Gênesis 34:30 - Kaxinawá Bíblia (BR)

³⁰ Hawẽ bakebũ hatu haska washuwẽ taea hatuki sinatakĩ Jacó hawẽ bake Simeão inũ Levi hatu ha akĩ yuikĩ: —Ea txakabuwakĩ nawa betsa betsapa mã ea hatu mesewamashuki, Canaã nawabu inũ Ferezeu nawaburã. Nukurã, nũ eskarabeski. Hakia haburã, itxapahairabuki. Habu dasitã nuku dete keyukĩ nuku yamawashãkanikiki, ea inũ enabu nuku teshe heneamarã— hatu wa

Gênesis 34:30 Referencias Cruzadas

Gênesis 12:12

Egito nawabũ mia uĩkĩ ea tenãtã mia bitã mia besti hiwematirubuki.

Gênesis 12:2

Miwẽ taeshũ minabus pawakĩ nawa shukua betsa itxapa kushipa wakĩ ẽ tari hatu hiwemashanaii. Pepawakĩ duawakĩ ẽ mia merabewapakeshanaii, mĩ kena hatu unãma akeakekinã. Miãri mĩ hatu pepawariashanaii.

Gênesis 12:6

atimas mai pakea betsa Canaã anu hikitã sulkiri bui Siquém maewã anu hikitã Moré hi shukua mapua dapishũ hanushũ yushibu kẽwãmisbu dapi hiwetushiyunibukiaki, hanu Canaã nawaburi habias maewã anu hiweriabu anurã.

Gênesis 13:7

Abrão tsumabũ inũ Ló tsumabũ inabu pimanũ ika yaushinaĩ hatube ha iki detenameaibũ habianuri Canaã nawabu inũ Ferezeu nawabu habias maewanu hatũ inaya hiweriabũ haskawẽ taea basi itxapa hayabia damakẽ

Gênesis 34:2

Heveu nawa shanẽ ibu Hamorĩ bake iyua Siquémnẽ Diná uĩkĩ atxishũ pesakĩ dakewatã

Gênesis 34:29

hatũ mabu dasibi biãtã hatu tsuma wabaĩkĩ hatũ bakebu inũ hatũ aĩbuaibu dasibi hatu itxawabaĩkĩ ha maewã dasibi anua hatu iyukĩ hatu yumetsubainibukiaki.

Gênesis 34:31

hawẽ bakebũ nĩkatã hatũ ibu yuikĩ: —Haska wakĩ nukũ pui dasibituna hininipa wakĩ beya wakĩ nuku beshpa betxitirubumaki— anibukiaki.

Gênesis 46:26

Jacó enabu huni betsama hati hawẽ yurabuyas Egito anu hikirã, 66 habe bunibukiaki, hawẽ bakebũ aĩbuaibu hatu tanamarã.

Gênesis 46:27

Hanua Egito anushũ José aĩyãtã bakewarã, dabe inikiaki. Hanua ha Jacóbe Egito anu bea Joséki dasitushiabu tanabu 70 hawenabu habus inibukiaki.

2 Samuel 16:21

Aitofelĩ kemakĩ Absalão yuikĩ: —Hawẽ hiwe hawẽrua hau mekeshunũbũ hawẽ 10 nãtakea aĩ hawẽ dayarubu mĩ epã hatu bashibaĩshina habu tibi txutã keyuwe. Mĩ haska waya Israelĩ enabu dasibibũ nĩkakĩ mĩ epa danãkĩ mĩ sinatamai unãshãkanikiki. Ha dikabi habũ mia txibaĩbu dasibibu ana benimashãkanikiki— aka

1 Reis 18:18

Eliasĩ kemakĩ yuikĩ: —Haskamaki. Israelĩ enabu eã ẽ hatũ shinã itimaska waismaki. Hakia Senhor Deusũ yunuti hãtxa danãkĩ henenishũ mia inũ minabũ yushibu Baal dami betsa betsapa duawakĩ mã kẽwãkubaĩmiswẽ taeshũ Senhor Deusũ matu kupikubainikiki, ui matu inãmarã.

Êxodo 5:21

hatuki sinatakĩ habũ yuikĩ: —Nuku bika tenemakĩ hau nuku tenãshanũbũ hawenabu Faraó nukukiri txakabu shinãmakĩ mã hatu nukuki sinatamaii. Mã haska waiwẽ taeshũ Senhor Deusũ matu unãti watã hau matu kupishanũwẽ— hatu watã tashnibainaibũ

Provérbios 11:17

Tsuara nuikipakĩ hatu merabewamiswẽ taea ibubis pe hiwekũkaĩriamiski. Hakia tsuara hatuki sinatai hatuwẽ nuisbumawẽ taea ibubis hiwe txakariakubaĩmisbuki.

Provérbios 11:29

Hawenabube hiwea merabewakĩ hatu pe mekeama pashkakainima hawa hayama ishanikiki. Hanua unaĩsmapaburã, unanepabũ hatu tsuma wakubaĩmisbuki.

Provérbios 15:27

Tsuãra hawenas besti wanũ, iwanã, mabuwẽ kemukĩ hawenabu duawama ibubis txakabumisbuki. Hamẽ tsuãra hawẽ txakabuwẽ taeshũ shanẽ ibu hune pei inãpaia danãkubaĩmisrã, hiwei pekũkaĩkĩ Senhor Deus benimawamiski.

Deuteronômio 4:27

Mã txakabuwai matu kupikĩ nawa betsa betsapa anu sa akĩ Senhor Deusũ matu ubisitawashanikiki. Matu haska wa hatiri eskarabes hatũ mae anu mã hiwebaũshãkanaii.

Josué 7:25

hari iyuabu Josué Acã yuikĩ: —Haskakĩ nukuki Deus sinatamakĩ atimapa wakĩ mĩ nuku txakabuwashinamẽ? Natiã miari Senhor Deusũ kupiaya mĩ nuku tenemashina keskari miãri mĩ meaii— akaya hanushũ Israelĩ enabu dasibibũ mishki turewẽ tsaka tsaka akĩ Acã hawẽ bakebuya tenãkĩ keyushũ txiwẽ hatũ yura kuakĩ keyutã

1 Samuel 13:4

hatu banabimabaũkĩ: —Filisteu nawa detenamenikabu Saulũ hatu detekĩ keyushinawẽ taea Filisteu nawa dasibibu Israelĩ enabuki sinatahairaibũ Gilgal anu dasibibu Saul anu ma itxakanikiki— hatu wabu ma nĩkakĩ keyuabũ

1 Samuel 16:2

Samuelĩ kemakĩ yuikĩ: —Haskakaĩ ẽ mia ashũtirumẽ? Mĩ ea haska yunua shanẽ ibu bena katui ẽ kaya Saulũ tapĩtã ea tenãshanikiki— aka kemakĩ Senhor Deusũ yuikĩ: —Belém anu ina awa bake babupa bushũ: “Senhor Deus kẽwãtanũ ika matu anu ẽ huaii”, iwanã, hatu yuitãshãwẽ.