Gênesis 15:14 - Kaxinawá Bíblia (BR)

¹⁴ Hatu haska waibu uĩtã eãri hatu unãti watã ẽ hatu kupishũshanaii. Habũ hatu itxakawaibu nawabu ẽ hatu kupishunaya minabu kaĩbaini pashashãkanikiki, hatũ mabu itxapa bibaini buirã.

Gênesis 15:14 Referencias Cruzadas

Gênesis 48:21

Hanushũ hawẽ bake José yuikĩ: —Uiã. Ẽ ma matu mawashũkatsis ikaii. Hakia ewẽ dateyamashãkãwẽ. Txanima Deusũ matu merabewapakekĩ ana nukũ shenipabu hiwekubaunibu anu matu txĩtũwãshanikiki.

Gênesis 50:24

Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Salmos 51:4

Hawara txakabu mĩ nemani ha meai mĩ kupiti wani eã ha mei mikiri besti ẽ txakabumiski. Haskawẽ taea kupikĩ mĩ unãti wamisrã, mĩ kaneismahairaki. Mĩ kupiti tsuã binutirumahairaki.

Êxodo 12:29

habiatiãri bebũkiri haska yuia hukĩ yamenapũ Egito nawabũ hiwe tibi anushũ hatũ huni bake iyua tibi Senhor Deusũ hatu tenã akeakebaunaya Faraó shanẽ ibũ huni bake iyua hawẽ shãtukũ shanẽ ibutiru ha dukũ mawai taeaya hanua huni bitxiti hiwe meranuatũri bake iyuabu tibi mawai keyuriaibũ hatũ inabu bene ha dukũ kaiã mawai keyurianibuki.

Êxodo 3:10

Haskawẽ taeshũ enabu Israelĩ enabu Egito anua mĩ hatu kaĩmashanũ Egito shanẽ ibu bena anu ẽ mia nitxĩkĩ yunuyuaki— aka

Deuteronômio 4:20

Senhor Deusũ Egito anua matu mebikinãkirãkĩ matu pashawakinã, hawena wabirãkĩ matu iweniki. Na habiatiã mã hawenabuki.

Josué 24:17

Egito anushũ nukũ ibubu tsumawatã dayahairamakĩ hatu itxakawaibũ nukũ mekenika Senhor Deusũ Egito anua nuku pashawakĩ nenu nukũ ibubube nuku iwekubiraniki. Habiatiãri nukũ berubi hawẽ kushipa pehairawẽ dami betsa betsapa wakĩ nuku e imakubirãkĩ hanu nũ kai anu inũ tsuabura nũ daĩbainai hatu nuku daĩmakĩ nemashũkĩ nuku mekekubiranimaki.

1 Samuel 12:8

Jacó inũ hawẽ bakebu inũ hawẽ bababu Egito anu hikiabu txipu hatu itxakawakubainaibũ hau hatu merabewanũ matũ shenipabu kashakĩ yukaibu Senhor Deusũ Moisés inũ Arão hatu anu yununikiaki. Egito anua ha dabetũ matũ shenipabu iwekubirãkĩ na mai anu matũ shenipabu hatu hiwemanibuki.