Gênesis 19:1 - Kaxinawá Bíblia (BR)

¹ Ma bari kaya hanu hikiti bai sheshakã hanu itxamisbu hemaĩtĩ anu Ló tsaushũ uiãyã nai tsuma dabe Sodoma mae anu kemai beaibu hatu betxitã hatu ikai hatuki nukui benikaĩ hawẽ beyawẽ taea hatu bebũ dãti itã beti ishũ

Gênesis 19:1 Referencias Cruzadas

Gênesis 11:27

Tera huni bakebu hati ipaunibukiaki, Abrão inũ, Naor inũ, Harãnã. Harãnẽ huni bake bawaima kaiã kenakĩ: “Lóki”, ani hanua hawẽ epa Tera mawariamakẽ Caldéia mai pakea anua hawẽ mae Ur anua habia kaini anuari ha dukũ Harã mawanikiaki.

Gênesis 13:12

Canaã mae anu mananã Abrão hiwea Sodoma dapi napãpa anu Ló hawẽ tari hiwe watã hiweyunikiaki.

Gênesis 18:16

Hanua ha hunibu benitã Sodomakiri uĩ bui hariri buaibu hatu uĩmanũ ika Abraão hatube kai bai putxinĩshũ buaibu hatu nitxĩ kaya

Gênesis 18:22

huni dabe besti Sodomakiri buaibũ Senhor Deusũ besuuri Abraão nishũ hatukiri nemakĩ yukakĩ: —Txakabubu inũ pepabu husia mĩ habiati hatu kupi keyushanai? 50 huni pepabu besti Sodoma anu hayatirubuki. Hati pepabu hayabiakẽ dasibi habuya mĩ hatube kupikĩ yama wai kai?

Gênesis 19:10

Ló hawẽ beputi kesha anu nia nai tsuma dabetũ dĩtu merãshũ meshũkaĩ Ló tsumashũ bitxitã shui bepukĩ mestẽwãtã

Gênesis 19:2

hatu yukakĩ: —Mã huai?— hatu wa —Nũ huaii— akabu —Maturã, ẽ matu iyushũ beya wai ẽ hiwe anu beyukãwẽ— hatu wabaĩ —Ha hari ũpash tsaua hawẽ hutxikikãwẽ. Hanua ẽ hiwe anu ushashini bestẽtã penaya ana mã katiruki— hatu wa habũri yuikĩ: —Haskamaki. Hemaĩtĩ anu nũ ushaii— akabu

Gênesis 23:12

hanua Heteu nawabũ nĩkaibũ benitã hawẽ beya txibaĩ beti itã benishũ

Gênesis 48:12

hanushũ hawẽ ibuã hawẽ bakebu shãshui ika José hatu shekakĩ benãta hatu nitxĩtã hãtsiri hawẽ ibu kẽwaĩ hawẽ beya keskawẽ maĩ beti ika ibai benitã

Jó 29:7

Nukũ mae anu hanu shanẽ ibubu itxamisbu hiwe ewapa anu hikia ẽ tsaukẽ

Jó 31:32

ha nawabuwẽ nuikĩ hiwemanu hau ushayamanũbũ hatu mekekĩ ẽ hiwe anu ishũ ẽ hatu ushãmiski.

Salmos 69:12

Nukũ maewã beputi kesha itxa mania tsaubauna ea txitei hãtxamisbuki. Ha inũ, habu paẽtã ekiri kashei kãtamisbuki.

Lucas 17:28

—Haska inũ, habiaskariai Ló hatube hiweriakẽ txakabuwakubaĩmisbu Deusũ hatu kupikĩ yamawani ana matu xinãmanũ nĩkakãwẽ. Habũ pikĩ mabesh akĩ mabu bikĩ mabu inãnanãkĩ bai washũ banakĩ hiwe wakubaini Deuski hawa dateama hiwekubainaibũ

Hebreus 13:2

Haska besti xinãkĩ hamapai pepa hakimama matuki bai beaibu itã hatu duawakĩ pimakubaĩshãkãwẽ. Habiaskari wakĩ ikũwaĩbu betsabũ Deusũ nai tsumabu hawa unãma hatu pimakĩ ushãpaunibukiaki.

Rute 4:1

haskashini txipu Boaz Belém kenekĩ kebẽbaunibu anu hawẽ hikiti shui dapi hanu hunibu itxamisbu anu hikitã tsaua ha hunikiri Rute Boazĩ yuishinai Rutẽ benẽ enabi kayabi hikikiranai Boazĩ betxitã kenakĩ: —Haibũ, huyuwe. Ẽ mibe hãtxa hayaki. Nenu tsauyunuwe— aka hui habe tsauaya