Gênesis 11:6 - Kaxinawá Bíblia (BR)

⁶ yuikĩ: “Uiã, dasibi habias yuraburã, hatũ hãtxa habiaski. Ibubis unanepakĩ haska daya taewashũ hamapai sharabu shinãkĩ atirubuki, pepa inũ txakaburã”, iwanã,

Gênesis 11:6 Referencias Cruzadas

Gênesis 11:1

Hanua eskatiã mai hirabi anu pashkariabumahaira yura dasibi hanus hiweabutiã hatũ hãtxa habiãwẽs hãtxapaunibukiaki.

Gênesis 3:22

hanua Deus hamebi yuinamekĩ: —Uiã, hunirã, nuku keskatanã, pepa inũ txakabu unãtã hiwepakemati hi bimi bishũ pitiruki. Haskai huni inũ hawẽ aĩ hiwepakeshãkanikiki, mawamarã— itã

Gênesis 6:5

Senhor Deusũ hatu uĩkĩ: “Mai anu yurabu txakabuhairakĩ hatũ shinã txakabu hawa heneabumahairaki.

Gênesis 8:21

hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

Gênesis 9:19

Noẽ huni bake dabe inũ besti mai anu pakũkaini ana itxai iake iakekubainibukiaki.

1 Reis 18:27

ma bari mananãbikẽ Eliasĩ hatu kashewakĩ hui kushipawẽ hatu yuikĩ: —Matũ mekenika yushiburã, ana hui kushipawẽ nĩkamakãwẽ, daya betsa akĩ matu nĩkamamẽkainã. Haska inũ, pui kamẽkaĩ. Haskamarã, bai kamẽkaĩ. Haskamarã, ma ushamẽkaĩ. Datekĩ bestẽwãkãwẽ!— akĩ hatu kashewakĩ heneama yuikubainaya

Amós 4:7

Ana yuikĩ: “Ha dikabi shekiwã trigo tsekariabuma ushe dabe inũ bestitiã taewakĩ ui ẽ yunuama ikũkainimaki. Maewã betsa anu ui imakĩ hakia maewã betsa anuri ui imakĩ ẽ yunuama ikimaki. Hatũ yunu bai betsa anu ui imakĩ hakia yunu bai betsa anu ui yunuama ẽ tsusĩwãkĩ keyuimaki.

Lucas 1:51

Haska inũ, ibubis yubakatã keĩsbuma hatu shanẽ ibu wakĩ betsabu nuitapai buniaibu piti pepa hatu yani wamakĩ mabu itxapayabu nuitapawakĩ mekẽ bestia mais hatu nitxĩmiski. Haska inũ, ibubis keaĩbu itxakawakĩ hatu huĩti nixma wakĩ ibubis shanẽ ibui kuxipamisbu hatu mitanuma wakĩ Deusũ hawẽ kuxipa uĩmakĩ hatu unãmashanikiki.

Hechos 17:26

Xinãkãwẽ, eskakirã. Na mai hirabi anu nũ hanu hiwebaũshanũbũ Deusũ huni bestitxai dukũ Adão dami watã hawẽ taeshũ dasibi nawa betsa betsapa pawanikiaki. Na nenu mai anu hatiãra inũ hanira nũ hiweshanũbũ ma hanu tibi nuku mae pewashuni anu nũ ikabuki, na habia mae anu nũ hiweaburã,