Gênesis 28:12 - Kaxinawá Bíblia (BR)

^12-14 usha namakĩ uiãyã tapaiti txaipa mai anua naiki kepia Deusũ nai tsumabu ha tapaitiwẽ inabaĩbaini inũ butubirãbiranaibu anu Senhor Deus ha dapi nishũ uĩmakĩ yuikĩ: —Earã, ẽ Senhor Deuski. Ẽ mĩ hutxi Abraão mekenika Deus inũ ẽ mĩ epa Isaque mekenika Senhor Deuski. Mia yuinũ ẽ hãtxa nĩkawe— iwanã —Na mĩ hanu dakanua mai pakea mia inũ minabu ẽ mia yunukĩ ibu wama minabu na mae anua papakei mai itxapa hawẽ mishpu kuruti tsuã tanatiruma keskai nortekiri inũ, sulkiri inũ, bari huaikiri, inũ bari kaikiri mebinanãtã ibu wai hiwea akeakeshãkanikiki. Mia inũ minabuwẽ taeshũ shukua dasibi mai hirabi anu manibaunabu ẽ hatu pepawapakeshanaii.

Gênesis 28:12 Referencias Cruzadas

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Gênesis 15:12

hanua bari ma hiki txashakaini meshuaya Deusũ Abrão ushãtxakayama namakĩ uiãyã meshũ atxibirana datehairaya

Gênesis 20:3

hanua usha namaya Deusũ Abimeleque yuikĩ: —Uĩwẽ. Aĩbu mĩ hatu iwemarã, huni betsã aĩki. Haskawẽ taea mĩ mawashanaii— aka

Gênesis 41:1

Bari dabe binukainaya hanua Faraó usha namakĩ Hene Nilo kesha ka ha mesti nishũ uiãyã

1 Reis 19:5

habianu hi tupã utapã namã daka ushahairakẽ nai tsuma hushũ datekĩ bestẽwãshũ yuikĩ: “Benitã piriwe”, aka

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Números 12:6

Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.

Mateus 1:20

xinãkubaini usha namaya Deusũ nai tsumã yuikĩ: “Joséẽ, miarã, mĩ Davĩ babaki. Mia yuinũ nĩkairawe. Deusũ Yushĩ Pepatũ Maria bake naneimawẽ taea hawẽ datei hawa dakeama aĩwãshãwẽ.

Mateus 2:19

Hanua Herodes ma mawaxĩkẽ Egito anua José usha namaya Deusũ nai tsuma ana hushũ yuikĩ: “Joséẽ, hanũ bestẽwẽ. Habũ ha bake detenũ ika ikimaburã, ma mawaxinabuki. Hanu Israelbũ mai pakea anu ha bake hawẽ ewabe ana hawẽri iyuriwe”, aka

Hebreus 1:1

Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.