Gênesis 4:4 - Kaxinawá Bíblia (BR)

^4-5 habiaskari wakĩ inãkuĩkatsi ikĩ Abelĩ txashuwã bake shua pehaira beshũ Deus inã Deusũ Abel inũ hawẽ inãkuĩ hatuna besti betxipaihairakĩ hakia Caimnena danãyã Caim benimama amua sinatahairaya

Gênesis 4:4 Referencias Cruzadas

Gênesis 15:17

ma bari ka meshuhairaya ina yuinaka detea bais ashũ mãtxĩbaina namakis txi here keska kuĩhaira tashnitã here hi hi itxakayamai binu binu ikaya

1 Reis 18:24

Matũ yushibubu merabewati yukakãwẽ, hakia eanã, Senhor Deusũ merabewati ẽ yukariairã. Haratutũra nuku kemakĩ nami inũ karu anu txi yunuaya harã, mekenika Deus Txanima Kayabiki— hatu wa dasibibũ kemakĩ yuikĩ: —Mĩ shinã peki. Haska wanãkãwẽ— iki keyutã karu itxapa inũ ina awa bake bene dabe ma hatu beshuãbu

1 Reis 18:38

benãta ka nikẽ samama Senhor Deusũ txi yunua manaũria txi shawakakirã txi tapu anu tĩ ikĩ ina awa nami inũ, karu inũ, 12 mishki ewapabu inũ, mai pukĩbauna anu ũpash matari netsu keyuai

Salmos 20:3

Duawakĩ mĩ inãkuĩ tibi mĩ inãkubaĩmis inũ inabũ sheni menukĩ mĩ benimawamis shinaĩ hau matuwẽ benimakũkainũwẽ.

Provérbios 3:9

Hawara dasibi mabu mĩ haya inũ mĩ mibã ha dukũ bimi taeai tsekashũ Senhor Deus duawakĩ ha dukũ inãkĩ hawẽ kẽwãkubaĩshãwẽ.

Hebreus 11:4

Ha inũ, Adãonẽ huni bake dabe Deusũ yunuxina hawẽ hãtxa Abelĩ ikũwãkĩ txibãkĩ hawẽ Deus kẽwãti txashuwã tesẽshũ kuakĩ keyushũbiaya hawẽ betsa Caimnẽ Deusũ yunua hãtxa txibãma hawẽ bai anua yunu besti kuashũkĩ Deus kẽwãpaibiaya Abelĩ kẽwãti besti Deusũ abukĩ hawẽ hãtxa ikũwaĩ unaĩ: “Huni pepaki”, anikiaki. Ha inũ, Abel mawabianikẽ haska ikũwãkĩ tates taewatã henebaini habiawẽri nũ ikũwãkubaĩshanũ Deusũ hãtxa Abelkiri kenenibu uĩkĩ nũ unãriakubaĩmiski.

Hebreus 9:22

Deusũ Moisés hawẽ hãtxa yununiwẽ taearã, mabu inũ tsuabura Deusuna wakĩ hatu meribi wakinã, himi habama hatũ txakabu buatiruma inikiaki. Hakia Deusunabu meribi hatu wakinã, hatũ txakabu buashũkĩ himi habai bestiwẽ atiwakĩ yununiki, Moisésnã.

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Juízes 6:21

Senhor Deusũ nai tsuma kushipatũ ha nami inũ misi mishki mamaki mãtxĩshuna hawẽ mestẽti hawẽrua debuwẽ timaya ha mishki anua txi here hi ikĩ menukĩ keyuaya hanua Senhor Deusũ nai tsuma kushipatũ hawẽ yura hunei inakainaya

1 Samuel 15:22

hanushũ Samuelĩ yuikĩ: “Senhor Deusũ betxipai benimamisrã, nũ ha nĩkakĩ nũ ashuaĩ besti betxipaimiski. Hamẽ ha inabu sheni menukĩ keyushũmisbu inũ hawẽ kẽwãti nami pitxãshũ pimisburã, hawẽ Senhor Deus benimai beshmasmiski. Habũ Senhor Deus nĩkakĩ ashũkubaĩmisburã, habuwẽ benimahairamiski, txashuwã sheni inũ hawẽ nami menukĩ keyushũmisbu binuarã.