Gênesis 2:24 - Kaxinawá Bíblia (BR)

²⁴ Haskawẽ taea hunĩ hawẽ ibubu dapashkabaĩ aĩyainã, hawẽ aĩbe hiwei yura bestitxai keskati waniki.

Gênesis 2:24 Referencias Cruzadas

Gênesis 4:19

Ha Lamequẽ aĩbu dabe aĩwã hatũ kena Ada inũ Zilá inikiaki.

Provérbios 12:4

Aĩbu unanepa pepatũ hawẽ bene duawakĩ shanẽ ibuhaira keska wa hawẽ taea kẽtiruki. Hakia hawẽ aĩ txakabutũ hawẽ bene duawakĩ merabewama hawẽ hiwea txakabuwamakĩ nuitapawamiski, ana hatu shinãtima wamakinã.

Provérbios 31:10

Aĩbu duapa pepa bikatsi benabaunarã, bikahairaki. Hawaira hania mĩ betxitirumaki. Ha aĩbu pepa haska mĩ betxitirurã, hamapai dauti kushipa hawẽrua karuhaira binuhairaki.

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

Romanos 7:2

Haska aĩbu beneyakiri miyuiwẽ matu shabakabi yusĩnũ nĩkakãwẽ. Deusũ nuku yunukinã: “Tsuabura beneyabu hawẽ bene hiweyukẽ hau habe besti hiweyukubainũbũwẽ”, nuku waniki. Haskakẽ ma hawẽ bene mawakẽ aĩbu ana tsuã tsumamakẽ bene betsa hayakatsis iki beneyatiruki, Deusũ ana nemamarã.

Deuteronômio 4:4

Hakia matũ mekenika Senhor Deus dasibibũ hawẽ hãtxa mã txibaĩburã, natiã mã hiweyuabuki.

1 Timóteo 5:14

Ikũwãbumã hau nukuki kasheyamanũbũ aĩbu beneyabiaima ma hawẽ bene mawa kasmai henebainima yushaburiabumarã, hau ana beneyakubainũbũwẽ. Haskatã bake bitã hatũ hiwe meranua pe dayakĩ hau hatu duawakubainũbũwẽ.

Josué 23:8

Haska mã akubainai keska wakĩ matũ mekenika Senhor Deus heneyamapakeshãkãwẽ, matu bebũkiri nawa betsa betsapa kushipayabu nitxĩshuniwẽ taeshunã. Ha inũ, matu merabewaya tsuabũra matu nematirubuma iniki.