Gênesis 42:36 - Kaxinawá Bíblia (BR)

³⁶ haska uĩkĩ Jacó shinãkĩ hatu yuikĩ: —Ea nuitapawakĩ mã ea bakeuma waii. José yama inũ Simeão hayamariki. Ikis ẽ hawẽ henea bake Benjamim iyukatsi mã yuishuki. Haska wakĩ bakeuma wakĩ mã ea nuitapawa txakayamaii. Hawai eã besti ẽ bika teneai?— ikaya

Gênesis 42:36 Referencias Cruzadas

Gênesis 42:37

Rúbenẽ hawẽ epa yuikĩ: —Egito anu Benjamim mĩ ebe nitxiã mia mekeshũbaĩtãkĩ haririshũ ẽ mia ana iweshũshanaii. Hakia ẽ Benjamim txĩtũwãmakẽ hawẽ taeshũ ea kupikatsi ikĩ ẽ huni bake dabe mĩ tenãtiruki— aka

Gênesis 44:12

hanushũ José tsumapã hatu uinãbaũkĩ iyuatũ saku anua dukũ benabirãkĩ hatũ bari kaini pakea tibiwẽ tanakĩ hatu benãbirãkĩ iyuabũ saku anua dukũ hatu uinãkĩ keyutã hanushũ atimas mashkuhaira Benjamimnẽ saku anu mane kẽtxa txashakapa betxitã sanãbaunai

Gênesis 45:28

hatũ epã yuikĩ: —Menã hanũ ẽ mawanũ ẽ bake hiwea mã ea yuiairã, menã ea haki nukumakĩ uĩmari bukãwẽ, hanũ ẽ mawanunã— itã

Gênesis 47:12

Hanushũ hawenabu hiweaibu José piti sharabu hatu pimakĩ dasibi hatu pashkashũkubainikiaki.

Salmos 34:19

Tsuabura huni pepabu merabenaĩ yurabũ hatu unãma betsa betsapawẽ hatu itxakawamisbuki. Hakia Senhor Deusũ haska teneaibu hatu duawakĩ haska tibi hatu putamakĩ binumamiski.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Jeremias 31:15

ana Senhor Deusũ yuikĩ: “Nuihairai kashai bis bis ikaibu ha mae Ramá anushũ nĩkashãkanikiki. Jacó aĩ Raquelĩ enabu aĩbuaibu hatũ bakebuwẽ taea kasha neseama hatũ bakebu dasibi hayabumawẽ taea hawenabũ hatu daewabiabu nĩkama ishãkanikiki”, iwanã,

Mateus 14:31

hawaira Jesusũ metsũshũ neshetã yuikĩ: —Haskai mĩ dateai? Ẽ mia iã bepaimatiru ikũwãbiai mĩ harakiri xinã bushkẽshumẽ?— atã

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

Romanos 8:31

Haskakẽ Deusũ haska xarabu nuku ashuniwẽ taeshũ haratubũra txakabuwakĩ nuku tenemaibu habu hawauma keskabuki, Deus kuxipahairatũ nuku mekekĩ binuhairawẽ taearã.

1 Coríntios 10:13

Tsuabũra hawara txakabu ma huni mã meriama inũ txakabuhairatũ matu atxima ana matu atximakatsis ikai nukũ yura babũ nũ tenetirumarã, xinãkãwẽ. Haskawẽ taeshunã, mĩ yura babubiakẽ Deus putama haki txiti ikubaĩkãwẽ, nuku babu watã hau nuku bika tenemakĩ haska tsuã tenetiruma nũ haskatã binutirumaki. Matu haska tenemabiaya hawẽ baxikuama Deusũ hawẽri hawẽ kuxipa matu unãmakĩ matu hawẽ tashnimakĩ matu binumashanikiki, txakabu tenekĩ mã binuaiwẽ taeshunã.