Gênesis 17:8 - Kaxinawá Bíblia (BR)

⁸ Canaã na hanu mĩ ikarã, mai pakea hirabi hanu mĩ hiwearã, habiari mia inũ minabu ẽ hatu ibu wamashanaii, inãkĩ yunukibi yunukinã. Mĩ mawakẽ ẽ hatũ mekenika Deus ipakeshanaii, hatu merabewanũ ikarã— iwanã,

Gênesis 17:8 Referencias Cruzadas

Gênesis 12:7

Senhor Deusũ Abrão nitxiã kashiã yuikĩ: “Na mai pakea hirabi minabu pakubainaibu ibu wamakĩ ẽ hatu inanũbariaii”, aka ma hanu ana haki nukuawẽ taeshũ Abrão Senhor Deus kẽwanũ, iwanã, mishki txi tapu wakĩ mishki itxawakĩ maspu watã hanu txiwẽ kuakĩ txashuwã bake bene pepa teshteshũ himi haba watã hanushũ menukĩ keyukĩ Senhor Deus kẽwanikiaki.

Gênesis 13:15

Ha mai hirabi mĩ uiaĩ inãkĩ ẽ mia ibu wamashanaii, mina inũ minabu paiburã.

Gênesis 13:17

Hanua benia nishũ mai hirabi uĩbaũwẽ, hawẽ hashpa inũ hawẽ txaiparã. Ha mĩ uiainã, ẽ mia ha ibu wamakĩ inãshanaii”, aka

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

Gênesis 35:27

Manre hawẽ kena betsa dabe Quiriate-Arba inũ Hebromrã, hanu Abraão inũ Isaque hiwea mapupaunibu anu Jacó hawẽ epa Isaqueki ana nukutushinikiaki.

Gênesis 37:1

Hanua hanu hawẽ epa Isaque hiweni anuri Jacó hiwerianikiaki, Canaã anurã.

Êxodo 32:13

Shinãwẽ. Miki txiti ikabu Abraão inũ, hawẽ bake Isaque inũ, hawẽ baba Israelĩ mia nĩkapaunibu ha dabe inũ besti ana shinãkubaĩwẽ, hatu hakimamarã. Miã kayabis habu tibi yubakĩ: “Bishiti wakĩ minabu ẽ pahairawakĩ na mai pakea hirabi ẽ hatu yunua ibu wakubaĩshãkanikiki”, hatu wakĩ mĩ kenawẽ mĩ hatu yubaniki. Haska mĩ yubani hakimama mĩ shinã betsa wawe, hatuki sinatakĩ yamawamarã— aka

Êxodo 6:4

Habu ẽ hatube yubakanirã, Canaã mai pakeanu nawa keskai hiwekubaũpaunibu anu ha mai hirabi hawenabubetã hau ibuwashanũbũ ẽ hatube yubakaniki.

Números 27:12

Senhor Deusũ Moisés ana yuikĩ: —Ha Mati Abarim anu mapekewe, ha maiwã Israelĩ enabu hatu inãkatsi ẽ hatu yubani hene kesha betsauri ẽ mia uĩmairã.

Hechos 7:5

hanu hawẽ mae ibubis bitã hanu hiwepaketirumabiakẽ Abraão bebũkiri yubakĩ bakeyariamabiakẽ hau hanu hawẽ bababu hanu hiweshanũbũ hatu inãti hatuki tanamanikiaki, Abraão mawakẽ hawẽ bababu patã ibu wakĩ hau bishanũbũ yubakinã.

Deuteronômio 34:4

Senhor Deusũ Moisés yuikĩ: “Ha maiwã hirabirã, mĩ shenipabu Abraão inũ Isaque inũ Jacó habu tibi yubakĩ: ‘Ha maiwã pakea matunabu pakubainaibu ẽ hatu ibuwamashanaii’, akĩ ha dabe inũ besti ẽ hatu yubaniki. Ha maiwã pakea mĩ beruwẽ mĩ uinũ ẽ mia uĩmaii. Hakia ukeri pukebaini mĩ katirumaki”, akaya

Deuteronômio 4:37

Matũ shenipabu betxipai hatuwẽ nuikũkiraniwẽ taeshũ matunaburi pakubainaibu katutã hawẽ kushipa mẽtsisipahairawẽ mebinanãkĩ Egito anua Senhor Deusũ matu tashnimabiraniki.

Hebreus 9:15

Tsuabura Deusũ hatu katunibu habũ hiwekuĩa ikibi ika bishanaibu Deusũ hatu yubani haska Jesus Cristõ pewanũ ika dasibibu mawashũtã unuri Deuski inũ yurabuki hãtxashunikai dasitã, haskatã Deusũ yuba bena pewakĩ hawẽ taeshũ nukũ txakabu nuku buashuniki, ha dukũ yubani hãtxa txibãma nũ kanei nũ txakabukubaĩmisbu nuku pewairã.

Josué 1:2

“Ẽ tsuma Moisés ma mawashinaki. Hene Jordão miã minabu hatu pukemabaĩshãwẽ. Maiwã pakea ẽ matu ibuwamashanai anu hauri minabu Israelĩ enabu dasibi hatu iyushãwẽ.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.