Gênesis 37:28 - Kaxinawá Bíblia (BR)

²⁸ Ismael nawa shukua betsa mabu inananãmisbu Midiã nawabu bei hatuki nukuaibũ hatube hãtxatã kini meranua José metsũshũ kaĩmabirã hatu inãkĩ 20 pei heshe hushupa prata ewapa karuhairawẽ taeshũ José hatu inãbu Egito anu iyui buaibũ

Gênesis 37:28 Referencias Cruzadas

Gênesis 25:2

hanua hawẽ bakebu haki bawa hawẽ huni bakebu Abraão inã kaiã hati inibukiaki, Zinrãnã, Jocsãnã, Medãnã, Midiãnã, Isbaquerã inũ Suárã, hati inibukiaki, hatũ kenarã.

Gênesis 37:25

hawẽ betsa Rúben pashkakaĩkẽ hawẽ betsabu pi manishũ uĩkĩ Ismael nawabũ camelowẽ sheni ininipa hawẽ iti inũ hawẽ pushati dau Egito anu hatu inãtanũ ika Gileade anua beaibu hatu betxitã

Gênesis 37:36

Habiatiãri Midiã nawabu, habias Ismael nawaburã, José iyui Egito anu hikishĩshũ peiwẽ taeshũ habũri pei bikatsi José Potifar inãnibukiaki, hau hawẽ tsuma wakĩ escravo wanunã. Egito nawa shanẽ ibuhaira Faraónẽ hiwe ewapa hawẽrua anua detenamenikabu shuku betsa mekemis Potifar hatũ shanẽ ibu inikiaki.

Gênesis 39:1

Ismael nawabũ José bibaĩkĩ Egito anu iyuabu Egito nawa Potifar peiwẽ taeshũ hawẽ dayaru escravo wakĩ José binikiaki. Egito nawa shanẽ ibuhaira Faraónẽ hiwe ewapa hawẽrua anu mekenikabu yunumis hatũ shanẽ ibu Potifar hatũ capitão inikiaki.

Gênesis 50:15

Hanua hatũ epa mawaimakẽ José betsabũ shinã txakai yuinamekĩ: “Eskatianã, José nũ itxakahairawaniwẽ taeshunã, nuku danãkĩ nukuri kupihairashanikiki”, ikĩ

Êxodo 2:16

ũpash beatiwẽ hawẽ amati mata washũ hatũ epa Reuelĩ txashuwã itxapa ũpash amanũ, iwanã, Midiã nawa Deusbe hãtxashunikã aĩbu bake txipashbu 7tũ hatũ epã txashuwã dasibi iweabu

Isaías 60:6

Midiã nawabu anua inũ Efa nawabu anua camelo bei txitxikinãbirãkĩ mabu peutã beaibu mã uĩshanaii. Ha inũ, Sabá mai pakea anushũri camelo mirimaki ouro inũ inĩti pepa peumatã bemashãkanikiki. Habu bekinã, Senhor Deusũ kushipa kẽwãkĩ yuibirãshãkanikiki.

Jeremias 38:13

hanushũ huni kushipabũ ninibirãkĩ Jeremias mapemabu hanua shanẽ ibuhairatũ hiwe hawẽrua mekenikabũ hemaĩtĩ kenekauna anu Jeremias nitxiãbu hanu hiweyukẽ

Mateus 26:15

hatu yukakĩ: —Jesus ẽ matu atximayarã, hati pei mã ea inãtirumẽ?— hatu wa habu benimakaũ habũ 30 pei heshe prata karuhaira inãbu

Mateus 27:9

Haska Deusũ hãtxa yuishunika Jeremiasĩ bebũkiri hatu yuikĩ: “Habũ 30 pei heshe bishũ mai kẽti wanikã bai bikĩ haska Israelbũ hawẽ karu yubaxina hawẽ pakakĩ ibu washãkanikiki, akĩ Deusũ ea yuia ẽ matu yuishuki”, hatu washũ keneniki. Habiaskari kaneama menekĩ Judasĩ peiwẽ bai bikĩ ibu wanibukiaki.

Hechos 7:9

Hanua ha nukũ shenipabu Israelĩ huni bake betsa José hawẽ betsabũ danaĩ haki sinatakĩ hau tsuma wabaĩ Egito mai pakea anu iyutanũbũ hawẽ taeshũ pei bikĩ nawa betsabu inãbu iyuyamabu harishũ Deusũ duawakĩ José merabewaya