Gênesis 3:4 - Kaxinawá Bíblia (BR)

^4-5 dunũ ana yuikĩ: —Haskamaki. Mã mawama ishanaii. Deusunã, txanima unã keyuikiki. Mã ha keska iyamanũ ha hi bimi pepa inũ txakabu unãti mã piyamanũ matu nemashinaki, mã ha keska itirukẽnã— aka

Gênesis 3:4 Referencias Cruzadas

Gênesis 3:13

Senhor Deusũ aĩbu yukakĩ: —Mĩ haskakĩ haska washumẽ?— aka aĩbũ yuikĩ —Dunũ ea parã ẽ pishuki— aka

2 Reis 1:16

yuikĩ: —Senhor Deusũ eska mia yuikiki. Ecrom anu nawabũ yushibu Baal-Zebube anu hau mia yukashũtanũbũ habũ mĩ hãtxa yuinikabu mĩ hatu yunukĩ Israelĩ enabu mekenika Deus tsuã mia yukashũtirumakẽ mĩ haska shinãshinawẽ taea mĩ dakati anua ana beniama txanima mĩ mawaii— atã Elias kakẽ

2 Reis 1:4

Mã haskabiakiranaya Senhor Deusũ ea yuikĩ: Eska Acaziaskiri yuikiki: Ha mĩ dakati anua mĩ isĩ teneairã, habianua ana beniama mĩ mawaii, mia waikiki’, akĩ ea yuishũtãwẽ”, aka haska Senhor Deusũ nai tsumã yunua Elias ka hatuki nukushũ haska Senhor Deusũ yuishu hatu yuia

2 Reis 1:6

habũ kemakĩ yuikĩ: —Nũ kai bebũ huni betsa nukuki nukushũ nuku yuikĩ: “Harishũ shanẽ ibũ matu yunushu anu ana txĩtũribaĩkãwẽ. Haska Senhor Deusũ ea yuishu matũ shanẽ ibu yuiritãkãwẽ: ‘Israelĩ enabu mekenika Deus hayamawẽ taeshũ Ecrom anu nawabũ yushibu Baal-Zebube anu hau mĩ tsumabũ mia yukashunũbũ mĩ hatu yunushuwẽ taea mĩ dakati anua beniama mĩ mawaii’, akĩ Senhor Deusũ eska yuikiki”, akĩ nuku yuiawẽ taea nũ txĩtũshuki— akabu

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

2 Coríntios 11:3

Jesuskiri nũ ma haska matu yusĩbianikẽ yusĩnã betsabu bushũ matu parãkĩ haska Jesuskiri nũ matu yusĩsma Jesus betsa keska wakĩ matu yusĩaĩbu hawaira hatũ hãtxa hawẽrua abukĩ mã hatu nĩkakubaĩmiski. Ha inũ, nukubũ Deusũ Yushĩ Pepa matuki nũ ma matu dasiwabiayamakẽ yushĩ betsakiri matu yuiaibu mã hawaira atximamiski. Ha inũ, haska kakape nũ matu yuiama ibiayamakẽ kaka betsa mã hawaira txibaĩwẽ taea matuwẽ ẽ dateaii. Haska Éden bai anushũ dunũ Eva parani keska wakĩ hawara pepa Cristokiri mã ma hayabia henetã habũ txakabu txibaĩ mã hamakiri benuaibuwẽ ẽ matuwẽ dateaii.