Gênesis 30:27 - Kaxinawá Bíblia (BR)

^27-28 nĩkatã Labão kemakĩ nemakĩ: —Miwẽ taeshũ Senhor Deusũ ea duawai ẽ uĩmiski. Mĩ ea betxipaikĩ ea ana dayashũkĩ haska mĩ ea yukai keska ẽ mia pakakĩ ashũshanaii— aka

Gênesis 30:27 Referencias Cruzadas

Gênesis 12:3

Hanushũ tsuãra mia pepawaya ẽ haturi pepawashanaii. Hakia tsuãra mia txakabuwakĩ yupuwaya hatu kupikĩ ẽtseri ẽ hatu mia yupushũkubaĩshanaii, manakukinã. Ha inũ, miwẽ taeshũ nawa betsa betsapa mai hirabi anu shukua hiwebaunabu dasibi ẽ hatu pepawariashanaii”, aka

Gênesis 18:3

Abraão hatu yuikĩ: —Shanẽ ibuũ, mĩ huai?— hatu wa dami yura kayabitã ha meranua Deus hãtxai: —Ẽ huaii— ikaya Abraão nemakĩ yuikĩ: —Ẽ mĩ tsumarã, ea betxipaikinã, ea binũbaini hawaira kayamawe.

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

Gênesis 33:15

—Peki. Ẽ hunibu dabukũ mia bashishũpa, hau mia merabewakubainũbunã?— aka —Mĩ ea merabewatirubia ewẽ nuiyamawe, emebi ẽ kairã— aka

Gênesis 34:11

hanushũ hawẽ bake Siquémnẽri hatu yuikĩ: —Matu daewakĩ hawara mã ea yuka ẽ matu inãshanaii. Inãkuĩ hamapai sharabu mã ea yuka ẽ matu inãtiruki. Haskawẽ taeshũ matũ bake txipash ea inãkãwẽ, hau ea benewanunã— hatu wa

Gênesis 47:25

habu haki shinã txãkãkĩ yuikĩ: —Shanẽ ibuũ, nuku haska wai haska mĩ huni pepa merabenãmẽ, mĩ nuku hiwemairã? Nũ ikaii, Faraónẽ tsumabuirã— akabu

2 Samuel 6:11

Obede-Edomnẽ hiwe anu ushe dabe inũ besti Senhor Deusũ hãtxa aruni bau tsaũbiranimawẽ taeshũ Obede-Edom inũ hawenabus Senhor Deusũ habu besti pe mekekĩ merabewakubainaya

Neemias 1:11

Mibe hãtxakĩ ẽ mia ea akai ea nĩkawe. Senhor Deusuũ, ẽ shanẽ ibu ewẽ nuimawe. Ha ẽ shanẽ ibu Artaxerxes ewẽ nuikĩ ekiri pe shinãyã haskawẽ taeshũ ẽ mia duawakatsi haskakiri ẽ mia yukaii”, anikiaki. Ea Neemiasinã, shanẽ ibuhaira Artaxerxesĩ nushuti pewakĩ hawẽ kẽtxaki hushkeshũ dau hayamẽkaĩ, iwanã, eã dukũ metã hawa dau hayamakẽ ẽ amakubainiki.

Neemias 2:5

ẽ shanẽ ibu yuikĩ: —Shanẽ ibuũ, haska ẽ mia dayashunai mĩ ea betxipaiai keskarã, mĩ ẽ shanẽ ibũ ekiri haska pe shinãkĩ mĩ ea yunuarã, Judá mai pakea anu kashũ hanu ẽ shenipabu maiwanibu anu uĩkĩ ẽ hatũ mae ana pewakĩ ẽ hatu bena washũkatsis ikaii— ẽ waya

Salmos 1:3

Ha yuraburã, hene kesha hi banabu pe ewatã hanu bimiaitiã hawẽ bimi pe hushĩmis keskabuki. Ha inũ, hawẽ pei shanama keskai, habũ Deusũ hãtxa betxipaimisburã, dasibi haska amis pepahaira ikubaĩmisbuki.

Êxodo 3:21

Habiatiãri Egito nawa dasibi ẽ datekĩ matuki pe shinãmaya mekẽ bestia mã mais kama ishanaii.

Isaías 6:13

Ha yurabu décima parte ẽ hatu heneima haburi ẽ yamawaya haskaitiã ipakeshanikiki. Eska keskairã, hi keyatapa derabu hawẽ buru besti henemiski. Hakia hawẽ buru anua hawẽ tushpi betsa datakukirãmis keskai enabu anua hawẽ baba betsa meribi txakabuma tashnikaũshanikiki”, akĩ Deusũ ea waimaki.

Isaías 61:9

Matũ bababu pakubaini pe hiweabũ nawa shukua tibibũ hatukiri pe shinãkĩ kẽwãkĩ yuikubaĩshãkanikiki. Senhor Deusũ hawenabu pewẽ hatu duawakubainai dasibibũ hatu uĩkĩ unãshãkanikiki”, ikaya

Daniel 1:9

dayaru yununika Aspenaz Deusũ berunãbuwẽ nuimaya

Números 11:11

Moisĩ Senhor Deus yuikĩ: —Ẽ mĩ tsumarã, haskakĩ mĩ ea itxakawai? Hawa ekiri txakabu mĩ hayamẽ? Minabu mĩ ea hatu iwemaima eas bika tenemakanikiki.

Números 11:15

Mĩ haskas ea dayamakĩ hatu iyumairã, ẽ betxipaiamaki. Haskakenã, hawaira ea tenãriwe. Mĩ ma ea tenanã, ana ẽ bika teneai mĩ ea uiãma ishanaii— aka

Hechos 7:10

habu anushũ bika tenebiaya Deusũ nemakĩ unãnepa wakĩ Egito shanẽ ibuhaira Faraó abumaya hawẽ shanẽ ibu betsa wakĩ José shanẽ ibu wakĩ hawẽ mai hirabi inũ hawẽ hiwe hawẽrua ewapa mekei hau dasibi shanẽ ibushunũ yununiki.

Rute 2:13

Rutẽ kemakĩ yuikĩ: —Mĩ ea haska hãtxa wakĩ mĩ ea benimawaii, haska mĩ ea hãtxa pewairã, ẽ mĩ dayarumabiakenã— aka

1 Samuel 16:22

hanushũ Saulũ hawẽ hãtxa ana Jessé bumakĩ: “Mia ea akĩ mĩ bake Davi mĩ ea nitxĩshũshina ẽ betxipaihairaiwẽ taeshũ ea heneshũwẽ, hau ea anu ikũkaĩshanunã”, akĩ hawẽ hãtxa bumanikiaki.