Gálatas 6:13 - Kaxinawá Bíblia (BR)

¹³ Haska inũ, Moisés nemati inũ hawẽ yunuti habũ txibãkĩ keyuamabia matũ hina kubitxi nĩkamas matu bitã matuwẽ taea besti ibubis kẽkatsis ikanikiki.

Kashinawa : Diosun Jesúswen taexun yuba bena yiniki

¹³ Jaska inun, Moisin nemati inun jawen yunuti jabun chibankin keyuamabia matun jina kubichi ninkamas matu bitan matuwen taea besti ibubis kenkatsis ikanikiki.

Gálatas 6:13 Referencias Cruzadas

Mateus 23:15

Hanua maturã, Deusũ hãtxa kenenibu yusĩnanãmisbu inũ fariseubu mã beparamebuũ, maĩ bukĩ iãnẽwã pukebaini bushũ nawa betsa matu keska judeu wanũ ishũ hatũ xinã betsa wamakĩ hatu ikũwãmanũ, iwanã, matũ beya mirima mã hatu tapĩmakĩ matũ txakabu mã hatu binumaibuwẽ taeshũ Deusũ hatu kupihairakĩ txi merã hatu urẽa hiwetxakashãkanikiki.

Mateus 23:23

Deusũ hãtxa kenenibu yusĩnanãmisbu inũ fariseubu mã beparamemisbuũ, mã peirawa! Matũ piti niswati tibi itxawashũ mekẽ dabeti mãtxĩwãtã Deusbe nukunabu hãtxashunika mãtxĩ betsa inãbiakubaĩmis haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Mateus 23:3

Haska matu yusĩmisbu hatũ hãtxa pe txibãkĩ hakia hatũmebi keĩ beparamemisburã, ha hatu mawayamakubaĩkãwẽ. Pe matu yuibiatã ibubis kanekubaĩkanikiki.

1 Coríntios 3:21

Haskawẽ taea nũ yurabu nũ matũ yusĩnã bestibiakẽ daketapakĩ nuku kẽwaĩ hunibũ tsumabu nuku wayamakãwẽ. Hamẽ Deus hawa yauxiama nukũ nũ matu merabewanũ, iwanã, ẽ Paulo inũ, Apolo inũ, Pedro inũ, huni yusĩnãbu tibi nuku yununiki. Ha inũ, mã hiwea inũ, mã mawabu inũ, na habiatiã inũ, bari betsa ũ unuatiã dasibi inũ mai hirabi Deusũ matu yununi mã hawẽ hiwearã, matunaki.

1 Coríntios 5:6

Mã eska keskaki. Matu yuinũ nĩkakãwẽ. Misi wamisbu mã unaiĩ. “Misi wakĩ hawẽ shasha wati eskarabes kapã shashai ewapamiski”. Haska keskai hawara txakabu ha hunĩ matu anushũ akĩ matu daũkĩ akawabia unãbiai pepai mã keaiĩ, haskatimabiakenã.

2 Coríntios 11:18

Habu keĩ ibubis hatũ unãnepawẽ binunãnãmisbũ eari haska keskariai ẽ imiskiri ẽ keĩmẽkainã.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

2 Pedro 2:19

Habu txakabũ hatu tsumawawẽ taea ha hunibũ hawa hatu nematirubumaki, ha ikũwãkĩ taewaibũ akaiburã. Nuku tibirã, hatũ nuku mekearã nũ hawẽ tsumawẽ taea ha parananãmisbũ tsumarã, txakabu bestiki, tsuã danãkĩ henetirumarã.