Gálatas 6:7 - Kaxinawá Bíblia (BR)7 Haskakẽ txanima hãtxa matu yuinũ nĩkairakãwẽ. Hamapai wakĩ Deus nũ parãtirumaki. Hawara nũ amiswẽ taeshũ Deusũ kaneama nuku kupishanikiki. Ver CapítuloKashinawa : Diosun Jesúswen taexun yuba bena yiniki7 Jaskaken chanima jancha matu yuinun ninkaidakanwen. Jamapai wakin Dios nun padantidumaki. Jawada nun amiswen taexun Diosun kaneama nuku kupixanikiki. Ver Capítulo |
Jesusũ hatu yuikĩ: —Ẽ ana huriamakẽ haskai nuitapai taeshanaibu Deusũ yuini eskashãkanikiki. Shabakabi matu yuinũ nĩkakãwẽ. Ma ẽ hanu hua kemaya huni betsabu beshũ yuikĩ: “Ẽ Deusũ Messias Cristoki. Ea nĩkakãwẽ”, ikaibũ betsabũri yuikĩ: “Cristo dama huikiki. Matu uĩmanũ ea txibãkãwẽ”, iwanã, yuiaibu hatu nĩkayamashãkãwẽ, hau matu parãyamanũbunã.
Tsuãra Deusũ hãtxa nĩkama txakabukubaĩmisbu nai anu Deusbe hiweama ishanairã, mã unaiĩ. Haskakẽ mã ikũwã kayabiriamakiri ibubis beparamei parananãyamakãwẽ, mã eska husia hiweawẽ taearã. Ha betsa betsapabu txutakĩ txutabaũmisbu inũ, yushĩ damiwakĩ ha itsa betsa wabu bitã kẽwãmisbu inũ, huni aĩyãbia aĩbu betsa hawẽ aĩma txutamisbu inũ, aĩbu beneyabia hawẽ benemabe txutanamemisbu inũ, huni aĩbu ikasi txutanamemisbu inũ, aĩbu dabe menamei txutanamei itsamisbu inũ, habu txakabui beshtekeisbumarã, Deusbe hiweama ishãkanikiki.
Ha inũ, matube hiweshũ hawara ẽ matu yusĩtanimarã, mã ma daki hakimai ikai matu ana yuinũ nĩkakãwẽ. Deus ikũwaĩbu itxapabũ Deus danaĩ txĩtuaĩbũ Jesus hushanai ma kemaya huni txakabu kuxipa bebũkiri ha dukũ hushanikiki, ha huni txakabũ iburã, hau Deusũ kupiti tenetxakayamashanũ Deusũ ma haki tanashũ pewanirã. Ha Deuski sinatamistũ Deusũ yunuti inũ hawẽ nemati danãkĩ hamapai tibi kẽwãkĩ txibaĩbu nemanũ, iwanã, hamapai dami xarabu kẽwãmisbu hatu binukĩ maematã hamebi keĩ hanua Templo Jerusalém anu tsaushũ yuikĩ: “Earã, ẽ Deuski”, ishanikiki. Haskawẽ taeshũ hau matu parãyamashanũbũ hatu hawa nĩkamayamashãkãwẽ.