Gênesis 42:22 - Kaxinawá Bíblia (BR)

²² hanushũ Rúben iyuatũ hatu yuikĩ: —Uĩkãwẽ. Ẽ matu yuibia: “Ha berunã itxakawayamanãkãwẽ”, ẽ matu wabia mã ea nĩkama iniki. Uiã, José tenanibuwẽ taeshũ manakukĩ nukuri txakabuwakĩ Deusũ nuku bika tenemaikiki— hatu waya

Gênesis 42:22 Referencias Cruzadas

Gênesis 4:10

Senhor Deusũ yuikĩ: —Mĩ haska washinamẽ?— iwanã —Mĩ betsã himi mai anu habai sai ikĩ hau ẽ mia kupinũ ea yuikiki. Mĩ betsarã, mĩ tenãshinaki— iwanã

Gênesis 42:23

hatũ Hebreu hãtxawẽ hawẽ betsabu José hatu hãtxa wama hatũ hãtxa maewanikabetã José hawẽ betsabube hãtxakĩ hakia hatũ hãtxa nĩkahairabiaya: —Nukũ hãtxa nĩkamaki— ikaibũ

Gênesis 45:3

José hawẽ betsabu shabakabi hatu unãmakĩ habũ hãtxawẽ hatu hãtxa wakĩ: —Earã, ẽ Joséki. Ẽ epa hiweyuamẽ?— hatu waya habũ itxakawanibuwẽ taea haki datetxakayamai huĩti metesheketxakayamatã hawa yuiama hashpa ha dapi mapuabũ

Gênesis 50:15

Hanua hatũ epa mawaimakẽ José betsabũ shinã txakai yuinamekĩ: “Eskatianã, José nũ itxakahairawaniwẽ taeshunã, nuku danãkĩ nukuri kupihairashanikiki”, ikĩ

Ezequiel 3:18

Eskakiri ẽ shinaĩ ea nĩkawe. Tsuara ha txakabuaikiri ẽ kupitiwẽ hau mawanũbũ ẽ hakiri mia yuia hawẽ txakabu henetã hau hiwekũkaĩshanũ nemakĩ mĩ hawa hatu hãtxa wama, hawẽ txakabuwẽ taea mawashanikiki, ẽ kupiarã. Hakia miã kanekĩ tsuara hawẽ txakabukiri nemakĩ mĩ merabewama ma mawakẽ hawẽ taeshũ ẽ mia kupishanaii.

Hechos 28:4

ha hanua yurabũ hawẽ mekẽ anu dunu dunua uĩ hawẽ datei yuinamekĩ: —Na hunirã, pubẽkĩ yura betsa tenaĩmamẽkaĩ. Iãnẽwã anua pashabiashukẽ dunu yunukĩ nukũ mekenika yushĩ pepatũ hiwea inãma kupikikirã— ikaibũ

Apocalipse 13:10

“Tsuara bitxiti hiwe anu iyukatsi ikĩ bitxiti hiwe anu hatu bitxishãkanikiki. Hanushũ tsuara nupe txaipawẽ hatu tenãkatsis ikĩ nupewẽ hatu debuwashãkanikiki”, habũ txanima Deus ikũwãkĩ habũ hawa xinã betsa wama hatũ kuxipa hatu uĩmashãkanikiki, ikũwaĩ meribibunã.

Apocalipse 16:9

hawẽ kupiti txakabu tibi Deusũ yunukĩ hatu tenemaiwẽ taeshũ ha kuhairaiwẽ menubiakĩ haska xarabu mebiai Deuski shetxakakĩ kẽwãnũ ishũ xinã betsa wabumaki.

1 Samuel 19:4

ana meshukiri penama hawẽ epabe bai anu kashũ Davi merabewakĩ daewashũkatsi ikĩ Jônatasã hawẽ epa Saul yuikĩ: —Shanẽ ibuũ, mĩ tsuma Davinã, hawa txakabuwakĩ mia txakabuwama haki sinatakĩ meyamawe, pe besti mia ashũmiskirã.