Gênesis 14:14 - Kaxinawá Bíblia (BR)

¹⁴ Hanua haska Ló atxiriabaĩshinabu Abrão banabima nĩkatã Abrão hawẽ tsumabũ bake pawaimabu hawenabu keska detenamenikabu hatuki txiti ikaĩ mebikinãtanũ ishũ hau habũ merabewanũ 318 hunibu hatu itxawatã hawẽ haibuaiburi Amorreu nawa detenamenikabu habu dikabi itxawariatã Ló ibukĩ hatũ tae tanabaini bukĩ Dã mae anua hune hatu betxitã

Gênesis 14:14 Referencias Cruzadas

Gênesis 12:16

haska wabaĩkĩ bimabu Saraiwẽ taeshũ Faraónẽ Abrão duawakĩ txashuwã inũ, ina awa inũ, jumento inũ, camelo inũ, aĩbu dayarubu escrava inũ, huni dayarubu escravo inãnikiaki.

Gênesis 13:8

hanushũ hawẽ betsã bake Ló Abrão yuikĩ: “Epaã, mĩ enabi kayabiki. Haskawẽ taea ha ikarã, txakabuki. Haskayamanãwẽ, nukũ ina mekenikabu mina inũ eanabuberã.

Gênesis 14:12

Abrão betsã bake Ló hawenabube hiwea hatu atxiriatã hawẽ mabu inũ hawẽ inabuya hatu buanibukiaki.

Gênesis 14:16

Abrão hunibũ hatu putamatã Ló mabu inũ hawenabu aĩbu inũ huni iyushinabu hatu mebĩkinãtã hanushũ mae dabetunari hatũ mabu inũ hawenabu mebikinãtã ana hatu iwẽnibukiaki.

Gênesis 15:3

ana yuikĩ: —Uĩwẽ. Ẽ aĩ kayabiki mĩ ea huni bake inãmakẽ ẽ tsuma ẽ hiwe anua kainitũ ẽ hamapai dasibi ibu washanikiki, shanẽ ibukinã— aka

Gênesis 17:12

Na habiatiã unuri mã hiwekainaitianã, matũ huni bake kaiã manakĩ ma 8 shaba kakẽ hau hawẽ hina kubitxi meshtekĩ bikubainũbarinũbũwẽ, minabũ bakebu inũ matũ dayarubu escravõ bakeburi habiaskari wakinã. Ha inũ, ikis matũ dayarubu haya inũ txipu nawa betsa anua peiwẽ taeshũ mã bia matũ dayaru escravo haburi hau hawẽ hina kubitxi meshtekĩ biriakubaĩshanũbũwẽ. Hatũ hina kubitxi biaibuwẽ taeshũ haska ẽ mia hatube yubashu minabu ẽ unãti wai shinãriakubaĩshãkanikiki, niti ikamarã. Ẽ mibe haskai hiwekũkaĩshanai hawẽ unãti wati ẽ mia yubashuki.

Gênesis 17:23

habias shabatiã Deusũ Abraão yubashu Ismael inũ, huni dasibi hatube hiwea huni bake kaĩmisbu inũ, peiwẽ hatu bitã hatu escravo wani Abraão hatu itxawashũ hatubetã hatũ hina kubitxi meshtekĩ itxapa hatu bipakenikiaki, haska Deusũ yunushina txibãkinã.

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Provérbios 17:17

Hawẽ haibu kayabitũ hawa heneama betxipaimisbuki. Hawẽ betsa kayabi keska wakĩ hanu bika teneaitiã merabewakubaĩmisbuki.

Deuteronômio 34:1

Hawenabu yusĩkĩ keyutã Moabe nawabũ maiwã pãpa anua kai Mati Nebo anu mapekei ana mati kuburu betsa hawẽ kena Pisga mamaki nishũ habias besusi Jericó uiã anurã, hanushũ Senhor Deusũ Moisés uĩmakĩ hatishũ Gileade enabu inũ Dã enabũ hatũ mai pakebukuã kesua ishanai uĩmakĩ

1 João 2:18

Ẽ bake keskabuũ, ma bari hawẽ henei keyuikiki. Bari hawẽ heneaitiã huni shanẽ ibukĩ Jesus Cristo mebinũ ika haki sinatai haki beparamei hushanai mã nĩkanirã, na habiatiã itxapabu haki sinatai ha keska ma tashniaibu mã uĩaiĩ. Haskawẽ taeshũ ma bari hawẽ henei ma kemai mã unãtirubuki.