Gênesis 28:15 - Kaxinawá Bíblia (BR)

¹⁵ Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

Gênesis 28:15 Referencias Cruzadas

Gênesis 21:20

Deusũ merabewakubainaya hawẽ bake Ismael ewai pia kuĩwẽ tsaka mebeyai dekuyakũkaini

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

Gênesis 30:25

Hanua Raquel hawẽ bake José kaĩmakẽ Jacó hawẽ kuka Labão yuikĩ: —Ea heneriwe, nitxĩkinã, ẽ mae anu ẽ epa hiwea anu ẽ kakatsi ikairã. Ẽ mia pe dayashũkũkaĩmiswẽ taeshũ ẽ aĩ dabe inũ ẽ bakebube ea yunukĩ ea nitxĩriwe. Haskarara ẽ mia dayashũmis mĩ unãhairaii. Haskawẽ taeshũ ea nemayamawe, ẽ kaĩkainairã— aka

Gênesis 31:3

haskai nishũ shinãyã Senhor Deusũ Jacó yuikĩ: “Mĩ epã mae anu minabu anu ana kai txĩtũwẽ, mibe kakĩ ẽ mia merabewabukainairã”, aka

Gênesis 31:5

hatu yuikĩ: —Matũ epã ea pewama ẽ uĩkubainaii. Ha dukũ eki benimaniki. Natiã ikis eki sinatai ẽ uiaiĩ. Hakia ẽ epã mekenika Deusũ ea merabewakubainikiki. Matu berubi dayashũtxakayamakĩ matũ epa ẽ duawakubaĩmiski. Hakia matũ epã ea itxakawakĩ ea pakakĩ bestikima maewa akeakekĩ ea parãkatsi ikaya Deusũ nemamiski. Labãonẽ ea yuikĩ: “Txashuwã bake keneya minaki”, ea wabianikẽ yushã dasibi keneya tashnikunainaibu hanua shinã betsa watã Labãonẽ ana ea yuikĩ: “Txashuwã bake shiwaya minaki”, ea wariaya yushã dasibi shiwaya tashniriakubainikiki. Haska wakĩ Deusũ matũ epã inabu ea mebĩmakĩ ea inãkubainikiki. Daka ẽ usha namaya txashuwã txutanameaibu ẽ uiãyã txashuwã bene shiwaya inũ keneya inũ meshupa bestibũ yushã txutaibũ Deusũ nai tsumã ea yuikĩ: “Jacóõ”, ea aka: “Ẽ nenuki”, ẽ wa: “Uiã, dasibi Labãonẽ mia itxakawai ẽ uĩmiski. Haskawẽ taeshũ bene shiwaya inũ keneya inũ meshupa bestibu ẽ bake bimakubainaii. Betel anushũ haska Deusũ ẽ mia yuini ẽ eaki. Habianushũri mishki unãti wakĩ benitã sheniwẽ dashu atã hanua mĩ ebe yubakaniki. Haskawẽ taea benitã na mae anua pashariwe. Haria mĩ kaini anu inũ kariwe”, ea wakĩ haska Deusũ ea yuishinaki— hatu wa

Gênesis 32:9

hanua bika tenei Deusbe hãtxakĩ: “Senhor Deusuũ, mĩ ẽ hutxi Abraão Deus mekenika mĩ ikũkainiki. Mĩ ẽ epa Isaque Deus mekenika mĩ iriakũkainaii. Haskawẽ taeshũ ea yuikĩ: ‘Mĩ mae anu ana kawe. Minabu anu ana kawe. Mĩ hari ka harishũ ẽ mia duawashanaii’, akĩ mĩ ea yubaimaki. Txanima mĩ ea duawaii. Nenua kairã, ẽ mestẽti bestiya ẽ kaniki, na Hene Jordão pukeirã. Hakia na eskatiã yura mani dabeya Hene Jordão ẽ ana pukei kaii. Ẽ haska kainaya ẽ betsa Esaú eki sinatai ea mekewe. Hushũ aĩbu bakeya dasibi tenaĩkiki, ika ẽ haki dateaii. Mĩ ea yuikĩ: ‘Ẽ mia duawakĩ mĩ bababu ẽ pa washanaii, mashiti tsuã tanatiruma wakinã’, akĩ mĩ ea yubayamaki. Haskawẽ taeshũ ẽ betsa Esaú anushũ mekekĩ ea itxakawamayamawe”, atã

Gênesis 35:3

hanu Deus hiwea mae Betel anu bunãkãwẽ. Ẽ nuitapakaini kai hanira ẽ kapanã Deusũ ea unãkĩ merabewakĩ ea hãtxa wani hanira ẽ kaya ebe kakũkaĩmiski, ea haska wamiswẽ taeshũ Deus kẽwãkĩ mishki txi tapu wakĩ mishki itxawakĩ maspu watã ẽ txashuwã bake teshteshũ ẽ menu keyushuni kairã— hatu wa

Gênesis 39:2

José hawẽ tsuma Potifar hiwe anu dayashunaya Senhor Deusũ merabewaya José hawama pe dayakũkainikiaki.

Gênesis 39:21

hanushũri Senhor Deusũ José ana merabewakĩ duawakĩ bitxiti hiwe shanẽ ibu José pe uĩmakĩ betxipaimaya

Gênesis 46:4

Earã, ẽ mibe kaii, Egito anurã. Habia ea kayabistũri minabu ẽ hatu tashnimabirãshanaii. Mĩ haria mawayarã, mĩ bake José mia putama mĩ haũbia mawashanaii— aka nĩka ishĩ

Gênesis 48:21

Hanushũ hawẽ bake José yuikĩ: —Uiã. Ẽ ma matu mawashũkatsis ikaii. Hakia ewẽ dateyamashãkãwẽ. Txanima Deusũ matu merabewapakekĩ ana nukũ shenipabu hiwekubaunibu anu matu txĩtũwãshanikiki.

Salmos 46:11

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Salmos 46:7

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Salmos 91:11

Deusũ hawẽ nai tsumabu mia anu yunushanikiki, habuã hanira mĩ kai hau mia mekekubainũbunã.

Êxodo 3:12

Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 8:10

Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Jeremias 1:19

Mia mekei ẽ mibe kakũkaĩshanaiwẽ taeshũ habũ mia nĩkama miki sinatabiakĩ mia hawa binumama ishãkanikiki. Ea Senhor Deusũ txanima ẽ hãtxa ẽ mia inaiĩ.”

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Números 6:24

‘Senhor Deusũ matu duawakĩ mekekĩ hau matu putayamakubaĩshanũwẽ.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,

Juízes 6:16

Senhor Deusũ ana kemakĩ yuikĩ: —Ẽ mia merabewakubainaiwẽ taeshũ huni bestitxai maema keska wakĩ Midiã nawabu dasibi mĩ hatu maemashanaii, matũ maiwã pakea anua hatu nitxĩkinã— aka