Gênesis 8:20 - Kaxinawá Bíblia (BR)

²⁰ Hanushũ Noẽ Senhor Deus kẽwãkĩ eska wanikiaki. Mishki txi tapu wakĩ mishki itxawakĩ maspu watã yuinaka pitibu betsa betsapa tibi bishũ tesẽshũ txi tapu anushũ menukĩ kua keyuaya

Gênesis 8:20 Referencias Cruzadas

Gênesis 13:18

hanua Abrão hawẽ tari hiwe hawẽ tsumabu pekamatã bekubirãkĩ Manre ni shukua merã hatũ tari hiwe ana nitxĩtã hiwenibukiaki, mae Hebrom dapirã. Hanushũ mishki txi tapu wakĩ mishki itxawakĩ maspu watã Abrão hanushũ Senhor Deus kẽwanikiaki.

Gênesis 22:2

yuikĩ: —Mĩ huni bakerã, ha mĩ betxipaihairairã, mĩ aĩ kayabĩ bake bestitxai Isaquerã, Moriá mai pakea anu iyuwe. Hanu ha mati ẽ mia uĩmai anushũ mĩ bake Isaque ea inãshãwẽ, ea daewakĩ ea menu keyushũkinã— aka

Gênesis 22:9

hanu Deusũ yuishina anu hikitã mishki txi tapu wakĩ mishki itxawakĩ maspu watã haki karu mãtxĩshũ hawẽ bake Isaque sebitã txi tapu anu karu mamaki datãshũ

Gênesis 26:25

hanushũ Isaque mishki txi tapu wakĩ mishki itxawakĩ maspu watã ha mamakishũ daewakĩ hau benimanũ, iwanã, txashuwã bake tesẽshũ menu keyukĩ Senhor Deus kẽwãtã hanu hawẽ tsumabu hatũ tari hiwe dasibi pũtematã hanushũ hawẽ tsumabu ũpash kini benawamakĩ hatu yunua pukĩkubaĩkĩ ũpash betxinibukiaki.

Gênesis 33:20

hanushũ mishki txi tapu wakĩ mishki itxawakĩ maspu watã hanushũ Deus kẽwãti txi tapu washũ kenakĩ: ‘Deusrã, Israelĩ mekenika Deuski”, anikiaki.

Gênesis 35:1

Hanushũ hatu haska washiãbũ Deusũ Jacó yunukĩ: —Minabu pewatã Betel anu hiwei kawe. Hanu hiwea mĩ Esaú anua pashaya ẽ miki nukua mĩ namaya ẽ mibe hãtxani anu ha mishki txi tapu hanushũ mĩ ea kẽwãtiru ashãwẽ— aka

Gênesis 4:4

habiaskari wakĩ inãkuĩkatsi ikĩ Abelĩ txashuwã bake shua pehaira beshũ Deus inã Deusũ Abel inũ hawẽ inãkuĩ hatuna besti betxipaihairakĩ hakia Caimnena danãyã Caim benimama amua sinatahairaya

Gênesis 7:2

ana yuikĩ: “Pitibu yuinaka betsa betsapa tibi, 7 yushã inũ 7 bene nanekĩ hatu bitxishãwẽ. Ha dikabi peiyabu bene 7 inũ yushã 7 nanekĩ hatu bitxiriashãwẽ. Pitibuma yuinaka betsa betsapa tibi yushã bestitxai inũ bene bestitxai nanekĩ bitxiriashãwẽ, habu mawama mekei hau mai anu mibe ana hiweshanũbunã.

Gênesis 8:19

yuinaka mani betsa tibi shashu nunuti meranua habiaskariai kaĩbainibukiaki.

Jó 1:5

semana tibi pikubaĩkĩ hanu keyuaibutiã shaba betsaki Jó shinãkĩ: “Deus yuãkĩ txakabuwashinabumẽkaĩ”, ishũ Jó penamahaira butukaũ hawẽ bakebu kena beabu hau hatukiri pe Deusũ shinanũ hatu daewashunũ, iwanã, txashuwã tesẽshũ Jó txi anu bestibu tibi hatu menushũpaunikiaki, Deus hatu daewashũkinã.

Êxodo 10:25

hakia Moisĩ kemakĩ yuikĩ: —Nukũ nũ aki kairã, haskamaki. Miã mĩ nuku shinãshuna mĩ shinanẽ nukũ inabu nũ bashibaĩtirubumaki, nukũ inabu nukũ mekenika yushĩ Senhor Deus inãkĩ tesẽtã nũ menu keyushuni kairã.

Romanos 12:1

Ẽ betsabu inũ ẽ puibuũ, nukuwẽ dabanã ikĩ Deusũ nuku duawakubaĩmiswẽ taeshũ hawara xinãkĩ abuai natiã mã ashũkubainũbũ shabakabi ẽ xinaĩ matu yununũ nĩkakãwẽ. Haska Deus kẽwãkĩ yuinaka detetã menukĩ inãkĩ apaunibu keskama hakia natiã matũ hiweawẽ Deus duawanũ, iwanã, meribi pashkai pepatã Deus matũ yura inãkuĩa keska wakĩ hawẽ kemutapai benimawakubaĩkãwẽ. Haska wakinã, txanima kayabi mã Deus kẽwaiĩ.

Hebreus 13:10

Ha inũ, nukũ txakabu buanũ ika Jesus ma nuku mawashuni nukubu nũ hayabiakẽ tsuabũra judeubũ shenipabũ beya henekatsi ikama yuinaka menukĩ hatũ txakabu buanũ ikaiburã, hamẽ akanikiki. Nukũ merabenãtũ kuxipa hayatirubumariki.

1 Pedro 2:5

Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.