska pe wakubaĩmisbuwẽ benimai shinã txãkãkubaĩmisbuki.

Marcos 16:16

Habũ ea ikũwaĩ henewẽ mã hatu naximaya ẽ hatu mekeshanaii. Hakia habũ ea ikũwãkĩ xinã betsa wabuma ẽ hatu kupishanaii.

Lucas 11:26

kashũ ana sete yushĩ betsa txakabuhaira hatube dasikirã, ha dukũtũ ha yura itxakawakĩ mirĩwaima ana binumakĩ pikuhairamisbuki— ikĩ

João 17:12

Na enaburã, mai anua hatube hiweshũ mĩ kena kuxipa mĩ ea inãniwẽ txakabu nemakĩ ẽ hatu mekekubirãxinaki, hawa hatu benuamarã. Judas besti haska hakiri kenenibu keska aki ma benuni iki kashuki.

João 5:24

Txanima ẽ matu yuikubainaii. Tsuãra ea nĩka pewai hawẽ hiwea txakabukiri kai beshteketã hatũ ea yununiri ikũwaĩ hiwekuĩkanikiki, ikisrã. Bikawẽ unãti wama mawa kayabi tenemama hiwekuĩaĩbu txakabuwẽ nũ kupiama ishanaii.

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

1 Tesalonicenses 5:9

Txanima nukuwẽ taea Jesus Cristo nuku mawashuniwẽ taeshũ Deusũ nuku hawẽ kupikatsi ikama nũ hiweabu inũ nũ mawabu nukũ Shanẽ Ibu Jesus Cristowẽ nuku meketã nuku habe hiwemashanai nũ unaiĩ.

2 Tesalonicenses 2:3

Ha inũ, matube hiweshũ hawara ẽ matu yusĩtanimarã, mã ma daki hakimai ikai matu ana yuinũ nĩkakãwẽ. Deus ikũwaĩbu itxapabũ Deus danaĩ txĩtuaĩbũ Jesus hushanai ma kemaya huni txakabu kuxipa bebũkiri ha dukũ hushanikiki, ha huni txakabũ iburã, hau Deusũ kupiti tenetxakayamashanũ Deusũ ma haki tanashũ pewanirã. Ha Deuski sinatamistũ Deusũ yunuti inũ hawẽ nemati danãkĩ hamapai tibi kẽwãkĩ txibaĩbu nemanũ, iwanã, hamapai dami xarabu kẽwãmisbu hatu binukĩ maematã hamebi keĩ hanua Templo Jerusalém anu tsaushũ yuikĩ: “Earã, ẽ Deuski”, ishanikiki. Haskawẽ taeshũ hau matu parãyamashanũbũ hatu hawa nĩkamayamashãkãwẽ.

1 Timóteo 6:9

Hakia tsuabura mabu inũ pei bestiwẽ kemuaiburã, habũ hawa unãmawẽ taearã, birũ tibi keska hatũ kemu pae tibiwẽ hatu atxi keyua haska tibi tashniaiwẽ taea hawa xinãma: “Ẽ peaii”, i bestikĩ hamapai txakabu hawẽrua besti abui hawẽ hiwe txakai pikukũkaini hawẽ hiwea benui hanu kupiaitiã hawa pepa biama benushãkanikiki.

Hebreus 10:26

Ma Jesus Cristokiri unãti wakĩ txanima tapĩbiatã haratubũra hawa xinã betsa maewama ana nukũmebi txakabu mei atimapai huĩti kuxikĩ nũ akaiburã, ana hawa betsawẽ Deus daewati nũ hayamahairakiaki.

Hebreus 10:38

Tsuabura pepabunã, haska ẽ yubakai xinãkĩ ikũwaĩ hawẽ hiweshãkanikiki. Hamẽ tsuabũra ha ẽ yubakai ikũwãkĩ mestẽwãkatsi ikama txĩtuaĩburã, ẽ ana habuwẽ benimama ishanaii”, aka nĩkashũ nuku keneshuniki.

Hebreus 11:1

Deusũ yubakati hãtxa txanima ikũwãkĩ hawa uĩriamabia hamapai tibi pepawẽ Deusũ nuku duawashanai hayakatsi hawa xinã betsa wama mestẽ besti watã nũ manakahairakubaĩtirubuki.

1 Pedro 1:5

Matũ xinãwẽ mã Deusũ kakape ikũwãkubainaiwẽ taea Deusũ hawẽ kuxipa paewẽ matu mekekubaĩkĩ haska yubakani hanu bari hawẽ heneaitiã haska matu pewashuni mã unãkubaĩmis ibubis hanu haki nukukĩ mã uĩshãkanaii.

2 Pedro 3:7

Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.

1 João 5:16

Ha inũ, txakabu dabe hayaki. Ha txakabu daberã, betsa Deusũ buakatsis ikikiki. Bestitxai buakatsi ikamarã, mawa kayabi anu katiruki, Jesus mawabiashuni danãkĩ txakabu wamisrã. Haskawẽ taeshũ ikũwaĩ betsã hawara txakabu Deusũ abuama ana akai uĩtã mã merabewakatsis ikairã, hau Deusũ kupiyamashanũ xinã pewamakĩ merabewakĩ matũ betsa Deus yukashũkãwẽ. Hamẽ betsãri haska Deusũ hawẽ txakabu buashũkatsi ikama uĩbiakĩ Deusbe hãtxashũyamakãwẽ, hawẽ hiwea ma kupiti hayakirã.

1 João 5:5

Hanushũ: “Jesus Deusũ bakeki”, akĩ tsuãra ikũwãkĩ yuikinã, habu bestitũ Deus danaĩbu hatu binukanikiki.

Apocalipse 17:11

Ha inũ, ha yuinaka mese atimapahaira ha shanẽ ibu sete betsa ibiani ha dukũ hiwebiani natiã ana hayamabia ana hiwea ha oitavo shanẽ ibu ishanikiki. Hakia atimas ha yuinaka mese atimapahaira hawẽ henekĩ Deusũ kupikĩ yamawashanikiki, niti akamarã.

Apocalipse 17:8

Yuinaka mese atimapahaira mĩ uĩshurã, bebũkiri hiwebiani natiã ana hiwea hayamabia haskabia ana hawẽ henei Deus kupimakĩ keyumayui kini keyatapa shãkĩhaira anua mapekei tashnia Deusũ yamawashanikiki. Haskakiranai mai damiwaitiã tsuabura Deusbe hiwekuĩshanaibu unaki Deusũ habũ kena netãma ini yuinaka mese atimapahaira mawabiani ana ũ unuatiã hiwea mapekea habũ uĩkĩ yui: ‘Habaa! Hawamẽ?’ ishãkanikiki.

1 Samuel 15:11

—Pe dabanẽ Saul ẽ shanẽ ibu wani ẽ yunua ea akĩ pewashunama natiã ma ea heneawẽ taeshũ ẽ ma heneaki— aka haskakiri Samuel shinãma bika tenekĩ hau putayamanũ meshu txai tanakĩ Samuelĩ Senhor Deus Saulkiri yukashũshini