Gênesis 46:34 - Kaxinawá Bíblia (BR)

³⁴ unanumas yuiyamashãkãwẽ: “Nukurã, nũ txashuwã mekenikabuki, nukũ shenipabu keskarã”, mã wa matu nĩkatã ha mae Gósen anu matu hiwemashanikiki, Egito nawabu txashuwã mekenikabube mã husitã hiwetirubumawẽ taearã— hatu watã

Gênesis 46:34 Referencias Cruzadas

Gênesis 13:7

Abrão tsumabũ inũ Ló tsumabũ inabu pimanũ ika yaushinaĩ hatube ha iki detenameaibũ habianuri Canaã nawabu inũ Ferezeu nawabu habias maewanu hatũ inaya hiweriabũ haskawẽ taea basi itxapa hayabia damakẽ

Gênesis 13:8

hanushũ hawẽ betsã bake Ló Abrão yuikĩ: “Epaã, mĩ enabi kayabiki. Haskawẽ taea ha ikarã, txakabuki. Haskayamanãwẽ, nukũ ina mekenikabu mina inũ eanabuberã.

Gênesis 26:20

ha napãpanã ũpash kini benawaimabu uĩkĩ Gerar nawa hatũ inabu mekenikabũ Isaque inabu mekenikabu kũyã akĩ hatu yuikĩ: —Nukunaki. Matunamaki— hatu wabu haskaibuwẽ taeshũ Isaque ha ũpash bana henebaĩkĩ kenakĩ yuikĩ: “Esequeki”, anikiaki, nukũ hãtxarã, “Yaushinamei ha ikaibu ũpashki”, akinã.

Gênesis 30:35

kashũ inabu keneya inũ meshupa inũ shiwaya pashkashũ hawẽ huni bakebu mekemakĩ shaba dabe inũ besti kaĩ hikianu Jacó txashuwãyã Labão hatu nitxĩkẽ hanushũ Jacó Labão inabu mekeshũkĩ ana taewanikiaki.

Gênesis 34:5

hanu hawẽ puibu hayama txai bushũ hatũ inabu pimai buabũ Siquémnẽ hawẽ aĩbu bake txutashu yuiabu hawẽ huni bakebu beriabumakẽ Jacó ha mesti ha ikatsi ikama teneyunikiaki, hawa yuiamarã.

Gênesis 37:12

Hanua betsatiã hatũ epã txashuwã pimanũ ika basi pepa benai Siquém anu José betsabu bushiãbũ

Gênesis 37:2

Jacó inũ hawẽ bakebu hiwei haskapaunibukiaki. José 17 bariyatũ hawẽ epã escrava aĩ dabe Bila inũ Zilpã huni bakebube hawẽ epã hatu yunua hawẽ txashuwã nimakĩ pimai harishũ hawẽ betsabu maputxakashũ txakabu akaibu José hawẽ epaki txanikirãkiranikiaki.

Gênesis 43:32

José hatubetã pinũ ika hamesti hawẽ tapu meribi ma pewashuna inũ, hawẽ betsabuna tapu betsa haki tsauaibu ma hatu pewashũria hanua Egito nawabu Josébetã pimisbu tapu betsari haya habũ beyawẽ taeshũ habias tapukishũs Egito nawabu Hebreu nawabubetã pisbuma tapu meribi tibi serekĩ pashkakẽ

Gênesis 45:10

Eskakirirã, na nenu urama hiwei bekãwẽ, mae betsa Gósen anu ea dapi hiweirã, mia inũ, mĩ bakebu inũ, mĩ bababu inũ, mĩ inabu inũ, minabube dasibi tesheamarã.

Gênesis 46:32

“Hatũ txashuwãyã inũ hatũ ina awaya inũ hatũ mabuya ma beabuki. Hatũ dayarã, txashuwã inũ ina awa mekenika imisbuki”, ẽ matu washuĩ kaii.

Gênesis 47:11

hanushũ José hawẽ epa inũ hawẽ betsabu hau hanu hiweyunũbũ haska Faraónẽ yunushu keska wakĩ Egito mai pepa hatu pashkashũkĩ hatu yununikiaki, Ramessés pakeanuarã.

Gênesis 47:3

hanushũ Faraónẽ José betsabu hatu yukakĩ: —Matũ mae anua dayairã, hawa mã imismẽ?— hatu wa hanushũ habũ Faraó kemakĩ: —Shanẽ ibuũ, mĩ tsumabu nuku dayairã, nũ inabu mekenikabuki, nukũ shenipabu ini keska dayairã— atã

Gênesis 47:4

—Eskawẽ taea mĩ mae anu mibe hiweyui nũ hushuki, nukũ mai pakea Canaã anua buni tenehairai nuku inũ nukũ inabubetã hania hawa pitimarã— iwanã, hanubi hawaira yukakĩ: —Shanẽ ibu pepatuũ, nukuwẽ dabanã ikĩ ha mae Gósen anu nũ hiweyunũ mĩ nuku yunuyutirumẽ?— akabu

Gênesis 47:6

Egito hirabi mĩ yunumiski. Haskawẽ taeshũ Gósen mae pepa hatu yunuwe, hau hari hiweyunũbunã. Minabu huni ina awa mekea unaĩ mĩ ea hatu yunushũtiruki, habũ hau ẽ ina awa ea mekeshunũbunã— ikaya hanua buaibũ

Êxodo 8:22

Na Egito anu ẽ haska waitianã, enabu Israelĩ enabu Gósen anu hiwebaunabu merã ẽ hatu yunuama hawa txupe betsa taska ẽ yunuama ishanaii. Ẽ haska waya mĩ ea uĩkĩ ẽ Hamebi Hiwemis Senhor Deus earã, na mae anu ẽ nia mĩ unãshanaii.

Êxodo 8:26

Moisĩ kemakĩ yuikĩ: —Hanubishũ nũ haska wairã, pemaki. Nukũ inabu tesẽshũ menukĩ keyukĩ nukũ mekenika Senhor Deus nũ kẽwãyã minabũ ha inabu kẽwãkĩ meribi wamisbũ haska betxipaiama nuku uĩ nukuki sinatahairakĩ mishki inũ mãkã tũkuwẽ nuku tsaka tsaka akĩ tenãtirubuki.