Gênesis 42:6 - Kaxinawá Bíblia (BR)

⁶ José Egito mai pakea hirabi shanẽ ibukĩ hatũ besti peiwẽ taeshũ shekiwã hatu inãyã hawẽ betsabũri binũ ishũ yukai bua haki nukutã hatũ beya txibaĩ José namã beti ikabu

Gênesis 42:6 Referencias Cruzadas

Gênesis 18:2

Abraão bewenikitã ha bebũ huni dabe inũ besti mapuabu hatu betxitã hatu inũ ika beni kushikaini hatuki nukutã hawẽ beya txibaĩ dãti iki beti itã

Gênesis 19:1

Ma bari kaya hanu hikiti bai sheshakã hanu itxamisbu hemaĩtĩ anu Ló tsaushũ uiãyã nai tsuma dabe Sodoma mae anu kemai beaibu hatu betxitã hatu ikai hatuki nukui benikaĩ hawẽ beyawẽ taea hatu bebũ dãti itã beti ishũ

Gênesis 33:3

hatu haska watã hawaira Jacó hatu binubaini bebũkiri kai hawẽ betsaki nukui kakĩ daewai hawa buama kai uĩmai hawẽ beyawẽ taea maĩ beti iki 7ki beukũkaini hawẽ betsa anu kaya

Gênesis 41:43

Faraónẽ hatu haska wamatã hatu yuikĩ: —Ha cavalo tarãti dabe ẽ haya ha hawẽrua beshmas ẽ José ibuwamaii. Txipu hawena ishanikiki. Haskakẽ na habiatiã hau uĩ taewabaunũ ẽ matu yunuaii. Mã haska taewamabaĩtanũbũ ea nĩkakãwẽ. José hawẽ tarãtiki nia kaya bebũ kushibaĩkĩ hui kushipawẽ hãtxa wakĩ yura mapuabu hatu yuibaĩkĩ: “Bai tapĩshũbaini ha kai bebũ dãti ishũbaĩkãwẽ, hau hari kanunã. Hatu akubaũtãkãwẽ”— hatu wa haska hatu yunua nĩkatã José imabaunabu dasibi Egito mai pakea anu shanẽ ibui taekĩ uĩkubaunikiaki.

Gênesis 41:54

hanua haska José yuini keskai 7 ano buni pakei taeaibũ mai pakea betsa betsapa tibi hiwebaunabu buniaibũ hakia Egito anu besti piti aru hayakẽ

Gênesis 44:14

José hiwe anu Judá inũ hawẽ betsabu ana hikikaĩ José kaĩriamakẽ ha namã sapakaĩ beti ika maniabũ

Gênesis 45:26

haska hatu washiãbu hatũ epa yuikĩ: —José mawani dabanẽ nũ imisrã, hiwea ẽ betxitanaii. Ha mĩ bakerã, dasibi Egito mai pakea hirabi hatũ shanẽ ibuki— akabu haska shinãtirumahaira e itã pes hawa yuiama tsaua hatũ hãtxa besti hatu ikũwãtirumakẽ

Gênesis 45:8

Ea haska wakinã, matũ mã ea akamaki, na mae anu nitxĩkinã. Haska wakinã, nukũ mekenika Deusũ ea aniki. Hanushũ habiatũri Faraónẽ yusinika inũ hawẽ hiwe anu dayanika tsuma inũ hawẽ shanẽ ibu Egito hirabi yunuti mekenika Deusũ besti ea haska waniki.

Gênesis 48:12

hanushũ hawẽ ibuã hawẽ bakebu shãshui ika José hatu shekakĩ benãta hatu nitxĩtã hãtsiri hawẽ ibu kẽwaĩ hawẽ beya keskawẽ maĩ beti ika ibai benitã

Provérbios 11:26

Tsuabũra hawẽ shekiwã trigo hawẽ karu ana shekeshanũ, iwanã, yaushiai keskakĩ mekekĩ aruyukẽ hakiri hãtxa txakabu yuimisbuki. Hakia tsuabũra hawẽ shekiwã trigo hawẽ karu shekema peiwẽ hatu inananãmisbu hatu duawamisbuki.

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Hechos 7:10

habu anushũ bika tenebiaya Deusũ nemakĩ unãnepa wakĩ Egito shanẽ ibuhaira Faraó abumaya hawẽ shanẽ ibu betsa wakĩ José shanẽ ibu wakĩ hawẽ mai hirabi inũ hawẽ hiwe hawẽrua ewapa mekei hau dasibi shanẽ ibushunũ yununiki.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.

1 Samuel 20:41

hawẽ tsumapã bushuĩ ma kakẽ mishki ture mãtxĩkĩ maspuanibu petxiuria Davi tashnikirã: “Mĩ haska wakĩ ea pehaira washuki”, aki Jônatas bebũ Davi dãti iki dabe inũ bestiki maiki beti beti itã benikauã nia hatũ beya txibaĩ habe tãtsu irabetã habe kasha txakayamai Davi hui teris iki teshatã