Gálatas 5:10 - Kaxinawá Bíblia (BR)

¹⁰ Haska yunukĩ ẽ matu keneshunai uĩtã habiaskari mã ikũwãriakubaĩshanai Deus ẽ ikũwaiĩ. Hamẽ tsuabura mapushũ matu xinã betsa wamakĩ habuã matu itimaska waiburã, Deusũ hatu unãtã kupishanikiki.

Kashinawa : Diosun Jesúswen taexun yuba bena yiniki

¹⁰ Jaska yunukin en matu kenexunai uintan jabiaskadi man ikunwandiakubainxanai Dios en ikunwaiin. Jamen tsuabuda mapuxun matu shinan betsa wamakin jabuan matu itimaska waibudan, Diosun jatu unantan kupixanikiki.

Gálatas 5:10 Referencias Cruzadas

Hechos 15:24

Haskakẽ nenuari nukunabu nũ hatu yunuamabia buimashũ hatũ beyakiri matu yusĩkĩ matu itimaska waibu nũ nĩkaxinaki.

1 Coríntios 5:5

hau Deusũ Yushĩ Pepatũ ana mekeyamanũ ha hunĩ txakabuwaima kupikĩ Satanás yunukĩ inãkãwẽ, Satanásã hawẽ yura hau hawara tenemanunã. Haska wanikẽ nukũ Shanẽ Ibu Jesus hukĩ hau hawẽ yushĩ mekei kanunã.

2 Coríntios 1:15

Haskawẽ taea matuki txiti ikĩ haska ẽ xinaiĩ. Haska matu anu kashũ matu uĩkatsis ikĩ ha dukũ ẽ xinaĩma keska dabeki matuki bai kai

2 Coríntios 10:6

Cristokiri nũ matu yusĩbia mã nuku txibãmakenã, nũ matu kupikatsi ikamaki. Menã hawaira nuku nĩkatã txibãkĩ pewarikãwẽ. Mã ma pewakẽ tsuabura huĩti kuxibu nũ kupishanaii.

2 Coríntios 13:10

Haskakẽ matu uĩ kashũ matu ha akĩ nixmawakĩ ẽ matu ana babu wayamashanũ hakia merabewakĩ ẽ matu kuxipa wakubaĩshanũ nukũ Shanẽ Ibũ hawẽ kuxipa ea inãniwẽ matu yamawama mã ikũwaĩbu ẽ matu kuxipa wakatsis ikaii. Haskawẽ taea matu anu kariama bebũkiri ẽ hãtxa keneshũ ẽ matu bumaiwẽ taeshũ xinaĩrakãwẽ.

2 Coríntios 2:6

Na besti ẽ matu yuiai nĩkakãwẽ. Hawẽ txakabuwẽ taeshũ mã ha tashnimaima matube ana itxatiruma tenehairakubaĩkĩ hatishũ mã bika tenemaima henetã ikũwaĩ hau heneyamanũ matu mã hawẽ nuiai hau unãnũ ana itã beyawakĩ daewarikãwẽ. Hakiri hawẽ txakabu ana xinãma hakimawakĩ maturi hakimarikãwẽ.

2 Coríntios 5:16

Haska inũ, nukunã, haska ikũwãbumã xinaĩ hãtxamisbu keska nũ ana hatũ xinã keskamaki. Ha dukũ Cristokiri xinãkĩ: “Yura kayabi bestiki”, iwanã, nũ xinãbiaya Deusũ nuku ma betsa wakẽ betsahaira Cristokiri nũ ma xinaiĩ.

2 Coríntios 7:16

Mã txĩtuĩsmawẽ taea ẽ matuwẽ benimahairariakũkainaii.

2 Coríntios 8:22

Ha inũ, betsarã, habube ẽ nitxĩainã, nukũ betsa ikũwaĩ pepa ma kayatapĩni txĩtuĩsma hamapai betsa betsapa pewanika ha dikabi mã haki txiti itiru ẽ ha matu nitxĩshũriaii.

Gálatas 1:7

Txanima ẽ matu yuiaii. Yusĩa betsa naeshuma kuxipa hayama keskawẽ matu yusĩkanikiki. Huni betsabu humepakĩ matu parãkĩ Cristõ matu mekeakiri kakape betsa wakĩ habias hãtxawẽ matu yusĩabumaki. Hatũ yusĩa hãtxarã, hamẽ haki beparamekanikiki.

Gálatas 2:4

Hanua betsarã, nũ itxanu nukũ betsabu hatiri nukubetã ikũwaĩ kayabibumari hune nuku unãti wanũ ika hikia manishũ nĩkakĩ hawama Jesus Cristokiri nĩkatã txibaĩ ma mekei pepabiaibũ hanua habũ Moisés hatu yusĩni hatũ beya nuku ana husimakĩ txibãmanũ ika ikaibũ hawa hatu nĩkama binumakĩ ha Jesuskiri hãtxa txanimawẽ taea hawa beya tibiwẽ husikĩ matukiri nuku kanemama inibuki, mã haska betsatã maetirubumakirirã.

Gálatas 2:6

Jesusũ tsumabu unãnepabu habu hatu nĩkamisbu shanẽ ibubiabũ habũ hawa hãtxa bena betsa ea yuiama inibuki. Hakia txanima bemakis nũ hatu uĩkĩ xinãkĩ kẽwãbiamiskẽ haska Deusũ bemakisa xinãkĩ unãti waismaki. Haska katukinã, hatũ huĩti uke merã uĩmiswẽ taea haskawẽ ẽ nuiamaki.

Gálatas 3:1

Galácia anua unaĩsmapa tatimabuũ, tsuã matu dauĩmẽkaĩ, parã paepa wakinã? Jesus Cristõ matu pepawanũ ika cruzkia matu mawashunikiri ẽ matu unãmakubaĩbiaya huni betsabũ hatũ yusĩa bena matu yusĩkĩ parãkubaĩkanikiki.

Gálatas 4:11

Mã haskawẽ taea hamẽ dayakĩ ẽ matu merabewama ikimamẽkaĩ? ika ẽ dateaii.

Gálatas 4:17

Haskakĩ Jesus ikũwaĩ matxupabu huĩti txakabuyabũ judeubũ beya matu txibãmakatsis ikĩ tari matu pashkanũ, iwanã, matu hawenawakĩ habũ yusĩa besti matu txibãmakĩ hawẽ tsumabu matu wakatsis ikanikiki.

Gálatas 4:20

Haskarara mã xinaĩ ikai ẽ matu unãmaki. Hamẽ natiã ea kayabis ẽ harirã, haska ẽ xinaĩ hãtxa pewẽ ẽ matu yui kapanã ẽ katirumaki.

Gálatas 5:12

Haskakẽ judeubũ beya txibãkĩ huni betsabũ hina kubitxi matu binũ, iwanã, yusĩ mapushũ matu bikawaiburã, hatũ hina hirabi hau meshte keyurianũbũwẽ.

Gálatas 5:7

Haskakẽ hãtxa kayabi mã nĩkahairakubainaya parãkĩ tsuabũ ha hãtxa txanima mã txibãyamanũbũ matu nemakubaĩkanimẽkaĩ?

Gálatas 6:17

Jesuski dasinishũ hakiri ẽ yusĩkubainaya ea itxakawakĩ detekĩ ea baka keshtuwakeakenibuwẽ taeshũ ẽ yusĩa ea yuãkĩ ana ea bikawayamakãwẽ.

Filipenses 3:15

Tsuabũra nũ ma ikũwã kayabiai pepabunã, haska xinãnãkãwẽ. Ẽ xinaĩ keska tsuabũra habias keska mã haska xinãmakẽ haska ha hamapaikiri Deusũ yusĩkĩ matu uĩmakĩ matu unãmatiruki.

2 Tesalonicenses 3:4

Ha inũ, nukũ Shanẽ Ibube nũ habe dasitã matu yusĩtanima hawa heneama txibãkĩ mã habias akubaĩshanai haskakiri nũ matu ikũwaiĩ.

1 Timóteo 1:20

Ha inũ, Himeneu inũ Alexandrẽ habiaskari hatũ hiweawẽ hatũ yusĩa kanekĩ yusĩtxakaibu hau ha dabe ikũwaĩbube ana itxayamanũbũ ẽ hatu nemaimaki. Habũ xinaĩ keska Satanásã hau hatu amanũ ẽ hatu haska nemaimaki, ha Deuskiri txakabu yuiaibu ha ibubis keneaibũ Deusũ hatũ xinã betsa watiru hau unãshanũbunã.

Filemom 1:21

Ẽ hãtxa mĩ nĩkakĩ txibãmis unãkĩ ẽ mia keneshũ bumaii, haska ẽ mia ea akai binukĩ mĩ pepawashanai xinãkinã.