Gênesis 2:1 - Kaxinawá Bíblia (BR)

^1-3 Haska dayakĩ nai inũ, mai inũ, hiweabu dasibi damiwakĩ keyutã hawẽ dami daya menetã ana damiwama 7 dia shaba keyutã Deus huĩrukunikiaki. Haskawẽ taeshũ Deusũ hawẽ henea 7 dia shaba hawena wakĩ meribi wanikiaki, huĩrukũti wakinã.

Gênesis 2:1 Referencias Cruzadas

Gênesis 1:1

Deusũ nai inũ mai dami wakĩ eska wakĩ taewanikiaki.

Gênesis 1:10

mai metu yẽkẽ dakakẽ Deusũ ha kenakĩ: “Maiki”, ashũ heneri itxa Deusũ kenakĩ: “Henewãki”, ashũ uiã pekẽ

Gênesis 2:4

Nai inũ mai hirabi Deus, hawẽ kena kayabi Senhor Deusuũ, hatũ damiwakẽ eskakubainibukiaki. Habũ bai uruti huni hayariamakẽ mai anu Deusũ ui imariamawẽ taea piti yunubu beneriamakẽ

2 Reis 19:15

“Israelĩ enabu mekenika Senhor Deusuũ, mĩ hatube yubakani hãtxa aruti bau mamaki querubin dabe tsaua anu hatu mamaki shanẽ ibu mĩ tsauaki. Nai inũ mai hirabi mĩ dami waniwẽ taea mai hirabi anu shanẽ ibu tibitũ enabu dasibi miã besti mĩ hatu yunumis mekenika Deuski, Deus betsa hayamarã.

Salmos 33:6

Senhor Deusũ hawẽ hãtxa bestiwẽ yunukĩ nai damiwaniki. Habias hawẽ hãtxawẽri shũ akĩ bari inũ ushe inũ bishi damiwaniki.

Salmos 33:9

Hawẽ hãtxawẽ Deusũ yunua dasibi dami kaĩ keyuniki. Damiwakĩ hanakĩ yunuakeakea nĩkatã hanu ikibi iki mestenibuki.

Isaías 42:5

Ha Senhor Deusũ nai hirabi dami wakĩ kaĩmani inũ, mai dami wakĩ tashnimani anu haki hamapai benemisbu inũ, yurabu haki hiweabu hiwea hatu inãkĩ hatu huĩsinamamistũ hawẽ tsuma yuikĩ:

Isaías 45:12

Eã ẽ aniki, mai inũ yurabu dami wakinã. Ẽ mekẽwẽ nai hirabi hatishũ kesũtã hanushũ ẽ yunua dasibi habu txashatirubu tashni keyunibuki.

Isaías 45:18

Nai dami wanika Senhor Deusũnã, mai dami wakĩ tashnimaniki. Haska watã mestẽwaniki. Hatũ mai dami watanã, hau shaka bestiyamanũ yurabu dami wariatã hiwemakĩ yuikĩ: “Ea besti ẽ Senhor Deuski, betsa hayamarã.

Isaías 65:17

“Mã ea haska wabiaibũ ẽ matu ashũshanai nĩkakãwẽ. Nai inũ mai ẽ ana bena washanaii. Habu dukũ dasibi ẽ hatu dami wani hakimashãkanikiki, tsuã ana habukiri shinãmarã.

Lucas 2:13

hakimamari nai tsuma mirimahaira damibirã habetã Deus kẽwaĩ nawakĩ yuikĩ:

Hechos 4:24

haska hatu wakãshukiri nĩkatã dasibibũ Deus kẽwãkĩ yukakĩ: —Nukũ Epa Deusuũ, nai inũ, mai inũ iãnẽwã, inũ dasibi hanu hiweabu mĩ damiwani nũ unaiĩ.

Hechos 7:42

Haskaibuwẽ taea Deus Israelbuki sinatakĩ nai anua bixi besti hau kẽwãnũbũ ha hatuwẽ nuiai beshtenibukiaki. Haskakubiranibukiri hawẽ hãtxa yuishunika Amós Deusũ hãtxamakĩ yuima: ‘Israelbuũ, hanu tsua hiweabuma anu 40 ano hiweshũ ina awa inũ txashuwã bake deteshũ kua keyubiakĩ earã, ea kẽwãkĩ mã hawa ea inãkĩ ea kẽwãma ikubiranibuki.

Deuteronômio 4:19

Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.

Hebreus 4:3

Tsuabũra nũ ikũwaĩbu Deusũ huĩrukũti pepa anu nũ hikitirubuki. Hakia tsuabura nukubetã ikũwãbumarã, hawa hikitirubumahairaki. “Ẽ hatuki sinataiwẽ taea hanu ẽ huĩrukũti pepa ẽ hatu yubabiani anu hau hikiyamashanũbũwẽ”, ika Deus yubakakĩ yuini xinãkãwẽ. Deus haska yubakabiani mai hirabi damiwatanã, huĩrukũti pepa ma pewani hayaki, hanu ikũwaĩbu nũ hikitiruburã.