Gênesis 20:17 - Kaxinawá Bíblia (BR)

^17-18 Abimeleque Abraão aĩ Sara bikẽ hawẽ taeshũ hawẽ aĩ inũ hawẽ hiwe anu dayamisbu txutanamebiabu hau ana bake biyamayunũbũ Deusũ hatu beshteimakẽ hanushũ Abimeleque Abraão hawẽ aĩ ana inãkẽ Abraão Deus yukashũkĩ yuikĩ: —Deusuũ, Abimeleque inũ hawẽ aĩ inũ hawẽ hiwe anu dayamisbu hatu shusha wakĩ ana hatu bake bimashãwẽ— akĩ yukashuna samama hatu shusha wakĩ ana hatũ bake nãti pewanikiaki.

Gênesis 20:17 Referencias Cruzadas

Gênesis 12:17

Hakia Saraiwẽ taeshũ Egito nawa shanẽ ibuhaira inũ hawenabus Senhor Deusũ isĩ txakabu paepa hatu tenemaya shanẽ ibuhaira Faraó hatu yukabaũkĩ Sarai hawẽ aĩkiri tapĩtã

Gênesis 20:7

Haskakẽ ha hawẽ aĩ Abraão ana nitxĩshũwẽ. Abraão ẽ hãtxa ea yuishunikawẽ taeshũ Abraão ebe mia hãtxashunaya mĩ hiwea mĩ mekeshanaii. Hakia mĩ nitxĩshunamarã, mĩ mawashanaii, minabus inũ miarã— aka

Gênesis 29:31

Jacó hawẽ aĩ Léia danãbiakĩ mekubainaya Senhor Deusũ uĩkĩ Léia merabewakĩ bake bimakĩ hakia Raquel hau bake biamayunũ Jacó txutabiakubainaya bakeuma wakĩ nemayukubainikiaki.

Esdras 6:10

Mã hatu inãkubaina Deus haska washũkĩ ẽ shanẽ ibuhaira hiweakiri inũ ẽ huni bakebu hiweakiri hau Deus habũ ea yukashũkubainũbũwẽ.

Jó 42:8

Haskawẽ taeshũ na habiatiã 7 ina awa bene inũ 7 txashuwã bene katushũ ẽ tsuma Jó anu butãkãwẽ. Mã ha bushuã Jó ea daewakĩ matũ inabu tesẽshũ txiwẽ matũ ina hirabi matu kuakĩ keyushũtã Jó matu merabewakĩ ea matu yukashunaya ẽ matu itxakawama ishanaii. Ẽ tsuma Jó hãtxa txanima yuishina keska wama haska mã betxipaiai keska mã ekiri hãtxa txakabubiashĩkẽ ẽ matu kupiama ishanaii”, aka

Provérbios 15:29

Huni txakabubu Senhor Deusbe hãtxakĩ yukabiabu hawa hatu kemakĩ nĩkaismaki. Hakia huni pepabu Senhor Deusbe hãtxakĩ yukaibu hatũ hãtxa hatu nĩkakubaĩmiski.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Isaías 45:11

Israelĩ Senhor Deus meribi hatũ Israel hawena hatu wanitũ tsuara yuikĩ: “Haska ẽ bakebu ẽ hatu wamis mã ea unãti watirumẽ? Haska hamapai tibi ẽ amis ea merabewakĩ shinã betsa mã ea yusĩtirumẽ?

Números 12:13

hawẽ hãtxa nĩkatã Moisĩ Senhor Deus hatu yukashũkĩ: “Ẽ mekenika Deusuũ, ana haska wama mĩ kupishu henetã ea shushawashũwẽ”, aka

Números 21:7

hatiri isĩ tenei Moisés anu itxashũ yuikĩ: —Senhor Deus inũ mia itxai nũ kanehairashinaki. Dunu hau nitxinũ Senhor Deus nuku yuishũwẽ— akabu Moisĩ hatu yukashuna

Mateus 21:22

Ha inũ, Deusũ kuxipa unaĩ xinã dabeyama habe hãtxakĩ yukakubaĩkãwẽ. Mã haska wai matu merabewashanikiki— nuku abaini

Mateus 7:7

ana hatu yuikĩ: —Haska inũ, betsarã, tsuãra Deus yukakĩ ea akarã, hawẽ hawara inãmiski. Tsuãra hawara benakĩ Deus yukarã, haki nukumamiski. Tsuãra hawara bi hikinũ ishũ Deus kenarã, bepẽshũmiski. Haskakẽ xinãtxakama Deus ea akarã, betsaki. Hawara mĩ yuka mia ashũtiruki. Benakĩ hawara mĩ yuka mia betximashanikiki. Hawara bi habe hãtxanũ ishũ mĩ kena mia bepẽshũshanikiki.

Hechos 3:24

Moisés besti haska hakiri txaniama hakia hawẽ hãtxa yuishunika tibi Deusũ hatu yuimakĩ Samuelwẽ taewakĩ haska Deusũ hawẽ bake yunushanaikiri yusĩ haburi txanikubainibuki.

Filipenses 4:6

Haska inũ, ana hamapaiwẽ dabanã iyamakãwẽ. Hakia Deusbe hãtxakĩ yukai inũ kẽwaĩnã, mĩ hamapai hakiri shabakabi yui txanikubaĩkãwẽ. Hanushũ Deusũ matu nĩkashũ ashũkẽ hawẽ duapa kẽwãkubaĩkãwẽ.

1 Tesalonicenses 5:25

Ẽ betsabu inũ ẽ puibuũ, hau nukuri merabewanũ nuku hakimama Deus nuku yukashũkubaĩkãwẽ.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.