Gênesis 41:30 - Kaxinawá Bíblia (BR)

³⁰ Hanua 7 ano kakẽ ana piti beneama buni paepa teneshãkanikiki, dasibibũ yunu keyukũkainirã.

Gênesis 41:30 Referencias Cruzadas

Gênesis 41:27

Hamẽ ha 7 ina awa atimapa imanarã, uatiã 7 bari iriashãkanikiki. Habiaskari ha 7 shekiwã niwe estekiria bekĩ shana warã, 7 baririki. Ha bari haskaitiã 7 ano piti beneamakẽ minabũ buni tenekubaĩshãkanikiki.

Gênesis 41:31

Haska hiwekĩ hawa piti hayama buni tene txakayamaibuwẽ taeshũ ha 7 ano haskaitiã mã hiweshũ shekiwã itxapawashũ pikubaini mã ana shinãma ishanaii, bunirã.

Gênesis 41:51

Ha dukũ bakewaima kaiã José yuikĩ: “Ẽ epa hakimai inũ, hawenabu hakimai inũ, haska bika betsa betsapa ẽ binukubirãshina Deusũ ea hakimawaimawẽ taea ẽ bakẽ kena Manasséski”, akima

Gênesis 41:54

hanua haska José yuini keskai 7 ano buni pakei taeaibũ mai pakea betsa betsapa tibi hiwebaunabu buniaibũ hakia Egito anu besti piti aru hayakẽ

Gênesis 41:56

hatu haska waimakẽ mae betsa betsapa anu buni pabauni pikuaya hanushũ José hawẽ piti aruti hiwe anua Egito nawabu shekiwã peiwẽ hatu inãkatsi bepeãyã hawẽ tsumabũ hatu inãkĩ taewanibukiaki. Hatu haska waya buni pikukũkainaya hanua mai pakea tibi anuaburi hawa pitima Egito anu besti piti haya txaniaibu nĩkatã yura shukua betsa betsapatũ hanua binũ ika José anu bebirã bebiranibukiaki, hatũ mae anu hawa piti hayamawẽ taearã.

Gênesis 47:13

Hanua mai pakea Egito inũ Canaã hirabi anua hatũ shekiwã keyui buni pikuhairai ana hawawẽ hiwetima yurabu buni paewẽ mawaibũ

1 Reis 17:1

Mai pakea Gileade anu hawẽ mae Tisbé anu hiwea Deusũ hãtxa yuishunika Elias Acabe shanẽ ibuhaira anu kashũ dateama yuikĩ: “Israelĩ enabu mekenika Senhor Deusũ ea nĩkaya ẽ mia yuiaii, ẽ ha dayashũmistũ kenawenã. Eska ikũkaĩshanikiki. Ea nĩkawe. Ano tibi ikũkainaya ẽ yunuriama ui ana ikama inũ basnũ ana butuama ishanikiki”, abaini kaya

Provérbios 31:7

Shia inũ vinho aki nuitapai inũ isĩ tenebiai hawa ana shinãma hakimatirubuki.

Lucas 4:25

Haska inũ, Deusũ hãtxa yuishunika Elias hiwekẽ bari dabe inũ besti namakis ui ikamakẽ pitiuma nukũ shenipabu nuitapahairaibũ aĩbu hawẽ bene ma mawayama mirimaburi yumãkubainibu mã nĩkamiski.

Santiago 5:17

Ha inũ, nukũ shenipabu Elias nuku keskakiri ana xinãnãkãwẽ. Bika tenei Deusbe nũ haibunameai keskai txĩtuãma Eliasri hiwekũkainikiaki. Hakia hawenabũ Deus txibãbumawẽ taeshũ Eliasĩ Deus yukakĩ yuikĩ: “Enabu mĩ kuxipa uĩmakĩ ana ui hatu inãyamayukubaĩwẽ”, akĩ yukakĩ ui nesewaima bari dabe inũ besti namakis ui ana imama inikiaki.