Gênesis 24:50 - Kaxinawá Bíblia (BR)

^50-51 Labão inũ hawẽ epa Betuelĩ nĩkatã kemakĩ: —Na dasibi Senhor Deusũ mia yuishina ma peki. Haskawẽ taeshũ pepa inũ txakabu shinãkĩ nũ mia yuitirumaki. Senhor Deusũ nuku haska washu nũ betsa watirumaki. Rebecarã, na tsaua iyushũritãshãwẽ. Mĩ iyua mĩ tsumapã bakẽ aĩ wãshanikiki— akabu

Gênesis 24:50 Referencias Cruzadas

Gênesis 24:15

hãtxa meneriamakẽ Betuelĩ aĩbu bake Rebeca hui hawẽ shanu Milca inũ hawẽ hutxi Naor Abraão betsarã, txipash hawẽruahaira hunĩ mekĩ pesariama shumu ia hui ũpash bana kini anu butukaĩ hawẽ shumuki ũpash matawatã mapekeaya

Gênesis 24:28

Rebecã haskai nĩkabaini kushikaĩ hawẽ ewã hiwetã kashũ ũpash biti anu ka ha hunĩ haska washu dasibi hatu yui keyua

Gênesis 24:53

hawẽ inãkuĩ mabu apashũ prata mane mabu hushupa inũ, ouro mane txashahaira mabu inũ, tari pepa kaĩmashũ Rebeca inãtã mabu betsa pepa hawẽruari hawẽ pui Labão inũ hawẽ ewa inãriatã

Gênesis 24:55

hawẽ pui inũ hawẽ ewã yuikĩ: —Txipash nũ manushanai ana 10 shaba niti ishũ nuku uĩmayukãwẽ. Hati binuaya txipash mĩ iyutiruki— akabu

1 Reis 12:15

Siló anu Deusũ hãtxa yuishunika Aías Senhor Deusũ hãtxamakĩ haska bebũkiri Nebatẽ huni bake Jeroboão yubaimawẽ taea shanẽ ibuhaira Roboão haska Senhor Deusũ shinaĩma keska hau inũ Israelĩ enabu danãmaya hatũ hãtxa Roboãonẽ hawa nĩkamakẽ

1 Reis 12:24

“Senhor Deusũ matu yunuikiki. Matũ betsabu Israelbuberã, ana hatube detenameyamakãwẽ. Haska shinãkĩ ẽ matu pashkaimawẽ taea matũ mae tibi anu txĩtũbaĩkãwẽ”, akĩ hatu ea yuishũtãwẽ— aka Semaías kashũ ha detenamenikabu hatũ shanẽ ibubube Senhor Deusũ hãtxa hatu yui keyua haska Senhor Deusũ ma hatu yunua nĩkatã Roboão henebaini Senhor Deusũ hãtxa ikũwaĩ hatũ mae tibi txĩtuaĩbũ

Mateus 21:42

Jesusũ ana hatu yuikĩ: —Deusũ hãtxa kenenibu yuikĩ mã uĩsmamẽ? Matu ana yusĩnũ nĩkakãwẽ: ‘Hiwe wanikabũ mixki danãbiaibũ habias mixki Deusũ bishũ deshũ makeresh wakĩ hawẽ kene mestẽwã keska wakĩ nuku uĩmakĩ: Habaa! imakĩ nuku harakiri xinãtima washanikiki’, ashũ keneniki.

Marcos 12:11

nuku uĩmakĩ “habaa”! imakĩ nuku harakiri xinãtima washanikiki’, hatu waya

Hechos 11:17

Hanushũ nukũ Shanẽ Ibu Jesus Cristo nũ ikũwãyã hawẽ kuxipa nuku inãyama keska wakĩ ha nawabũri ikũwaĩbu Deusũ habiaskari waya eã haska washũ Deus ẽ nematiruma ixiãki— hatu wa