Gênesis 42:30 - Kaxinawá Bíblia (BR)

^30-34 txanikĩ: —Ha huni Egito shanẽ iburã, nukuki sinatai keskakĩ yuikĩ: “Mã unãtinã nikabuki”, nuku wa: “Nũ 12 huni bakebuki, huni bestitxaitũ nuku bawarã. Canaã anu nukũ betsa mashku hawẽ epabe hiweaki. Betsarã, ma nuku debuwanibuki”, nũ aka nuku ana yuikĩ: “Ẽ hãtxa nĩkakãwẽ. Haskawẽ taeshũ mã huni pepabu ẽ matu unãshanaii. Maturã, nenu bestitxai bashikuyukãwẽ. Hakia hatiritũ shekiwã bushũ matunabu buniaibu pimayutãkãwẽ. Hanua matũ betsa mashkurã, ea uĩmakĩ iwetãshãkãwẽ. Haskawẽ taeshũ mã huni pepabu unãti naisma ẽ matu unãshanaii. Mã ha iwei ana huaya matũ betsa ẽ hatu metaush amaima ẽ matu tashnimashũshanaii. Ẽ matu haska waya na mai pakea anu bea hawama mã nipakeshanaii”, nuku washiãki— akĩ hatũ ibu yuiabu

Gênesis 42:30 Referencias Cruzadas

Gênesis 42:29

ana bui Canaã anu hatũ epa Jacóki nukushũ Egito anu haska hatu washiãbu

Gênesis 42:7

José hatu uĩkĩ hawẽ betsabu hatu unãbiakĩ unãma itsakĩ inũ habũ Hebreu hãtxa unãma itsariakĩ hatũ hãtxa mae wanikabetã Egito hãtxa bestiwẽ hatube hãtxakĩ sinatai keskakĩ hatu yukakĩ: —Maturã, hania mã bekãshumẽ?— hatu wa habũ kemakĩ: —Nukurã, nukũ mai pakea Canaã anua shekiwã binũ ika nũ mia anu hushuki— akabu

Gênesis 42:9

haska namani José hawẽ betsabukiri shinãtã hatu datekĩ hatu unãti wakĩ yuikĩ: —Haskamaki. Mã txanitxakaii. Haratura mae babu nuku deteshanũ ishũ nuku unãti wai mã bekãshuki— hatu wa