Gênesis 50:17 - Kaxinawá Bíblia (BR)

¹⁷ nukũ epã hãtxa ana mia shabakabi yuipa? akĩ eska mia yuikãshuki. ‘Mĩ betsabũ mia nuitapawakĩ mia itxakawanirã, hatuwẽ nuikĩ hatũ txakabukiri ẽ mia yuiai ana shinãyamashãwẽ’, akĩ Jacó nuku mia yuishunimawẽ taeshũ txanima nũ mia itxakawabianikẽ nũ mia yukai nukũ txakabu ana shinãyamawe, nũ mĩ epã mekenika Deusũ tsumabukirã”, ikãshu haska yuiabu José nĩkatã hatuwẽ nui kashaya

Gênesis 50:17 Referencias Cruzadas

Gênesis 31:42

Ẽ epa Isaque inũ ẽ hutxi Abraão hatũ mekenika Deus ẽ hayamakẽ mais hawauma mĩ ea nitxĩkeãshinaki. Hakia mĩ ea txakabuwai Deusũ uĩshũ ẽ mia pe dayashunai uĩriakubaĩshĩshũ haskawẽ taeshũ ekiri hãtxakĩ Deus ewẽ nuikĩ mia nemashinaki— aka

Gênesis 45:8

Ea haska wakinã, matũ mã ea akamaki, na mae anu nitxĩkinã. Haska wakinã, nukũ mekenika Deusũ ea aniki. Hanushũ habiatũri Faraónẽ yusinika inũ hawẽ hiwe anu dayanika tsuma inũ hawẽ shanẽ ibu Egito hirabi yunuti mekenika Deusũ besti ea haska waniki.

Gênesis 49:25

Ẽ mekenika Deusũ mia ea merabewashũmis ẽ kẽwaiĩ. Deus kushipahaira dasibi binuatũ hau mia inũ minabu duawakubaĩshanũwẽ. Nai anua minabu hamapai inãkĩ hene meranua hatu inãriakĩ bake itxapa hatu bawamakĩ txutxu mirima hatũ bakebu amakĩ hau minabu duawapakeshanũwẽ”, akĩ

Gênesis 50:16

hawẽ betsabũ huni betsa yunua kashũ José habũ yuishũkĩ: “Nukũ epa ma mawa kemashũ nuku yunushinarã,

Gênesis 50:18

hanua hakimamari hawẽ betsabu kayabi bua ha bebũ dashka ikaĩ beua beti ika manishũ yuikĩ: —Nukurã, nũ mĩ escravoki. Nuku haskara wariwe— akabu

Gênesis 50:20

Hakia matunã, txakabu shinãkĩ mã ea itxakawaniki. Haskawẽ taeshũ Deusũ ha txakabu mae wakĩ matu pepawashuniki, natiã mã uiainã. Hati yurabu ewẽ taea mawama hiwekanimẽkainã.

Mateus 10:42

Ha inũ, eki txiti iki beshmasbiabũ hatu ũpash matsipa yukabu ea txibãmisbuwẽ taeshũ hatuwẽ nuikĩ ũpash hatu amakubaĩmisbu ikũ hawẽ kupiti pepa bishãkanikiki— nuku aniki.

Mateus 18:35

Matu mã haska keskariai ikũwaĩ betsã mia txakabuwa hawẽ nuikĩ hau ewẽ nuinũ, iwanã, mia yuibiakẽ miari hawẽ nuiama mĩ hakimamakẽ ha shanẽ ibu keskai ẽ Epa Deus nai anua matuwẽri nuiama ishanikiki, matũ txakabu buamarã— nuku aniki.

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Mateus 6:12

Ha inũ, nuku txakabuwaibu hatu hakimawakĩ hatũ txakabu nũ ana haska xinãmawẽ taeshũ nũ mia txakabuwai buashũtã ana haskakiri nuku xinãmayamawe.

Marcos 10:41

hanua Tiago inũ João haska yuka ikaibu Jesusũ tsuma betsa mekẽ dabetibũ nĩkai hatuki sinataibũ

Gálatas 6:10

Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

Gálatas 6:16

Haska ẽ matu yuiai keska xinã betsa watã Jesus besti ikũwaĩ mã hawẽ dasibi hiweaibu txanima mã Deusunabu kayabiki. Hanua Deus matuwẽ nuikĩ hau unãnuma matu hiwemariakubainũwẽ.

Efésios 4:32

Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.