Gênesis 21:9 - Kaxinawá Bíblia (BR)

⁹ hawẽ aĩ betsa Egito nawa Agarĩ bake Ismael haki beparamekĩ dayuikĩ Isaque itxaya hawẽ ibu Sarã uĩshũ

Gênesis 21:9 Referencias Cruzadas

Gênesis 16:1

Canaã anua 10 ano ka hiwebiashũ Abrão bake wanũ, iwanã, hawẽ aĩ kayabi Sarai txutabiakubaina Sarai bakeumakũkaĩkĩ shinã betsa watã hawẽ bene yuikĩ: —Uĩwẽ. Mĩ ea bake wabiapanã Senhor Deusũ ea bake bimama ea nemamiski. Haskawẽ taeshũ ẽ shinaĩ ẽ mia yuiaii. Ẽ dayaru escrava Egito nawa hayaki. Agar bishũ ha txutakĩ ea haki bakewashũwẽ. Peiwẽ Agar ẽ dayaru tsuma ẽ waniwẽ taeshũ hatũ bake bibia ena ishanikiki, hakia ẽ huni bake hayatirumẽkainã— aka hawẽ bene Abrão hawẽ aĩ Sarai hãtxa nĩkakĩ: —Peki. Haska mĩ ea yunuai ẽ mia ashũtiruki— ikaya Sarai hawẽ dayaru escrava Agar hawẽ bene Abrão yunuaiwẽ taeshũ

Gênesis 16:15

Hanua Agar pashashina txĩtũkirã hawẽ tsuma Sarai anua hawẽ huni bake kaiã Abrão 86 bariyatũ kenakĩ: “Ismaelki” anikiaki.

Gênesis 17:20

Ismaelkiri mĩ ea yuiai ẽ nĩkashurã, uĩwẽ. Ismaelrã, ẽ tari duawariashanaii. Hawenabũ bakebu hatu pawakĩ itxapahaira hatu wariakĩ 12 shanẽ ibubu kushipa iriashãkanikiki, hawẽ taea hawenabu itxapa kushipa tari hayariairã.

Gênesis 21:8

Hanua ha hawẽ bake Isaque ewaya hawẽ beya txibãkĩ txutxu henemakĩ taewakẽ habiatiãri Abraão hawenabu piti itxapa washũ hatu pimakĩ benimawaya

Jó 30:1

Na haska betsa betsapa ẽ teneayarã, ikis huni berunã eki kashetã ea usãkanikiki. Na habu eki kasheaibũ ibubu txikishbuwẽ taeshũ uatiã ẽ hatu danãkubainiki, kamã keskabuwẽ taeshũ ẽ txashuwã mirima hau ea mekeshũyamanũbunã.

Salmos 22:6

Hakia earã, ẽ huni hawamahaira ẽ shena keska bestiki. Yurabũ ea usaĩburã, tsuãra ea uĩ eki kashekanikiki.

Salmos 42:10

Habu eki sinataibũ ea itxakahairawabu tenei ẽ shau dikabis ea isĩ tenemakĩ hora tibi habu eki sinataibũ hawẽtsaĩs ea bikawakĩ yukamisbuki: ‘Hanimẽ, mĩ mekenika Deusrã?’ ” akinã.

Provérbios 20:11

Berunã hawẽ akawẽ haska hiwekũkainai uĩkĩ pepa kasmai txakabu unãtirubuki.

Provérbios 22:10

Ẽhẽ iki yura betsabuki kashemisbu mae anua tsuãra mã hatu nitxĩshuna ha habe ha iki yupukunãmisbu maĩshãkanikiki, ana hãtxawẽ tsua detenameabumarã.

Gálatas 4:22

Hakia Moisés keneni uĩkĩ ha Abraãonẽ huni bake Ismael inũ Isaquekiri nũ uĩmis matu yuinũ nĩkairakãwẽ. Abraãonẽ aĩ Sara hau dayashũkũkaĩnũ peiwẽ Agar bikĩ hawẽ dayaru escravo wabianishũ hanubi aĩwãriatã haki Abraãonẽ bakewa hawẽ bake Ismael hawẽ yubakati hayama kaĩnikiaki. Hakia Abraãonẽ hawẽ aĩ Sara peiwẽ biama aĩ kayabi wani Deusũ merabewaya Sara yushabuhairabiakẽ hawẽ bake Isaque haki bakewaima kaĩrianikiaki, haska Deusũ Abraão bebũkiri yubani meneirã.

Gálatas 4:29

Hakia hawẽ escravõ bakẽ Deusũ yubakĩ bake inãni Isaque Ismaelĩ itxakawani keska wakĩ natiãri Deusũ Yushĩ Pepatũ daya nũ akai Moisés yusĩa bemakis txibaĩbũ nukuki sinatakĩ nuku ibu wakĩ escravo wanũ, iwanã, nuku itxakawariakanikiki.

Hebreus 11:36

Ha inũ, betsabũ Deusũ hãtxa ikũwãmisbu nuitapawakĩ hatu kashewakĩ betsabu kuxa kuxa akĩ betsabu mane dispiwẽ neshatã hatu bitximapaunibukiaki.