Gênesis 11:4 - Kaxinawá Bíblia (BR)

⁴ ana yuinamekĩ: “Mae ewapa wanãkãwẽ. Hanushũ mae namakis anu hanushũ uĩti hiwe tapaitiya wabaĩkĩ keyatapahaira wakĩ tsamakubaĩkĩ nai merã hikiti wanãkãwẽ, haskawẽ taeshũ dasibitũ hau nukũ uĩti hiwe hawẽrua hau shinãkubaĩshanũbunã. Haskai hiwei mai hirabi anu nũ pashkama ishanaii”, ishũ

Gênesis 11:4 Referencias Cruzadas

Gênesis 6:4

Habiatiãri yurabu keyatapa kushipa ewapahaira hiwerianibukiaki. Habunã, Deus kẽwanikabũ aĩbuaibu habũ Deus kẽwãbuma hatu aĩwãtã txutanameakeakekĩ hatu bake wa bake itxapa kaiã ewatã hanua habu dukũ shenipabui bebũkirihaira shanẽ ibu kushipabu unanepa hirabibũ unãkĩ hatu kẽwaĩbu hiwepaunibukiaki.

Provérbios 10:7

Huni pepa uĩkĩ Deusũ duawamis betsabũ hawẽ pepa shinãkĩ hakimaisbumaki. Hakia huni txakabukiri hawaira hakimamisbuki.

Daniel 4:11

Ha dukũ yumei hawẽ yura ewapakũkaini keyatapahairai hawẽ masua nai kuĩ binua mai hirabi txaihaira anushũ dasibibũ uĩbaũtirubuki.

Daniel 4:22

haskarã, shanẽ ibuũ, ha hi keskarã, habia mĩ miaki, ewai mĩ ma kushipahairairã. Hatu detekubaĩkĩ hatũ mae tibi atxikubaĩkĩ nai kuĩ mĩ binua keskaki. Hanira mai hirabi anu mĩ hatu yunumisrã, haki.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Daniel 4:30

hatu yuikĩ: “Babilônia mae ewapahaira hawẽrua uĩkãwẽ. Ẽ maewã uĩkĩ ẽ kushipa hau shinãkubaĩshanũbũ shanẽ ibukĩ nenushũ ẽ hatu yunukubainũ, iwanã, na maewã hawẽrua ẽ kushipawẽ ẽ hatu amakubainimaki”, hatu wai

Lucas 1:51

Haska inũ, ibubis yubakatã keĩsbuma hatu shanẽ ibu wakĩ betsabu nuitapai buniaibu piti pepa hatu yani wamakĩ mabu itxapayabu nuitapawakĩ mekẽ bestia mais hatu nitxĩmiski. Haska inũ, ibubis keaĩbu itxakawakĩ hatu huĩti nixma wakĩ ibubis shanẽ ibui kuxipamisbu hatu mitanuma wakĩ Deusũ hawẽ kuxipa uĩmakĩ hatu unãmashanikiki.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

Deuteronômio 4:27

Mã txakabuwai matu kupikĩ nawa betsa betsapa anu sa akĩ Senhor Deusũ matu ubisitawashanikiki. Matu haska wa hatiri eskarabes hatũ mae anu mã hiwebaũshãkanaii.