Gênesis 21:22 - Kaxinawá Bíblia (BR)

²² Habiatiãri Gerar nawa shanẽ ibu Abimeleque hawẽ detenamenikabu shanẽ ibu betsa Ficolbe Abraão anu hushũ yuikĩ: —Mĩ Deusũ haibuki. Dasibi mĩ akai Deusũ mia merabewakubaĩmiski.

Gênesis 21:22 Referencias Cruzadas

Gênesis 20:14

haska yuikĩ Abimeleque inũ Abraão habũ kaneshina daenamei petã hawẽ aĩ Sara ana yunutã hanushũ Abimeleque hawẽ txashuwã inũ, ina awa inũ, hawẽ escravo dayarubu huni inũ aĩbu inãkuĩtã ibu wamakĩ

Gênesis 20:17

Abimeleque Abraão aĩ Sara bikẽ hawẽ taeshũ hawẽ aĩ inũ hawẽ hiwe anu dayamisbu txutanamebiabu hau ana bake biyamayunũbũ Deusũ hatu beshteimakẽ hanushũ Abimeleque Abraão hawẽ aĩ ana inãkẽ Abraão Deus yukashũkĩ yuikĩ: —Deusuũ, Abimeleque inũ hawẽ aĩ inũ hawẽ hiwe anu dayamisbu hatu shusha wakĩ ana hatu bake bimashãwẽ— akĩ yukashuna samama hatu shusha wakĩ ana hatũ bake nãti pewanikiaki.

Gênesis 20:2

habiatiãri hawẽ aĩ Sarakiri hatu parãkĩ hatu yuibaũkĩ: —Ẽ puiki— hatu wa hawẽ aĩ yushabubia Sara hawẽruahairakẽ aĩwãkatsi ikĩ Gerar nawa shanẽ ibu Abimeleque hawẽ tsumabu Sara hatu iwematã meriama

Gênesis 26:26

Hanua betsatiã Abimeleque Isaquebe hãtxanũ ika Gerar anua huai hawẽ haibu Ausate inũ, hawẽ detenamenikabu shanẽ ibu Ficol hatu iyua

Gênesis 26:28

habũri Isaque kemakĩ: —Miarã, Senhor Deusũ duawakĩ mia merabewakubainai nũ uĩmiski. Mia shinaĩ yuinamei yubakai: “Isaquebe yubakai kanãwẽ, nũ habe haibunameshanunã”, ishiã nũ hushuki, eskakiri yubakairã. Nukuki sinatakĩ mã nuku txakabuwama inũ nukũri matu ana bikawamarã, nũ haskakiri yukatiruki. Mĩ nuku anu hiwea mia duawakĩ nũ mia hawa wama unanuma nitxĩmaki. Natiã Senhor Deusũ mia duawakĩ heneama nũ uĩriaii— akabu

Gênesis 28:15

Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

Gênesis 30:27

nĩkatã Labão kemakĩ nemakĩ: —Miwẽ taeshũ Senhor Deusũ ea duawai ẽ uĩmiski. Mĩ ea betxipaikĩ ea ana dayashũkĩ haska mĩ ea yukai keska ẽ mia pakakĩ ashũshanaii— aka

Gênesis 31:5

hatu yuikĩ: —Matũ epã ea pewama ẽ uĩkubainaii. Ha dukũ eki benimaniki. Natiã ikis eki sinatai ẽ uiaiĩ. Hakia ẽ epã mekenika Deusũ ea merabewakubainikiki. Matu berubi dayashũtxakayamakĩ matũ epa ẽ duawakubaĩmiski. Hakia matũ epã ea itxakawakĩ ea pakakĩ bestikima maewa akeakekĩ ea parãkatsi ikaya Deusũ nemamiski. Labãonẽ ea yuikĩ: “Txashuwã bake keneya minaki”, ea wabianikẽ yushã dasibi keneya tashnikunainaibu hanua shinã betsa watã Labãonẽ ana ea yuikĩ: “Txashuwã bake shiwaya minaki”, ea wariaya yushã dasibi shiwaya tashniriakubainikiki. Haska wakĩ Deusũ matũ epã inabu ea mebĩmakĩ ea inãkubainikiki. Daka ẽ usha namaya txashuwã txutanameaibu ẽ uiãyã txashuwã bene shiwaya inũ keneya inũ meshupa bestibũ yushã txutaibũ Deusũ nai tsumã ea yuikĩ: “Jacóõ”, ea aka: “Ẽ nenuki”, ẽ wa: “Uiã, dasibi Labãonẽ mia itxakawai ẽ uĩmiski. Haskawẽ taeshũ bene shiwaya inũ keneya inũ meshupa bestibu ẽ bake bimakubainaii. Betel anushũ haska Deusũ ẽ mia yuini ẽ eaki. Habianushũri mishki unãti wakĩ benitã sheniwẽ dashu atã hanua mĩ ebe yubakaniki. Haskawẽ taea benitã na mae anua pashariwe. Haria mĩ kaini anu inũ kariwe”, ea wakĩ haska Deusũ ea yuishinaki— hatu wa

Isaías 45:14

Senhor Deusũ Israelbu yuikĩ: “Egito anua dayakapabu inũ, Etiópia anua mabu inananãmisbu inũ, Sabá anua ha yura keyatapabu habũ matu kẽwaĩ matũ tsumai escravo ishãkanikiki. Mane dispi txiwetameyawẽ neshea matu txipi mapua matu bebũ dãti itã kẽwãkĩ matu yuikĩ: ‘Txanima kayabi matuna besti Deus kayabi matu anuki. Ha bestihairaki, Deus betsa hayamarã’, ikaibũ”,

Isaías 8:10

Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Romanos 8:31

Haskakẽ Deusũ haska xarabu nuku ashuniwẽ taeshũ haratubũra txakabuwakĩ nuku tenemaibu habu hawauma keskabuki, Deus kuxipahairatũ nuku mekekĩ binuhairawẽ taearã.

1 Coríntios 14:25

Hatũ xinã txakabu hunea shabakabi wamakĩ Deusũ hatu unãmaya ana hawawẽ haskatima datei Deus kẽwãnũ ika dãti iki beutã yuikĩ: “Txanima Deus matuki dasia hiweaki”, ishãkanikiki.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Josué 3:7

hanushũ Senhor Deusũ Josué ana yuikĩ: “Minabu ẽ mia hatu kayati wamakĩ na habiatiã ẽ taewaii. Unuri mĩ shanẽ ibu kushipai ẽ mia ewawamabaĩkĩ hatu uĩmakubaĩshanaii. Haska ẽ Moisés merabewakubiranima keska wakĩ minabũ berubiri shanẽ ibu kushipa wakĩ mibe nishũ ẽ mia merabewakubaĩshanaii.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.

1 Samuel 24:22

haska wa Davĩ Saul yuba nĩkabaini Saul hawẽ hiwe hawẽruahairakiri txĩtũkainaya Davi inũ hawẽ tsumabu mishki mananã huneti kushipa anu buaibũ

1 Samuel 3:19

Senhor Deusũ merabewa Samuel yumekũkaini huni ewakũkaĩkĩ haska Senhor Deus yubakani hãtxa hawa betsa heneama Samuelĩ ashũkubainaiwẽ taeshũ