Gênesis 46:10 - Kaxinawá Bíblia (BR)

¹⁰ Hanua ha katxu Simeão inũ hawẽ huni bakeburã, hati bunibukiaki, Jemuel inũ, Jamim inũ, Oade inũ, Jaquim inũ, Zoar inũ, Saulrã. Hanua Saulũ ewarã, Canaã nawa aĩbu inikiaki.

Gênesis 46:10 Referencias Cruzadas

Gênesis 28:1

hanushũ hawẽ epa Isaque Jacó kenashũ nitxĩ pewakĩ yunukĩ: —Na Canaã mai pakea anua aĩbu biyamashãwẽ. Hakia Padã-Arã anu mĩ epa betsa Betuelĩ enabu anu kashũ ha mae anua mĩ ewã pui Labão aĩbu bake betsa aĩwãtãshãwẽ, harishũ Deus kushipa dasibi binuatũ mia duawakĩ mia pa wa minabu shukua itxapahaira inũbarishãkanikikirã. Ẽ epa Abraão yuini keska wakĩ mia inũ minabu pepawakĩ na mai pakea hanu nũ hiwea anu Abraão yubani anu nenu nukunabuma anu hiwei nũ mae akeakemis anu Deusũ hatu ibu wamashanikiki— ashũ

Gênesis 29:33

hanua ana ha katxu bake bia huni bake kaĩshũ yuikĩ: “Ẽ benẽ ea danãbiaya Senhor Deusũ nĩkakĩ huni bake betsa ana ea bimaimaki. Haskawẽ taea ẽ bakẽ kenarã, Simeãoki”, akima

Gênesis 34:25

hatu haska washinabu shaba dabe inũ besti kaya huni dasibi isĩ tenehairaibũ Jacó bake dabe Simeão inũ Levi Dinã pui kayabibũ nupe txaipaya ka ha maewã anu hikishũ hiwe tibi hune hikikũkaũkĩ huni dasibi hatu dete keyunibukiaki.

Gênesis 34:30

Hawẽ bakebũ hatu haska washuwẽ taea hatuki sinatakĩ Jacó hawẽ bake Simeão inũ Levi hatu ha akĩ yuikĩ: —Ea txakabuwakĩ nawa betsa betsapa mã ea hatu mesewamashuki, Canaã nawabu inũ Ferezeu nawaburã. Nukurã, nũ eskarabeski. Hakia haburã, itxapahairabuki. Habu dasitã nuku dete keyukĩ nuku yamawashãkanikiki, ea inũ enabu nuku teshe heneamarã— hatu wa

Gênesis 46:11

Hanua Levi inũ hawẽ huni bakeburã, hati bunibukiaki, Gérson inũ, Coate inũ, Merarirã.

Gênesis 46:9

Jacó bake iyua Rúben inũ hawẽ huni bakeburã, hati bunibukiaki, Enoque inũ, Palu inũ, Esrom inũ, Carmirã.