Gênesis 24:26 - Kaxinawá Bíblia (BR)

^26-27 hawẽ beya txibaĩ dãti iki beti ishũ Senhor Deus kẽwãkĩ yuikĩ: —Senhor Deus pepa duapahaira ẽ tsuma Abraão mĩ hawẽ mekenika Deuski. Mia besti habe duawanamei mĩ habe putanameismaki. Ẽ tsumapã ea yunushina keska ea mekebirãkĩ ma hawenabu anu mĩ ea bitxishuki— akaya

Gênesis 24:26 Referencias Cruzadas

Gênesis 22:5

hawẽ tsuma dabe bashikĩ hatu yuikĩ: —Nenu jumentobe tsaushũ nuku manayukãwẽ, nuku dabes kashũ Deus kẽwãtã nũ ana txĩtũkiranairã— hatu watã

Gênesis 24:25

Camelo piti basi itxapa inũ ushati dĩtu itxapa nũ hayaki— aka

Gênesis 24:48

hanua dãti iki beutã yuikĩ: “Ẽ tsumapã merabenã Deus kẽwãkĩ yuikĩ: ‘Enabu anu txipash aĩbu hawẽ bake Isaque ẽ ishuniyuaya ea merabewakĩ pe iwekĩ Senhor Deusũ mĩ ea merabewashuki’ ”, ẽ ikirãshuki.

Gênesis 24:52

hatũ hãtxa nĩkatã Abraão tsumapã hawẽ beya txibaĩ beti ishũ Senhor Deus kẽwãtã benishũ

Neemias 8:6

hanushũ mekenika Senhor Deus kushipa dasibi binu keyuatũ hãtxa itxapawẽ Esdrasĩ kẽwãkubainaya nĩkai dasibibũ mekẽ meshaĩ keyushũ kemakĩ yuikĩ: “Habiaskaki! Habiaskaki!” iki keyutã dasibu dãti iki maiki beti ishũ Senhor Deus kẽwãtã benitã nĩkai tsauabũ Esdrasĩ hui kushipawẽ unãshubira hatu yuishũkubainaya

Salmos 22:29

Dasibi shanẽ ibu kushipabu hatũ hamapai mirima haya hawẽ hiwekanikiki. Hakia dasibibu mawai ana mai mishpushanaibuwẽ taeshũ dasibibũ dãti ishũ hau Senhor Deus besti kẽwãshanũbũwẽ, habu ibubis hiwea hayatirubumakirã.

Êxodo 12:27

eska hatu yuiwe: ‘Egito nawabu kupikĩ hatũ huni bake iyuabu Senhor Deusũ hatu tenãkĩ Israelĩ bababũ hiwe tibi dũkeakeakebaĩkĩ nukũ shenipabu meribi waniwẽ taeshũ himiwẽ pushakĩ nukũ mekenika yushĩ Senhor Deus nũ kẽwãmiski’, akĩ na habias hãtxa ẽ matu yuishu matunabu yuiritãkãwẽ”, akĩ Moisĩ hatu yuia bushũ hatunabu itxawashũ shanẽ ibu tibitũ hatu yui keyuabu nĩkatã Israelĩ enabu dasibi Senhor Deus kẽwanũ ika beui beti iki keyushũ kẽwãtã

Êxodo 34:8

haskai nĩkatã Moisés hawaira maĩ di itã beushũ Senhor Deus kẽwãkĩ

Êxodo 4:31

ha dami hatu haska washuna hawenabũ uĩ txanima ikũwãkĩ Egito nawabũ hatu itxakawamisbu Senhor Deusũ uĩmis unãtã Israelĩ enabu dãti itã beti ishũ Senhor Deus kẽwanibukiaki.

Miquéias 6:6

Senhor Deus daewanũ ishũ eska mã shinãmisbuki. Daewakĩ Senhor Deus manaũri hiwea kẽwãkĩ hawa pepa ẽ inãkuĩtirumẽ? Ina awa bene ano bestitxaiya tesẽtã hawẽ nami inũ hawẽ sheni Senhor Deus kẽwãkĩ hau ea kuashunũbũ, iwanã, nukunabu Deusbe hãtxashunikabu yunukĩ ẽ daewatirumẽ? ishũ mã haska shinãmismẽ?

Filipenses 2:10

hau ha Jesusũ kena nĩkatã dasibibu nai anua inũ, mai anua inũ, hanushũ mawabũ yushĩ manamisbu anushũ habũ kẽwaĩ dãti itã

Juízes 7:15

haska namakirã bestẽtã hawẽ nama hawẽ haibu yuiai nĩkatã Gideãonẽ Senhor Deus kẽwãtã hawenabu Israelĩ enabu anu txĩtũkaĩ hatu yunukĩ yuikĩ: “Midiã nawabu dasibi Senhor Deusũ nuku hatu maemamaikiki. Ibaunãkãwẽ!” hatu watã

1 Samuel 1:28

Haskawẽ taeshũ ẽ Senhor Deusbe yubakani meribi hawena ma ẽ inãkĩ nitxĩshuniyuaki, hau hawẽ hiwea hirabiwẽri Senhor Deus dayashũkũkaĩshanunã. Miã yume washũkĩ dayamashũkubaĩshãwẽ— aka nĩkatã benimai ibu wai Eli Senhor Deus bebũ maĩ beti ishũ kẽwanikiaki.