Gênesis 4:26 - Kaxinawá Bíblia (BR)

²⁶ Sete ewai aĩyãtã bake bawaima huni bake kaĩshuna kenakĩ: “Enoski”, akimashũ habiatiãri nukũ mekenika Senhor Deus ea akĩ kẽwãkĩ taewakubainibukiaki.

Gênesis 4:26 Referencias Cruzadas

Gênesis 12:8

Hanua bari huaikiri kai mati betsanu mati betsa Betel inũ Ai mae betsa namakis hatũ bitxi tari hiwe nitxĩshinabũ hanushũ Abrão ana Senhor Deus kẽwanũ ishũ mishki ana mãtxĩkĩ itxawatã Senhor Deusũ kenawẽ ana kushipa yukakĩ kẽwãrianikiaki.

Gênesis 26:25

hanushũ Isaque mishki txi tapu wakĩ mishki itxawakĩ maspu watã ha mamakishũ daewakĩ hau benimanũ, iwanã, txashuwã bake tesẽshũ menu keyukĩ Senhor Deus kẽwãtã hanu hawẽ tsumabu hatũ tari hiwe dasibi pũtematã hanushũ hawẽ tsumabu ũpash kini benawamakĩ hatu yunua pukĩkubaĩkĩ ũpash betxinibukiaki.

1 Reis 18:24

Matũ yushibubu merabewati yukakãwẽ, hakia eanã, Senhor Deusũ merabewati ẽ yukariairã. Haratutũra nuku kemakĩ nami inũ karu anu txi yunuaya harã, mekenika Deus Txanima Kayabiki— hatu wa dasibibũ kemakĩ yuikĩ: —Mĩ shinã peki. Haska wanãkãwẽ— iki keyutã karu itxapa inũ ina awa bake bene dabe ma hatu beshuãbu

Isaías 44:5

Hanushũ betsã yuikinã: ‘Earã, ẽ Senhor Deusunaki’, ikaya betsã hamebi yuikĩ: ‘Ẽ Jacó baba betsaki’, ikaya betsã hawẽ mekẽ anu kenekĩ netãkĩ: ‘Earã, ẽ Senhor Deusuna kayabi ẽ hawẽ yuraki’, akĩ hawẽ kena ana txitxikĩ Israelĩ kenayabi netãriashanikiki.

Isaías 63:19

mĩ nukũ shanẽ ibumakẽ nuku akawakĩ inũ mĩ kena kushipa nũ hayama nuku wakinã.

Joel 2:32

hanushũ tsuabũra: “Ẽ Shanẽ Ibu Senhor Deus kushipaki”, ikĩ ea dayuiaibu habu besti pashakĩ hatũ hiwea ikibi ika bishãkanikiki, mawa kayabi anu kamarã. Haska Senhor Deusũ hatu yubanirã, Mati Sião inũ Jerusalém anu hanu piskuti hayaki. Hanua tsuabura Senhor Deusũ ma hatu katuni hiweriakubaĩshãkanikiki, hawẽ kupiti mawa bika teneabumarã.

Lucas 3:38

Cainãnẽ eparã, Enos inikiaki. Enosĩ eparã, Sete inikiaki. Setẽ eparã, Adão inikiaki. Adãonẽ eparã, Deus inikiaki. Haskakẽ Jesus huni kayabi irianiki, nuku keskarã.

Hechos 11:26

Sauloki nukutã Antioquia anu iyui habe hari kaimashũ hatu yusĩkĩ ano bestitxai nitxĩkĩ yura itxapabu kaka pepa Jesus Cristokiri hatu yusĩkubainaibũ ha mae anushũ nawabũ Jesus ikũwaĩbu hatukiri xinãkĩ kenakĩ: “Naburã, habũ Cristo txibaĩbuki”, iwanã, hatu kena taewanibukiaki, nawã hãtxawẽ kenakinã, “Cristãos”, hatu wakinã.

Hechos 2:21

Hanushũ tsuabũra: Ẽ Shanẽ Ibu Yavé Deus kuxipaki, ikĩ ea yuiaibu habu besti pashakĩ hatũ hiwea ikibi ika bishãkanikiki’, aka Joelĩ yusĩtã nuku keneshuniki— iwanã, Pedrõ ana hatu yuikĩ:

Romanos 10:13

Ha inũ, Deusũ hãtxa yuishunika Joelĩ haskakiriri yuikĩ: “Haratubũra hawẽ mekenika ikũwãkĩ ea akĩ: ‘Yavé Deusuũ, ẽ txakabu buatã mina ea wawe, mekekinã’ ”, ikaibu Deusũ danãma hatu mekekubaĩshanikiki.

1 Coríntios 1:2

Deusũ katua Corinto mae ewapanu mã hiweabu Jesus Cristo matu mawashũkĩ meribi wakĩ matu pepawaniwẽ taeshũ Deusũ haturi katua nukũ Shanẽ Ibu Jesus Cristo habũ txibãmisbu dasibibubetã mã ikũwaĩbu itxamisbu tibi anu ẽ matu kene bumai uĩbaũshãkãwẽ.