Hebreus 1:1 - Kaxinawá Bíblia (BR)

¹ Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki.

Kashinawa : Diosun Jesúswen taexun yuba bena yiniki

¹ Jancha pepa en matu bumai uinkin ninkaidakanwen. Ja dukunan, nukun xenipabube Dios janchaidan, jawen jancha yuixunika tibiwen jawen jancha jatu yuimakin jawenchains jatu yusinkin betsa tibiwen taxnimakin jatu yuikubainiki.

Hebreus 1:1 Referencias Cruzadas

Gênesis 6:3

Hanushũ Senhor Deusũ hatukiri shinãkĩ: “Ẽ yushinẽ hatu merabewapaibia yurabũ ea shinãma txakabukubaĩkĩ hatũ yura besti shinaĩ hiwekanikiki. Haskaibuwẽ taea ana hatishuĩra hunibu hiwetirubumaki. Haskakubainaibu ana 120 bari besti yurabu hiwetã debushãkanikiki”, inikiaki.

Joel 2:28

Senhor Deusũ ana hatu yuikĩ: “Na eska binukainayarã, ma bari hawẽ henei kaya ẽ Yushĩ Pepa yura dasibi hiwebaunabu anu ẽ hatu yunua hatu atxishanikiki. Matũ huni bakebu inũ matũ aĩbu bakebu ekiri hãtxabaũshãkanikiki. Mestebu inũ yushabubu namawẽ haska ishanai uĩshãkanikiki. Berunãbu inũ txipashburi nama keskawẽ haska ishanai ẽ Yushinẽ hatu uĩmashanikiki.

Lucas 1:72

Haska bebũkiri nukũ shenipabu hawawẽ hatu haska wati nuii hatuwẽ yubakai hatukiri hãtxa meribi wai mĩ hãtxapaunirã, hakimama mĩ xinaiĩ.

Lucas 24:27

Deusũ Moisés yusĩa keneniwẽ hatu yusĩ taewakĩ Deusũ hãtxa yuishunikabu dasibibũ yusĩa hãtxawẽri Jesusũ hatu yusĩkĩ hatu unãmakubainaya

Lucas 24:44

yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,

João 16:13

Hakia txipu Yushĩ Txanima Unãmanika hushũ txanima dasibi matu yusĩkĩ meshtãmashanikiki. Hawẽ xinãnẽ hãtxama hakia ekiri dasibi nĩkatã hawara ishanairi matu shabakabi unãmashanikiki.

João 7:22

Hakia Moisés nuku yusĩkĩ yuikĩ: “Hawẽ Deus unãmati wakĩ matũ huni bake oito shaba kaya hawẽ hina kubitxi bikubaĩshãkãwẽ”, akĩ nuku yununiki. Hanũkaĩ ha hina kubitxi bikĩ Moisés taewama nukũ shenipabu Abraãonẽ dukũ bikĩ taewani Moisés xinãkĩ habiaskari nuku yununiki. Haskakẽ huĩrukũtitiãbiakẽ kaneama hina kubitxi mã biriamisbuki.

João 9:29

Deus Moisésbe hãtxaniki. Hakia ha huni haniara kaĩkiranimarã, nũ unãmaki— akabu

Hechos 13:32

Na habias kaka pepa bexĩshũ nũ matu yuiairã, Deusũ nukũ shenipabu yubanirã,

Hechos 2:30

Habias Davi Deusũ hãtxa yuishunika hawẽ yurakiri hamebi hãtxama hakia hawẽ baba betsa kaĩriamakiri Deusũ yubakĩ shanẽ ibuhaira ishanai unãmakĩ yuimaniki.

Hechos 28:23

hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

Hechos 3:21

Hanua natianã, Jesusrã, naiuri kayuimaki. Haurishũ Deusũ mai anuabu hawẽ hatu pewamakĩ keyumakĩ manakamayuikiki, haska hawẽ hãtxa yuishunika meribibu hiweshũ nuku keneshũpaunibu keska wamayukinã.

Hebreus 11:2

Nukũ shenipabu itxapabũ Deusũ yubakati hãtxa haya ha ikũwãkubainaibuwẽ taeshũ Deusũ hatũ xinã unãtã hatukiri pe xinaĩ benimakũkainikiaki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Hebreus 2:2

Ha inũ, hawẽ nai tsumabu hãtxamakĩ uatiã Deusũ hawẽ hãtxa hawẽ nai tsumabuwẽ hatu yusĩmapauniki. Ha Deusũ yunuti inũ hawẽ nemati kuxipa hayaniburã, tsuãra nĩkakĩ txibãma txakabu waibu hawẽ taeshũ hawa kaneama Deusũ hatu kupikubainiki.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

Hebreus 3:5

Hamẽ dasibi Deusũ ani txipu nũ nĩkashanai Deusũ enabu hawẽ hãtxa Moisés hatu yuishuni txibãbianirã, hawẽ tsuma besti iniki.

Hebreus 4:8

Ha inũ, hawẽ hãtxa danãnibũ bakebu mai pepa anu Josuẽ hatu iyushũ hanu huĩrukũti kayabi hatu ibuwamaya hanu huĩrukũti betsakiri Deus yubakai ana hãtxama ikeaniki.

Hebreus 5:5

Habiaskari wakĩ Cristo ibubis katukui nuku hãtxashunika binua ibubis ikama iniki. Hakia Deusũ duawakĩ yuikĩ: “Mĩ ẽ bakerã, natiã ẽ hiwea mia inãkĩ ẽ mia yunuaii”, aniki.

Hebreus 9:19

Haska inũ, Deusũ yunuti hãtxa tibi inũ hawẽ nemati hãtxa tibi Moisés hawenabu dasibi yusĩshũ hatu keneshũtã, txipu txashuwã dani taxipa wa ni peiyabi tsumashũ ina awa bake himi inũ ũpash neshua pukutãtãkĩ Deusũ hãtxa una baxatã hawenabu baxa baxa akĩ