Gênesis 46:3 - Kaxinawá Bíblia (BR)

³ hanushũ Deusũ yuikĩ: —Earã, ẽ Deuski, mĩ epa Isaque mekenika Deusrã. Mĩ Egitokiri kairã, dateama katãwẽ. Harishũ minabu ẽ mia hatu pa washũshanaii, mirimahaira hatu wakinã.

Gênesis 46:3 Referencias Cruzadas

Gênesis 12:2

Miwẽ taeshũ minabus pawakĩ nawa shukua betsa itxapa kushipa wakĩ ẽ tari hatu hiwemashanaii. Pepawakĩ duawakĩ ẽ mia merabewapakeshanaii, mĩ kena hatu unãma akeakekinã. Miãri mĩ hatu pepawariashanaii.

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Gênesis 35:11

Ana yuikĩ: “Earã, ẽ mekenika Deus kushipaki, ẽ kushipawẽ dasibi ẽ hatu binu keyuarã. Ea nĩkawe. Itxapai pashãkãwẽ, minabu bake pawai mirimahairawairã. Mia anua minabu shukua betsa betsapa shanẽ ibu kayabi ishãkanikiki.

Gênesis 47:27

Israel hawenabuya Egito anu hiwei buimabu hanu Gósen mae ibu waima hanu hiweyushũ hatũ bakebu pa wai mirimaibũ

Gênesis 48:19

hawẽ epã haska wakatsi ikama nemakĩ yuikĩ: —Ẽ unaiĩ, epaã. Ẽ unaiĩ. Ha iyua Manassésrã, habiari yurabu kushipabu mirimari ishãkanikiki. Hakia na mashkunã, hawẽ betsa iyua binuhairashanikiki. Hawenabu itxai pai yurabu shuku tibi mae mirima ishãkanikiki— atã

Êxodo 1:12

hatu dayamakĩ hatu bika tenemabiaibũ habiaskabiakẽ ana pahairaibũ hanua Egito nawabu hatuwẽ datehairakĩ

Êxodo 14:13

Moisĩ hawenabu hatu kemakĩ: —Datei babuama mesteĩ huĩti kushitã manakãwẽ. Haska hatu maemakĩ Senhor Deusũ matu merabewai samama mã uĩshanaii, ha yurabu matube bei matuki kemariabuma ana mã hatu uiãma ishanaii.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Hechos 27:24

ea yuikĩ: “Pauloõ, dateyamawe. Romano shanẽ ibuhaira César mĩ uĩ kanũ Deusũ mia merabewakĩ ha dasibi shashũ mibe buaibu miwẽ taeshũ hatu tenãma ẽ hatu pasha washanaii”, akĩ ea yuishuki.

Hechos 7:17

Estêvãonẽ judeu shanẽ ibubu hatu yuikubaĩkĩ ana yuikĩ: —Abraãonẽ bababu, Israelburã, Canaã anu ana hatu txĩtũmakatsi Deusũ yubani ha baritiã ma hatu tashnimabaĩkatsi iki kemaya Israelbu Egito anu hiwea pai itxai mirimakubainaibũ