Gênesis 14:19 - Kaxinawá Bíblia (BR)

¹⁹ Abrão Melquisedeque pepawakĩ yuikĩ: “Deus dasibi binu keyua hiwea nai inũ mai hirabi damiwanitũ hau mia duawakĩ pepawakubainũwẽ.

Gênesis 14:19 Referencias Cruzadas

Gênesis 47:10

haska yuitã ha bebunua kaĩkaĩkatsi Jacó yuikĩ: —Mĩ shanẽ ibu pehairaki. Kayupa, ẽ mabubu ẽ pewayui kairã?— aka —Haa, mĩ katiruki— aka kaĩkainaya

Gênesis 47:7

hanushũ José hawẽ epari shanẽ ibuhaira Faraó anu iyuriashũ hau unãti wanũ hari uĩmaya Jacó Faraóki mesekĩ kẽwãyã

Gênesis 49:28

Hatibuki, Israelĩ 12 huni bakebu shukua tibi hatũ ibuã habu tibi hau haskanũbarinũbũ hatu hãtxa tibi yuikĩ yunua akeakenirã.

2 Samuel 2:5

nĩkatã benimakĩ hãtxa bumisbu Davĩ yunukĩ: “Eska hãtxa ea hatu yuishũtãwẽ: ‘Matũ shanẽ ibu Saul duawakĩ hawẽ yura pewakĩ mã maiwaimawẽ taeshũ hau Senhor Deusũ hawẽ pepawẽ matu duawakubaĩshanũwẽ.

Salmos 115:15

Senhor Deusũ nai dami wani inũ mai dami wanitunã, hau matu duawakĩ pepawakubainũwẽ!

Salmos 115:16

Nairã, Senhor Deusunaki. Hamẽ mairã, yurabu yununiki.

Salmos 24:1

Senhor Deusũnã, haki hanakatsi mestẽwãkĩ teawakinã, hene itxawakĩ ianẽwãri pewashũ dasibi mai hirabi haki hananiki, hau haska ikũkainũ yunukinã. Haskawẽ taea Senhor Deusrã, mai hirabi hawenaski. dasibi haki haya inũ dasibi hawẽ hiwebaunaburã.

Miquéias 6:6

Senhor Deus daewanũ ishũ eska mã shinãmisbuki. Daewakĩ Senhor Deus manaũri hiwea kẽwãkĩ hawa pepa ẽ inãkuĩtirumẽ? Ina awa bene ano bestitxaiya tesẽtã hawẽ nami inũ hawẽ sheni Senhor Deus kẽwãkĩ hau ea kuashunũbũ, iwanã, nukunabu Deusbe hãtxashunikabu yunukĩ ẽ daewatirumẽ? ishũ mã haska shinãmismẽ?

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Marcos 10:16

hanushũ bake mixtĩbu ikushũ mamepishũ duawakĩ bestibu hatu yuikĩ: —Deus miwẽ nuikĩ mia abuaya unãnuma yumei pekãwẽ— hatu wakeakenikiaki, Jesusunã.

Lucas 10:21

hanushũ Deusũ Yushĩ Pepatũ Jesus benimawakĩ xinã txãkãwã Jesusũ kẽwãkĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— atã

Hechos 16:17

nuku txibãbaĩkĩ metubaĩkĩ mapuabu dasibi unãshubima hui kuxipawẽ hatu yuikĩ: —Ha huniburã, Deus kuxipa dasibi binua hawẽ tsumabũ ha dayashũkanikiki. Hanu kupiaitiã tsuãra matu nemashũtiru hawẽ txanima pashati bai matu unãmakanikiki— akĩ

Efésios 1:3

Nukũ Shanẽ Ibu Jesus Cristõ Epa Deus kẽwãkubainãkãwẽ, Deusũ bake Cristo nũ ikũwaĩbuwẽ taeshũ naiurishũ hawẽ pepawẽ nuku manakukĩ Deusũ hawẽ bakewẽ hamapai tibi pepa nũ uĩaĩ inũ nũ uĩyama hawẽ xinã txãkãmati yushĩ nuku inãkubainaiwẽ taeshunã.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Rute 3:10

Boazĩ kemakĩ yuikĩ: —Senhor Deusũ hau mia duawakĩ pepawashanũwẽ. Mĩ bene ma mawabiaimakẽ mĩ benẽ ewa heneama mĩ aĩbu pepahairaki. Dasibibũ mia uĩkanikiki. Mabuya kasmai, mabuuma nukunabu huni betsa hawẽrua pepari ea keskama berunã duakabi bene wakatsi mĩ hatu benama hakia mĩ ea anu besti hushuki.

1 Samuel 15:13

Gilgal baiwẽ Samuel kai hari Saulki nukua benimakĩ Saulũ yuikĩ: —Senhor Deusũ hau mia pepawakubainũwẽ. Haska Senhor Deusũ ea yunushinarã, ma ẽ meneshũshinaki— abia