Gênesis 30:1 - Kaxinawá Bíblia (BR)

¹ Hanushũ hawẽ betsa Léiã bake bikubainaya hawawẽ haskatima hawẽ betsa bakeyaiwẽ taea nuikĩ Raquelĩ Jacó yuikĩ: —Eari bakewawe, ẽ bake biamas mawatirukirã— aka

Gênesis 30:1 Referencias Cruzadas

Gênesis 29:31

Jacó hawẽ aĩ Léia danãbiakĩ mekubainaya Senhor Deusũ uĩkĩ Léia merabewakĩ bake bimakĩ hakia Raquel hau bake biamayunũ Jacó txutabiakubainaya bakeuma wakĩ nemayukubainikiaki.

Gênesis 37:11

hawẽ betsabũ danaĩ haki sinataibũ hakia hawẽ epã besti José hãtxa hakimama shinãshũkubainikiaki.

1 Reis 19:4

ana sulkiri ha mesti bai tanabaini hari tsua hiweabuma anu shaba bestitxai bari txaitanabaini ka punu nuka hi txãpa hawẽ pei tupã utapã anu tsaua punu nukai hĩ iki mawakatsis ikĩ Senhor Deus yuikĩ: “Senhor Deusuũ, hatiski. Ẽ ana bika tenetirumaki. Ẽ shenipabu ẽ hawa hatu binuamaki. Menã ea tenãkĩ ẽ hiwea ea biriwe”, atã

Jó 3:11

Haskai ẽ mawama inimẽ, ẽ ewã bake nãti meranua kasmai ẽ kaĩ taeirã?

Jó 5:2

Tsuabũra yura betsã mabu uĩ hawẽ kemui inũ tsuabura hawaira sinatai unaĩsmapai debumisbuki.

Provérbios 14:30

Tsuãra hawara bika teneai henetã ana hawẽ nuiamakẽ hawẽ yuraki isĩ hikitirumaki. Hakia huni betsã mabu uĩ habias hayarianũ ika kemumisburã, hatũ yuraki isĩ shauki tekitã txapuai keskabuki.

Números 11:15

Mĩ haskas ea dayamakĩ hatu iyumairã, ẽ betxipaiamaki. Haskakenã, hawaira ea tenãriwe. Mĩ ma ea tenanã, ana ẽ bika teneai mĩ ea uiãma ishanaii— aka

Números 11:29

hakia Moisĩ Josué kemakĩ yuikĩ: —Haskakĩ mĩ ea yaushimai, hatu nemakatsis ikinã? Ẽ shinanã, hawenabu dasibi hawẽ hãtxa yuishunika wakĩ Senhor Deusũ hawẽ Yushĩ hau hatu atximakĩ keyunũwẽ— atã

João 4:3

haska nĩkabaini nukubetã Judéia henebaini Galiléia anu ana kai Samaria mai pakea dũkemisbu ana hanu kama daĩbaĩkĩ napaibainũ ika kai

1 Coríntios 3:3

Mã kuxipai beyariama habias matũ hiwea keska xinaĩ mã babuwẽ taea ikũwaĩ betsabube ha iki hatu dabaĩ binunãnanũ ika inũ betsa kemutapaya ha xinaĩ sinai ikũwãbuma keska xinaĩ mã hiweabukiaki.

2 Coríntios 7:10

Tsuabũra ikũwãkĩ nũ txakabu wai unãtã henenũ ikĩ xinã betsa wai nukũ huĩti nixmaya hau nukũ txakabu nuku buashunũ Deus benakĩ nũ ea akaya benimakĩ nukũ txakabu ana xinãma nuku hakimawakĩ Deusũ nuku buashũmiski. Hakia habũ Cristo ikũwãbumanã, hatũ txakabu unaĩ punu nukabia hatũ xinã betsa wama Deusũ hatu merabewama mawa kayabi hayapakeshanikiki.

Gálatas 5:21

Haska inũ, hawara tsuara betsa haya binũ, iwanã, hawẽ kemuirã, beyuskĩ nushuti paepa aki paeinã, pikehaira bestinũ ika yushĩ betsa kẽwaĩ nawakĩ hamapai txakabu betsa betsapa wamisbu hanu Jesus huaitiã ha yura haskabu habe buama ishãkanikiki. Haskakẽ bebũkiri bari betsatiã ẽ matu yusĩkĩ yuima: “Hamapai txakabu betsa betsapa akaibu dũkekubaĩkãwẽ”, iwanã, habiaskari ẽ ana matu yunuaii.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

Santiago 3:14

Hakia matubu betsa unãnepakatsis ibiai yura betsabu tibi hawara haya mĩ mia haskatiruma xinaĩ matũ huĩtinĩ pubẽkĩ hatu pashkanũ ika shanẽ ibunũ ikĩ haska Deusũ abumis txanima mã hayamabia haska bestiwẽ mã kẽkubaĩkanaii.

Santiago 4:5

Matu xinãmakatsi ikĩ Deusũ hãtxa hakiri kenekĩ yuikĩ: “Deusũ Yushĩ Pepa nuku merã hiwemanitũ nuku yauxikĩ mekekubaĩmiski”, iwanã, yuikĩ hamẽ hakiri keneama iniki.

1 Samuel 1:10

Eli dapi hua nia nui huĩti nishma punu nukahaira kashai heneama Senhor Deus yubakĩ yuikĩ: “Senhor Deus kushipahairatũ, earã, ẽ bakeuma mĩ dayaru ẽ nuitapahairaii. Ekiri shinãkĩ huni bake mĩ ea inãtiruki. Mĩ ea bimaiwẽ taeshũ hiwekũkaĩkĩ hau mia dayashũkĩ mia duawakubaĩshanũ ha ẽ bake meribi mina ẽ mia wamakatsis ikaii. Ẽ huni bake mĩ ea bimaima hawẽ unãti watirã, tsuã hawẽ bu meshteama ishanikiki”, aki