Gênesis 49:29 - Kaxinawá Bíblia (BR)

^29-32 Ana betsatiã Jacó hawẽ bakebu hãtxa wakĩ hatu yunukĩ: “Matu shunubaini ma enabuki ẽ nukui kakatsi ikaii. Ẽ mawaya mishki kini tãpe merã ẽ epabe ea mai wai bushãkãwẽ. Canaã mai pakea anu Manre dapi Macpela bai depi mishki kini tãpe merã ea mai wai bushãkãwẽ, mai wati bai bikatsi ikĩ peiwẽ taeshũ Heteu nawa Efrom anua ẽ hutxi Abraão bini anurã, hanu hawenabu mawa mai wapaketi bini anurã. Ha mai bikĩ taewashũ hanu dukũ hawẽ aĩ Sara mawa mai waniki. Hanua hari mawa habianuri mai warianibuki. Hanushũ ẽ ibubu Isaque inũ Rebeca mawa habianuri ẽ hatu mai waniki. Eãri ẽ aĩ Léia mawa habianuri ẽ mai warianiki. Ha mai wati anurã, habianuri hatube ea mai wai bushãkãwẽ”, hatu watã

Gênesis 49:29 Referencias Cruzadas

Gênesis 15:15

Hamẽ mia ikirã, haskariabuma unanuma hiwea anibuhairai mĩ mawa mia maiwabu minabuki mĩ hatuki nukushanaii.

Gênesis 23:16

pei Efromnẽ bikatsi ikaya Abraão unãkĩ dasibi Heteu nawabũ uiaĩbũ haska yuiai keska dasibibũ uiaĩbũ pei tana pewatã 400 prata pei heshe pakakẽ

Gênesis 23:17

hanushũ mai pakea Canaã anu Heteu nawabu hatũ maewã Manre natiã hawẽ kena bena Hebrom hanu bai kaya dasibi hikimisbu anu dasibitũ uiaĩbũ bari huaikiri Efromnẽ bai Macpela dasibi, hawẽ mibã banati mai inũ, hawẽ mai wati tãpe inũ, hawẽ bai nemaki hi bana inũ, tsisumẽ anu hi bana mapua ha dasibi shanẽ ibubũ hawẽ unaki kenematã Abraão ibu wamakẽ hanushũ haska wabu bitã txipu Abraão mishki tãpe anu hawẽ aĩ Sara mawashina mai wanikiaki, mai pakea Canaã anurã.

Gênesis 23:20

Haska Abraão enabu mawa hanu hau hatu maiwapakeshanũ peiwẽ Heteu nawabũ bai inũ mishki tãpe inãbu bitã hawena wanikiaki.

Gênesis 35:27

Manre hawẽ kena betsa dabe Quiriate-Arba inũ Hebromrã, hanu Abraão inũ Isaque hiwea mapupaunibu anu Jacó hawẽ epa Isaqueki ana nukutushinikiaki.

Gênesis 49:28

Hatibuki, Israelĩ 12 huni bakebu shukua tibi hatũ ibuã habu tibi hau haskanũbarinũbũ hatu hãtxa tibi yuikĩ yunua akeakenirã.

Gênesis 49:33

hanua Jacó hawẽ bakebu hãtxa wakĩ menetã ana dakai petã mawaya

Gênesis 50:12

Haska hatũ epã hatu yunuima akĩ Hene Jordão pukebaĩ Israelĩ yura Canaã anu bushũ Manre bari huaikiri dapi Macpela bai Heteu nawa Efrom anua hawenabu mawa hanu mai wati tãpe Abraãonẽ bini anu Israel hawẽ bakebũ mai wanibukiaki, ha mai wati mishki tãpe kini meranã.

2 Samuel 19:37

Ea haska wama ea henewe. Ẽ mae anua ẽ mawa hau ẽ ibubube ea maiwashanũbũ ẽ kai, ea nemayamawe. Hakia shanẽ ibuũ, dayaru betsa mĩ hayaki, ẽ huni bake Quimãrã. Mibe kaya haska mĩ shinaĩ amakĩ yunukubaĩshãwẽ, hau mia nĩkanunã— aka

Hebreus 12:23

Habu dukũtũ Deus ikũwaĩ hawẽ bake ikubainibu ma hatũ kena nai anu hatu keneshũ netãni ha yurabu Deus hiweshuni pemisbu hatũ yushĩ Deus dasibi pewanikatũ ma hatu hawa txakabuma wayama Deus dapi ma haki kemani mapuabu nũ xinaiĩ.