Hebreus 1:2 - Kaxinawá Bíblia (BR)

² Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

Kashinawa : Diosun Jesúswen taexun yuba bena yiniki

² Jaska wabiakubainkin jawen bake kushipa watan mai jidabi dasibi damiwamanixun dasibi ibu wamanixun natian jawen jenekin jawen juni bake janchamakin Epa Diosun jawen jancha nuku unanmaniki. Jaskakidi matu ana yusinun ninkakanwen.

Hebreus 1:2 Referencias Cruzadas

Gênesis 49:1

hanushũ ana betsatiã Jacó hawẽ huni bake dasibi kenashũ hatu yuikĩ: “Ea anu itxakãwẽ. Mã haskanũbariai matu bebũkiri yuinũ ea nĩkai bekãwẽ”, hatu wa itxabu

Isaías 2:2

Hanu bari hawẽ henei ma kemaya ha mati anu Senhor Deus kẽwãti hiwe hayakẽ Deus hakiri hãtxakĩ mestẽwãshanikiki. Ha mati binua anushũ hakiri pe shinãkĩ mati tibi binua anu nawa shukua betsa betsapa beshãkanikiki.

Isaías 44:24

Matũ mebikinanika Senhor Deusuũ, mã kaĩriama matũ yura yumewanitũ matu yuikĩ: “Earã, ẽ Senhor Deusũ dasibi dami wakĩ nai hirabi kesukauana wakĩ inũ mai dikabi tashnimatã ẽ mestẽwaniki, tsuã ea hawa merabewamarã.

Isaías 45:12

Eã ẽ aniki, mai inũ yurabu dami wakinã. Ẽ mekẽwẽ nai hirabi hatishũ kesũtã hanushũ ẽ yunua dasibi habu txashatirubu tashni keyunibuki.

Isaías 45:18

Nai dami wanika Senhor Deusũnã, mai dami wakĩ tashnimaniki. Haska watã mestẽwaniki. Hatũ mai dami watanã, hau shaka bestiyamanũ yurabu dami wariatã hiwemakĩ yuikĩ: “Ea besti ẽ Senhor Deuski, betsa hayamarã.

Daniel 2:28

Habiaskabiakẽ Deus bestitxai nai anu hiweatũ hawara hunea unãmamiski. Haskanũbariai mĩ shanẽ ibuhairakẽ mia unãmashinaki. Mĩ usha namakĩ hawara mĩ uĩshina ẽ mia unãmaii.

Miquéias 4:1

Hanu bari hawẽ henei ma kemaya ha mati anu Senhor Deus kẽwãti Templo hayakẽ Senhor hakiri hãtxakĩ mestẽwãshanikiki. Ha mati binua anushũ hakiri pe shinãkĩ mati tibi binua anu nawa shukua betsa betsapa beshãkanikiki.

Números 24:14

Haskakenã, ẽ maekiri ẽ ma kaii. Hakia ẽ kariama ha yurabu minabube haskakubaĩshanaibu mia yuinũ ea nĩkawe— iwanã,

Mateus 13:39

Ha inũ, ha haki sinatakĩ heshe txakabu sa ashũmisrã, Satanáski. Ha inũ, hanu tsekatitiã ishanairã, ma mai hirabi keyuikiki. Ha haskaitiã mai anua hau yurabu bimi tseka keska wanũbũ ẽ nai tsumabu ẽ hatu yunushanaii.

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

Mateus 21:38

hawẽ bake hatuki kemai kai betxitã yuinamei: “Bai ibu mawaxĩkẽ na hawẽ bakẽ hawẽ bai tibi inũ hawẽ hiwe tibi dasibi hawenawayuikiki. Na bai nukunas nũ wanũ tenãnãkãwẽ”, ishũ

Mateus 26:63

Jesus pes hawa yuiama nikẽ Deusbe nukunabu hãtxashunika shanẽ ibuhairatũ ana yuikĩ: —Deus hiweatũ mia nĩkaya hau mĩ txanitxakayamanũ ẽ mia yunuai, ikũ nuku yuiwe. Habia mĩ miamẽ ikairã, mĩ Deusũ bake nukũ mekenã Messias Cristorã?— aka

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

Mateus 3:17

yurabu nĩkamai nai anua hui tashnikĩ yuikĩ: “Narã, ẽ bakeki. Ẽ abuhairaii, ẽ Katuarã”, anikiaki.

Marcos 1:1

Ha dukũ bebũkiri Deusũ hawẽ bake Jesus Messiaskiri hatu yubani haska hawẽ kakape tashnimakĩ taewani matu yuinũ nĩkakãwẽ.

Marcos 12:6

hatu haska tibi wabia habũ inãbumakẽ hawẽ bake bestitxai abuhairai ha besti niti itanaya hakiri xinãkĩ: “Ẽ bake ẽ yunua kaya haki mesekĩ ẽ bimi ea ha inãshũtirubumẽkaĩ”, iwanã, yunua ka

Marcos 12:7

hawẽ bake hatuki kemai kai betxitã yuinamei: “Bai ibu mawaxĩkẽ na hawẽ bakẽ hawẽ bai tibi inũ hawẽ hiwe tibi dasibi hawenawayuikiki. Na bai nukunas nũ wanũ tenãnãkãwẽ”, ishũ

João 1:10

mai damiwani anu hua hatube hiwea hawẽ yusĩa habũ hawẽ hãtxa nĩkama hatu hawenawakĩ damiwabiani Deusũ Xinaĩ Hãtxati mirimabũ unãma inibuki.

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

João 13:3

mai hirabi anua dasibi Epa Deusũ Jesus shanẽ ibumakatsi yununi Deus anua huni ana hawẽri txĩtũ kaĩshanai Jesusũ unaĩ

João 15:15

Hamẽ betsarã, hawẽ dayakiri hawẽ dayarubu shanẽ ibũ hatu shabakabi tapĩmaismaki. Hakia dasibi ẽ Epã ea yuia ẽ matu unãmaiwẽ taeshũ yunubiakĩ ẽ dayaru wakĩ matu kenama ẽ haibuwakĩ ẽ matu kenaii.

João 16:15

Dasibi ẽ Epa hayarã, enariki. Haskawẽ taea: “Yushĩ Txanima Unãmanika ena bitã matu unãmashanikiki”, akĩ ẽ matu yuishuki— iwanã,

João 17:2

Mai hirabi anua hawẽ yurabu dasibi yunuti kuxipa mĩ bake mĩ ea inãniwẽ mĩ hatu katuni ẽ hatu hiwekuĩmashanaii.

João 3:16

Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

João 3:25

“Ha beya ũpashwẽ txukikĩ Deus shabakabi uĩmai nũ pepamiski”, ikĩ xinaĩ judeu yusĩnã betsabe Joãonẽ tsuma betsabu hatũ beyawẽ taea ha iki yuinamei menetã

João 5:27

Ẽ matũ Hutxi Kayabi Iuwawẽ taeshũ dasibi unãti kuxipa ẽ Epa Deusũ ea yunurianiki, eã ẽ hatu unãti wakeakeshanunã.

João 9:29

Deus Moisésbe hãtxaniki. Hakia ha huni haniara kaĩkiranimarã, nũ unãmaki— akabu

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Hechos 2:17

Deus txanii: ‘Ma bari hawẽ henei kaya ẽ Yushĩ Pepa yurabu anu ẽ hatu yunua hatuki dasikẽ matũ huni bakebu inũ matũ aĩbu bakebũ ekiri yusĩaĩbũ berunãbu usha keskashũ dami betsa betsapa uĩaĩbũ anibubu usha ekiri namariashãkanikiki.

Romanos 1:4

Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.

Romanos 8:17

Haskakẽ Cristoki nũ ma dasiabuwẽ taea nũ ma Deusũ bakebuki. Haska inũ, yura betsabũ hawara bika nuku tenemaibu Cristõ tenekubaini keska wakĩ hawa yuiama nũ tenekubainaii. Haskawẽ taea naiuri hawa ana bika teneama nũ habe hiweshanaii.

1 Coríntios 2:7

Haska mai damiwariama Deusũ hawẽ unãnepati hawẽ xinã huneyunishũ nuku matu yusĩmairã, eskaki, nĩkakãwẽ. Txanima Deusũ hawẽ bakewẽ taeshũ nuku hawenabu wakatsi nukuki tana yubakaniki. Haskawẽ taea nukuburi hatuki dasitã nũ hatu keskari ipakeshanaii, hawẽrua kuxipa txashakapa buirã.

1 Coríntios 8:6

Hamẽ nukubũ ikũwãkinã, nukũ Epa Deus bestitũ dasibi bawani inũ nuku hatũ damiwani nũ hawẽ hiweaki. Ha inũ, Shanẽ Ibu bestitxai nũ hayaki, Jesus Cristorã. Hawẽ taeshũri Jesusũ hawẽ Epa Deusbetã dasibi damiwakĩ keyuniwẽ nũ hiweriaki, nukuburã.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.

Efésios 1:10

Deusũ hanu menenũbarikatsi haska bebũkiri yubakani kaneama aniki. Haskawẽ taeshũ Deusũ Cristo shanẽ ibuwani ha mekemakĩ keyushũ yunumakatsi dasibi nai anua inũ mai anua haki dasiwatã tsumamashanikiki, Deusũ hatu itxawanũbariaitianã.

Efésios 3:9

Deus dasibi damiwanitũ hawẽ xinã meribi bari itxapa hunenitũ ẽ matu dasibi unãmanũ haska shabakabi wakatsis ikĩ Deusũ matu anu ea yununiki.

Deuteronômio 18:15

Matũ mekenika Senhor Deusũ hawẽ hãtxa yuishunika betsa ea keska katutã matunabu anua matu tashnimashũshanikiki. Deusũ matu haska washunaya hawẽ hãtxa nĩkakubaĩshãkãwẽ.

Deuteronômio 4:30

Mã nuitapai inũ mã bika teneai uĩkĩ atimas shinã betsa watã ana txĩtũkirã haska Senhor Deusũ matũ ibubu yusini mã ana nĩkakĩ akubaĩtiruki.

Hebreus 1:5

Deus hawẽ bakekiri hãtxani matu yuinũ nĩkakãwẽ. Deusũ hawẽ nai tsuma betsa yuikĩ: “Mĩ ẽ bakeki”, akĩ betsa yuitaskama inikiaki. Hakia hawẽ bake bestikiri hãtxairã, eskaniki: “Mĩ ẽ bakerã, natiã ẽ hiwea mia inãkĩ ẽ mia yunuaii”, aniki. Ha inũ, hawẽ nai tsumabukiri haska yuiamabia hawẽ bakekiri yuikĩ: “Earã, ẽ hatũ epa ikũkaĩshanaii, hawenarã. Harã, ẽ bake ikũkaĩshanikiki, enarã”, Deusũ arianiki. Hakia hawẽ nai tsumabu hawẽ bakebumawẽ taea haska hatu yuitaskama iniki.

Hebreus 1:8

Hanushũ hawẽ bakekiri yuikĩ: “Deusuũ, mia shanẽ ibuirã, mĩ ea keska shanẽ ibui ikibi ipakeshanaii, shanẽ ibui hawa txakabu hayamarã.

Hebreus 11:3

Hamẽ hawara nũ uĩaĩ inũ nũ uĩtiruma dasibi mai inũ nai anu damiwakinã, hawẽ hãtxa kuxipawẽ besti Deusũ damiwanirã, ikũwãkĩ nũ unãkubainaii.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

Hebreus 5:8

Ha inũ, Deusũ bakebiatũ hawara bika tenekĩ nĩkakĩ txibãhairanũ itã hamapai xarabu haska Deusũ abumis Cristõ nĩkahairai ishũkũkainiki.

Hebreus 7:28

Ha inũ, Deusũ Moisés yusĩni hãtxa txibaĩ pepakatsi ibiai Deusbe hatunabu hãtxashunikabũ kanemisbuki. Hanushũ Deusũ hawẽ yunuti inũ hawẽ nemati yunu keyunishũ hawẽ bake yubakĩ katukĩ nukunabu Deusbe hãtxashunika binua pepahaira hau ipakeshanũ hakiri yubakatã katuniki.

Hebreus 7:3

Ha inũ, betsarã, nukunabu Deusbe nuku hãtxashunikakiri hatu unãkĩ hatũ epa inũ hatũ ewa inũ hatũ shenipabukiri unãkĩ nũ hatu tanakubaĩmiski. Hakia Melquisedeque betsahairakiaki, tsuã unãmarã. Hawenabukiri tsuã unãma inũ, hawẽ kaĩyãkiri tsua hakiri hãtxaisma inũ, mawani tsuã unãmakiaki. Hakia Deusũ bake keskai hawenabu Deusbe hãtxashunika ipakeriaikiaki, heneamarã.

Hebreus 9:26

Cristo haskatianirã, mai damiwakĩ taewaitiã nukũ txakabu buanũ ika mawani nuku mawashũpakei heneama ikeanaii. Hakia bari hawẽ heneaitiã haska Epa Deus hakiri yubakani natiã hawẽ hãtxa txibãkĩ nukũ txakabu nuku buashuni mawakĩ hawẽ yura hawẽ ibu nuku inãshũkĩ nukũ txakabu buashunũ ika Cristo bestiwai tashnitã mawaniki.

1 Pedro 1:20

Ha inũ, nai inũ mai damiwakĩ taewariama Messias Cristo yununũbarikatsi Deus bebũkiri yubakanikẽ hanu ma bari hawẽ heneaitiã ma kemaya matu merabewanũ ika Jesus tashninikiaki.

2 Pedro 3:3

Na haska dasibi ẽ matuki txaniai mã bebũkiri unãtirubuki. Txanima hanu bari hawẽ henei ma kemaya yurabu hiwe txakashũ ibubis txakabu xinãkĩ mã ikũwaĩbu matuki kashei ẽ hẽ ibiai

Judas 1:18

Hawẽ tsumabũ matu yusĩkĩ: “Txanima hanu bari hawẽ henei ma kemaya yurabu hiwe txakashũ ibubis txakabu xinãkĩ matukiri kashekenãshãkanikiki”, haska xinãkĩ matu yuiniburã,