Gênesis 34:24 - Kaxinawá Bíblia (BR)

²⁴ Hamor inũ Siquémnẽ hãtxa hati bariyabu dasibi habu detenamei butirubu keskabũ hatu nĩkatã habũ kemakĩ: —Haskakenã, peka— ikaibu hanushũ habũ hina kubitxi meshtebaũkĩ hatu keyushinabu

Gênesis 34:24 Referencias Cruzadas

Gênesis 17:23

habias shabatiã Deusũ Abraão yubashu Ismael inũ, huni dasibi hatube hiwea huni bake kaĩmisbu inũ, peiwẽ hatu bitã hatu escravo wani Abraão hatu itxawashũ hatubetã hatũ hina kubitxi meshtekĩ itxapa hatu bipakenikiaki, haska Deusũ yunushina txibãkinã.

Gênesis 23:10

Heteu nawa Efrom hawenabu Heteu nawabu namakis tsaua hau dasibibũ pe nĩkanũbũ benikaũ Abraão kemakĩ: —Haskamaki. Ẽ hãtxa nĩkawe. Ha bai inũ mishki tãpe ẽ mia hamẽ ibuwamaii. Enabũ nĩkaibũ ẽ mia inãkuiaiĩ, hanu mĩ aĩ mĩ maiwanunã— atã tsaukẽ

Mateus 7:6

—Haska inũ, hawara pepa Deusuna kamã pubẽ mã inãtirumaki, hawẽ unãti watã matu keyutiruwẽ taeshunã. Habiaskari wakĩ ina yawa pubẽ mã mabu pepa inãtirumariki, txakabuwakĩ hau matu pema pema akãyamanunã. Habiaskari wakĩ tsuabũra Deusũ hãtxa danãhairamistũ hau matu deteyamanũbũ hatu ana yusĩyamakubaĩshãkãwẽ— iwanã,

1 Coríntios 7:19

Judeubũ beya txibãkĩ nũ hina kubitxi meshtemis inũ judeubũ beya txibãmarã, nũ haskai hiwekĩ Deus benimawatirumaki. Hakia Deusũ hãtxa besti txibãkĩ nũ Deus benimawatirubuki.