Gênesis 11:27 - Kaxinawá Bíblia (BR)

^27-28 Tera huni bakebu hati ipaunibukiaki, Abrão inũ, Naor inũ, Harãnã. Harãnẽ huni bake bawaima kaiã kenakĩ: “Lóki”, ani hanua hawẽ epa Tera mawariamakẽ Caldéia mai pakea anua hawẽ mae Ur anua habia kaini anuari ha dukũ Harã mawanikiaki.

Gênesis 11:27 Referencias Cruzadas

Gênesis 11:31

Hanushũ Tera Abrão inũ hawẽ aĩ Sarai inũ hawẽ berẽ Ló iyui Caldéia mai pakea anua hawẽ mae Ur kaĩkaĩkĩ henebaini Canaãkiri kakũkaini atimas mae pepa betsa natiã hawẽ kena Harã anu hikitã hawẽ bake debuniwẽ taeshũ mae kenakĩ: “Harãki”, atã hanu hiweaibũ

Gênesis 12:4

Deusũ yuia nĩkatã 75 ano haya Abrão Harã anua kaĩkaini kakĩ hawẽ aĩ Sarai iyui inũ hawẽ betsã bake Ló iyui inũ hawẽ tsumabu mirima ibu wakĩ binishũ hawẽ hamapai tibi hatu bumai Harã anua Canaãkiri usha itxapakũkaini bui

Gênesis 14:12

Abrão betsã bake Ló hawenabube hiwea hatu atxiriatã hawẽ mabu inũ hawẽ inabuya hatu buanibukiaki.

Gênesis 22:20

Hatiãra tsuãra Abraão yuikĩ: —Mĩ betsa Naor bake itxapa ma hayaki. Hawẽ aĩ Milca 8 huni bakeyaki, hawẽ bake iyuarã, Uz inũ, ha katxu Buz inũ, Quemuel inũ, Quésede inũ, Hazo inũ, Pildas inũ, Jidlafe inũ, Betuelrã. Hatiki, hawẽ huni bakebũ kenarã— anikiaki. Ha inũ, hawẽ nãtakea aĩ bikĩ pakatã bini aĩbu betsa Reumárã, 4 huni bake hayarianikiaki, Teba inũ, Gaã inũ, Taás inũ, Maacárã. Hatikiaki, hawẽ huni bakebũ kenarã. Txipu Naor bake betsa Quemuelĩ huni bake betsa bawani hawẽ kena Arã inikiaki. Ha inũ, Naor huni bake betsa Betuelĩ aĩbu bake betsa bawanirã, hawẽ kena Rebeca inikiaki.

Josué 24:2

Israelĩ enabu dasibi Deusũ hãtxa Josué hatu yuikĩ: —Eska nukũ shenipabu Israelĩ mekenika Senhor Deusũ ea yuishinaki. Matu yuinũ ea nĩkakãwẽ: “Henewã Eufrates ukeri kesha betsaurishũ matũ shenipabu Tera inũ hawẽ huni bake dabe Abraão inũ Naor hiweshũ yushĩ betsa betsapa duawakĩ kẽwãpaunibukiaki.

2 Pedro 2:7

Deusũ hatu haska waitiã Sodoma anu Abraãonẽ berẽ Ló nawabube hiweshũ hatũ txakabuwẽ betsa betsapaibu hatube naxui ika hiweshũ bari tibi haskaibu uĩ inũ habu nĩkai hatũ txakabuwẽ taea huĩti nixma haska washũ hatu merabewatimakẽ txutaname bestinũ ika kemukĩ Ló bikawaibũ hatu kuariama Ló huni pepakẽ Deusũ pashawanikiaki.