Gênesis 37:34 - Kaxinawá Bíblia (BR)

³⁴ huĩti nishmahairatã hawẽ tari ushnitã pekashũ nishi tari tima besha sawea usha itxapa hawẽ bakewẽ nuitxakayamai kashahairaya

Gênesis 37:34 Referencias Cruzadas

Gênesis 37:29

Rúben hatu dapashkabaĩtani ana kini anu kemashũ uiã José hayamakẽ nuihairai huĩti nishmahairatã hawẽ beyawẽ taeshũ hawẽ tari ushnitã

Gênesis 42:38

Jacó yuikĩ: —Ẽ bakerã, ẽ matube nitxiãmahairaki. Hawẽ betsa José mawaniwẽ taeshũ hawẽ ewã ha besti bitã haya ea mawashunikẽ haskawẽ taea matube kai bai namakia yutekakenã, earã ẽ haskashanai? Matũ ibu mestebu mã ea tenãshanaii, nui paewenã— hatu waimakẽ

Gênesis 44:13

hawẽ betsabũ uĩ huĩti metesheketxakayamatã huni tibitũ hatũ tari ushnitã jumento kamaki hatũ saku ana dũtãshũ neabaini ana mae ewapa anu ana txĩtũkaini bui hikitã

2 Samuel 1:11

hatu haska yuia nĩkatã Davi inũ habe mapuabu punu nukai keyutã hatũ tari ushniakeakebaũtã

1 Reis 21:27

Eliasĩ hãtxa dasibi Acabẽ nĩkatã hawẽ shanẽ ibukĩ sawemis tari mayunepa ushnikĩ putatã hawẽ nui bika tenei unãmati tari besha sawea, samakei, habias tari tubeya ushakũkaini ana kanekatsi ikama huĩti nishmahairakũkainaya

2 Reis 19:1

Hatũ hãtxa nĩkatã shanẽ ibu Ezequiasĩ hawẽ tari hawẽrua sawea ushnitã pekatã huĩti nishmahaira haska nuihairai hatũ beyawẽ taea hatu uĩmai besha tari sawetã Senhor Deus kẽwãti hiwe anu kai hikitã

2 Reis 2:12

haskakainai Eliseũ uĩkĩ hui kushipawẽ kenakĩ: —Epaã, epaã, Israelĩ enabu mekenika cavalõ tarãbaĩti inũ hawẽ katsaubaũti cavalo detenamenikabu itxapabu ẽ uiaiĩ— atã hanua Elias haska kainima ana txĩtũkiranai uiãma inikiaki. Eliseũ Elias ana uĩtirumawẽ taea nuihairakĩ hawẽ tari ushnikĩ namakis dis atã

2 Reis 22:11

hawẽ yunuti inũ hawẽ nemati Moisĩ keneni hãtxa nĩkatã datekĩ shanẽ ibuhaira Josiasĩ hawẽ tari ushnitã

Jó 1:20

nĩkatã haskawẽ taea punu nukahairatã Jó benitã hawẽ tari ushnitã mashtekei mãkutã Deus kẽwaĩ beui beti itã

Jó 2:12

txaikeshũ Jó uĩkubirani txaima haki nukutã unãkĩ: “Habia nukũ haibuki!” iki hawẽ taea bis bis iki kashai taekĩ hatũ tari ushni ushni atã Jówẽ nuitxakayamai hatũ huĩti nishmahairakĩ Jó uĩmakĩ mai mishpu manaũri puta puta akĩ hatũ bushka anuri mapu tukutã

Salmos 69:11

Haya kashati tari sawea ẽ nikaunai dasibibũ ea uĩkĩ ea usã keyumisbuki.

Isaías 32:11

Mã aĩbuaibu nuima hiweabuũ, datei saki saki ikãwẽ. Matuki txiti ishũ mã aĩbuaibu matu kẽwãmisbuũ, ana haska shinãma date paepakĩ matũ batxi hawẽrua pekatã hawẽ nui bika tenei unãmati batxi besha sawerikãwẽ.

Jeremias 36:24

shanẽ ibuhaira inũ shanẽ ibu yununika beshmasbũ Jeremiasĩ hãtxa dasibi nĩka keyubiatã haska hawẽ hãtxawẽ dateabuma inũ hawa bika teneamawẽ taeshũ hatũ tari hawa ushniama inibukiaki.

Joel 2:13

Matũ txakabu henetã shinã betsa wakĩ matũ Mekenika Senhor Deus anu txĩtũtã ha besti txibãkĩ hawẽ hãtxa ikũwãkubaĩkãwẽ. Senhor Deus nuikipa duapa hĩ hĩ isma unãshubira sinatakũkaĩmis betxipainamenikahaira matu kupikatsi ikamabia matu kupitiruwẽ taeshũ nui bika tenekĩ matũ tari mã ushnimis keska wakĩ matũ huĩtinĩ mã txakabumis uĩmakĩ matũ tari ushnia keska wakãwẽ.

Mateus 11:21

—Corazim inũ Betsaida anu mã hiweabu matũ txakabu henetã mã xinã betsa wakatsi ikamarã, mã nuitapahairashãkanaii. Hakia Corazim inũ Betsaida anushũ hawẽ unãti dami kuxipa betsa betsapa ẽ matu uĩmakubainima keska Tiro inũ Sidom anu hiweabũri habiaskari uĩtã hatũ txakabu henenũ, iwanã, huĩti nixmahairatã saku wati tari besha sheni sawetã txi mapuwẽ mapu tukutã hatũ xinã betsa watã Deus ikũwãkeanibuki.

Mateus 26:65

Deusbe nukunabu hãtxashunika shanẽ ibuhaira haki sinatahairakĩ hawẽ tima tari uxnitã yuikĩ: —Deus itxaikiki. Ana hatira hãtxai ẽ nĩkakatsi ikamaki.

Hechos 14:14

haska washunaibu uĩkĩ tapĩtã ha Jesusũ kuxipaya dabetã yurabu hatu kẽwãmakatsi ikama hatũ tari uxnitã yurabu naxui ikaĩ nemakĩ hui kuxipawẽ Gregõ hãtxawẽ hatu yuikĩ:

Josué 7:6

Josué inũ hatũ shanẽ ibubube huĩti nishmahairashũ hatũ tima tari ushnitã isĩ tenei keskai mai mishpu mapu tukutã Senhor Deus hatube yubakani hãtxa aruni bau besuuri dashka ikaĩ beti ika beua bari txaitanai manibai hanua bari kaya

Apocalipse 11:3

Hanushũ ea Deusũ ẽ tsuma dabe ẽ kuxipa inãkĩ ẽ hatu yunua yurabuwẽ nuihairakĩ besha tari sawetã 1.260 shaba ẽ kakape yusĩ hãtxakubaĩshãkanikiki”, ea washu