Hebreus 10:12 - Kaxinawá Bíblia (BR)

¹² Hamẽ Jesus Cristo ikirã, habũ nũ ikũwãshanaibu nukũ txakabu nuku buashunũ ika besti ha bestiwai cruzkia nuku mawashũtã ana ipatimai bestẽtã hawẽ Ibu Deusũ yusiuri hanushũ betsabu binũa besti natiã ma tsauwaki, hanua nuku hãtxashũkũkainirã.

Kashinawa : Diosun Jesúswen taexun yuba bena yiniki

¹² Jamen Jesucristo ikidan, jabun nun ikunwanxanaibu nukun chakabu nuku buaxunun ika besti ja bestiwai cruzkia nuku mawaxuntan ana ipatimai bestentan jawen Ibu Diosun yusiudi januxun betsabu binuan besti natian ma tsauaki, janua nuku janchaxunkunkainxanaidan.

Hebreus 10:12 Referencias Cruzadas

Salmos 110:1

Deus kushipa dasibi binuatũ ẽ shanẽ ibu yuikĩ: “Miki sinataibu ẽ hatu maemariama manai ẽ yusiuri tsauyuwe, mĩ tae hanakĩ hatuki kẽyãtanã.”

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

Romanos 8:34

Haska inũ, Jesus Cristo debutã haska bestiama ana hiwei bestẽkaĩ nai anu Deusũ yusiuri tsaunishũ Jesus Cristo habe shanẽ ibukĩ Deus nuku ea ashũbiaya tsua betsa kuxipatũ Cristõ nuku pewashuni nematirumaki.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Colosenses 3:1

Cristo mawa bestẽwãtã Deusũ hawẽ yusiuri tsaumanishũ habe shanẽ ibu waiwẽ taeshũ matũ xinã betsa watã mã ma ikũwaĩbu mã ma habe besteni keskawẽ taea hawara naiuria Cristowẽ Deusũ pepa benakubaĩkãwẽ.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 10:10

Hanua Deusũ xinã besti txibaĩ bestiwai hawẽ yura Deus inaĩ nuku mawashũtã ana besteniki, ana betsatiã mawatimairã. Haska wakĩ Jesus Cristõ Deusunabu nuku wakĩ ma nuku meribi waniki.

Hebreus 10:14

Jesus Cristõ hawẽ hiwea besti wakĩ Deus inãkĩ ma dasibi pehairawai mawaniwẽ taea tsuabura Deusũ ma hatu pewani ma meribi hiweshũkanikiki.

Hebreus 5:1

Haska inũ, hawenabu txakabukubaĩmisbuwẽ taea Deus hatuki sinatai habuã hatu daewashũkĩ merabewakĩ txashuwã tesẽshũ hau hatu kua keyupakeshũshanũbũ dasibi Deusbe hawenabu hãtxashunika shanẽ ibu tibi hunibu anua Deusũ katumiski, Moisés betsa Arão katuni keska wakinã.

Hebreus 5:3

Ha inũ, hawẽ txakabuwẽ inũ nukunabũ txakabuwẽ taea Deus sinatai Deusbe nukunabu hãtxashunika shanẽ ibu tibitũ Deusũ yununi txibãkĩ Templo hemaĩtĩ anushũ yuinaka hatu menu keyushũkĩ Deus hatu daewashũpakemisbuki.

Hebreus 7:27

Ha nukunabu Deusbe nuku hãtxashunikabu binuabunã, shaba tibi yuinaka betsa tenãtã hatu kuakĩ menu keyushũmisbuki, ha dukũ hatũ txakabu dukũ buatã ha katxu hatunabũ txakaburi buashũkinã. Hamẽ Jesusrã, hatu keskamaki. Hatũ nukũ txakabu Deus buamai hawẽ hiwea yauxiama cruz anua besti wai hawẽ hiweawẽ nuku mawashũkĩ ana mawatimai ibubis Deus nuku daewashuniki.

Hebreus 8:1

Nũ haska hakiri hãtxairã, nuku Deusbe hãtxashunika binua nũ ha xinã kaya wairã, nai anu hawẽ ibu Deusũ tsauti yusiuri nuku tsaushunaki.

Hebreus 9:12

Cristo ma nuku hikishũtanã, hatũ nuku yuinaka himiwẽ Deus daewashunũ ika ikama iniki. Hakia nukũ txakabuwẽ taea nuku mawashuni besti wai ana mawatimai hawẽ himi habakĩ hau Deusũ nukũ txakabu buashũtã nuku kupiyamashanũ Deus bebũ hikitã nuku daewashuniki, hawẽ hiwepaketi pe nuku washũkinã.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.