Gênesis 20:16 - Kaxinawá Bíblia (BR)

¹⁶ hanushũ Sarari yuikĩ: —Uiã. Ẽ miwẽ taeshũ 1.000 prata pei heshe karuhaira mĩ pui ẽ ma inãki. Haskawẽ taeshũ ẽ hatu uĩmairã, ẽ pepaki, ẽ mia hawa meama ishianã. Ha dikabi mibe mapumisbũ ha peiwẽ unãtirubuki. Miari mĩ ebe hawa txakabuwama ishianã, mikiri hawa txakabu yuikĩ mia yuãma ishãkanikiki— anikiaki.

Gênesis 20:16 Referencias Cruzadas

Gênesis 20:17

Abimeleque Abraão aĩ Sara bikẽ hawẽ taeshũ hawẽ aĩ inũ hawẽ hiwe anu dayamisbu txutanamebiabu hau ana bake biyamayunũbũ Deusũ hatu beshteimakẽ hanushũ Abimeleque Abraão hawẽ aĩ ana inãkẽ Abraão Deus yukashũkĩ yuikĩ: —Deusuũ, Abimeleque inũ hawẽ aĩ inũ hawẽ hiwe anu dayamisbu hatu shusha wakĩ ana hatu bake bimashãwẽ— akĩ yukashuna samama hatu shusha wakĩ ana hatũ bake nãti pewanikiaki.

Gênesis 26:11

Abimeleque hawenabu dasibi hatu unãmakĩ yuikĩ: —Tsuãra na huni Isaque inũ hawẽ aĩ bikawakĩ txakabuwaya ẽ hatu tenãmashanaii, kupishũkinã— hatu anikiaki.

Provérbios 12:1

Tsuãra nemati betxipaikĩ txibainã, habiawẽri unanepati hãtxa betxipairiaikiki. Hakia tsuara nemakĩ yusĩbiabu danãmisburã, unaĩsmapa bestiki.

Jonas 1:6

hanushũ shashu bunikabũ shanẽ ibu Jonas anu kashũ bestẽwãtã yuikĩ: —Miarã, haskai mĩ hanu hua dakamẽ, ushabuũ? Benitã hau nuku merabewakĩ mekenũ mĩ mekenika yushĩ nuku yukashũwẽ. Nukuwẽ nuitirumẽkaĩ, nũ hasayamanunã— aka

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.