Gênesis 49:8 - Kaxinawá Bíblia (BR)

^8-12 hanushũri Judá yuikĩ: “Epaã, miarã, mĩ ẽ bakeki. Mĩ betsabũ mia duawakĩ mia kẽwãshãkanikiki. Miki sinataibu maemanũ ishũ mĩ hatu temus shanaii. Inu leãonẽ bakẽ mibikĩ atxishũ pia keska wai inũ, ana hawa bika teneama yani wa inu betsa leão ewapa keska mĩ dakayushanaii, tsuã mia txikishwamarã. Judáã, tsuã taska mĩ kushipa minabu Siló anua hatu mebĩtirubumaki. Mĩ mekẽwẽ mĩ shanẽ ibũ mane mestẽti mĩ hayayukũkaĩshanaii. Hakia ha mestẽti ibu kayabi hushũ minabu anua hatu mebĩkẽ ha mae anuabũ ha shanẽ ibu washũ kẽwãkĩ txibãkubaĩshãkanikiki. Uva tashuki hawẽ jumento bake teneshtã hawẽ tari uva bimi tsinia tashipa buspuaiwẽ txukashanikiki. Hawẽ beru hawẽrua uva hene keska meshupa inũ, hawẽ sheta awa txutxu keska hushupahaira inũbarishanikiki”, atã

Gênesis 49:8 Referencias Cruzadas

Gênesis 29:35

haskatã ha katxu ana bia huni bake ana kaĩshĩshũ yuikĩ: “Ea haska waya Senhor Deus ẽ ma kẽwaiĩ. Haskawẽ taea ẽ bakẽ kenarã, Judáki”, ikima Léiã bake ana biyuama inikiaki.

Gênesis 42:6

José Egito mai pakea hirabi shanẽ ibukĩ hatũ besti peiwẽ taeshũ shekiwã hatu inãyã hawẽ betsabũri binũ ishũ yukai bua haki nukutã hatũ beya txibaĩ José namã beti ikabu

Gênesis 46:12

Hanua Judá inũ hawẽ huni bakeburã, hati bunibukiaki, Er inũ, Onã inũ, Selá inũ, Perez inũ, Zerárã. Hanua na daberã, Er inũ Onã Canaã anua mawanikiaki. Hawẽ baba Perezĩ bakeburã, Esrom inũ Hamul burianibukiaki.

2 Samuel 5:3

haska wakĩ Israelĩ enabu anibu unanepabu dasibi bushũ Hebrom anu shanẽ ibuhaira Davibe hãtxakĩ Senhor Deusũ hau hatu unãti wakubaĩshanũ Davi hatube yubakai taekĩ Israelĩ enabu dasibi Davi habũri shanẽ ibu iriakũkaĩshanũ anibu unanepabu dasibibũ hatũ shanẽ ibu wakĩ Davi katunibukiaki.

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Hebreus 10:13

Harishũ tsuabũra Cristo danaĩ haki sinataibu Deusũ hatu maemamakĩ hawauma hatu washanai manayui Jesus Cristo tsauwaki.

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 5:5

mekenika betsã ea yuikĩ: “Kashayamawe. Shanẽ ibu Davĩ baba betsa ha Judã baba yuinaka dasibibũ shanẽ ibu inu betsa hawẽ kena leão nũ dabimis pepa kuxipahairakĩ haki sinataibu maemanitũ ha unãti tsamia tibi hatũ dashnu dashnu akĩ keyutã ha una txuretiruki. Manayuwe”, ea waya